ايوا بغير هشام الجخ

القاء : منه هشام الطايل 
كلمات : محمد انسان 
من ديوان إنسانيات
-----
تسمَحيلى يا حَبيبتى .
اسألك كدة كام سُؤال .
هو ليه الطِيبة قلَِت .
هو ليه انا بختى مَال ؟ .
طب قوليلى بس يَعنى .
عَنك انتى ايه مَانعنى .
بس اوعَى تقولى باعِنى .
ده انتى عَارفة بـ كُل حَال .
عاَرفة انى كِتير قابلت .
وفـ كُل مَرة بقول وصلت .
يقتلوا جوايا حَلمى .
يندِمونى انى حَاولت .
.
تسمحيلى يا حبيبتى .
اسألك عن حق ليا .
ع الى زور والى خرًب .
واللى بايع القضية .
عن دقون عيرة فالصو .
عن جنون الليبرالية .
هما ليه كتمولى صوتى .
هو ليه غموا عينيا . !
هما ليه تملى صح .
هو ليه انا الضحية ؟

تسمَحيلى يا حَبيبتى .
اعترف انى ضَعيف .
وان خوفى وان طِيبيتى .
مَايجبوش حَق الرِغيف .
وان حُبى ليكى قَدرُه .
يِتولد ويمُوت " كَفيف ". ـ !

تسمحيلى | محمد إنسان

لتجبلي شيكولاته

يا اصحابي ايوه بحبكم - وائل جسار

اخترعتك 
من صوت نغم فيروز مع القهوة 
وسميتك الشتا
من القهاوي والنواصي والمطر 
من ليل ديسمبر والدفا 
من ضحكة كانت نصها مسافات 
وعملت لونك 
تشكيلة من الوان عيون كل البنات 
واديت لصوتك لحن مزيكا حزين 
اخترعتك من سؤال بتحب مين 
- بديت القصة تحت الشتي
بأول شتي حبو بعضن - 
اخترعتك 
من كل لحن بإسم عمر خيرت 
من كل مطرة ف الشتا نزلت 
من كل شارع فيه مشينا 
او كل حلم حلمنا بيه 
وانتى اعتبرتيه كان هزار 
اخترعتك 
من الفجر والليل والنهار 
من صوت ناي بعيد جدا 
وكوبليه منير 
-يا حبيبتي البعد نار
قلبي داب م الانتظار - 
انا اخترعتك 
من لحن عمار الشريعي وصوت حليم 
من كل شئ قيم اكيد 
علشان قديم 
من نجاة 
في القريب منك بعيد 
من كل حاجة ريحتها فايحة 
من وردة ماشميتيهاش 
من بارفاناتي اللي انتي دايما 
محبيتيهاش 
من كل قهوة وشها مظبوط 
وعملت من البحر حواجز 
وعملت من الرملة سدود 
و ف كل سد بعدي منه بعيش 
وف كل مرة بعيشها ليكي بموت
اخترعتك 
من كل تحويجة بن 
من ضحكة كل عجوز مسن 
عشان شوفت فيها طفوله 
تشبه الواضحة ف عيونك 
اخترعتك 
واخترعت معاني ليكي 
مستحيل تقدر تخونك 
انا بسأل الناس والسحاب 
والتلاقي والغياب 
والدعاء المستجاب 
ليه اللى موجود بنداريه
وبنبكي ع الموجود غياب 
الصبح لعنة كل سهران م الوجع 
دايما يشوف النور 
كاشف لكل المستورات 
الليل جدع 
بيجمع الادوار ف دور 
ويموت ف نفس الدور سكات 
الشتا صاحب ,,, صديق تدارى فيه 
انت وهي !! انت وبس ومج النسكافيه
الشتا حالة ,,, الشتا حيرة 
والمطرة حبر بيحكي بيه 
دعا واشواق ,, صلوات وغيرة
الشتا بيغني بصوت فيروز 
-ما زالا قصص كبيرة
و ليالي سهر و غيرة
تخلص بكلمة صغيرة
حبوا بعضن .. تركوا بعضن 
اخترعتك 
بس كان اول شتا 
وخلصت القصة بتاني شتي 
تحت الشتي تركوا بعضن -

اخترعتك

هشام الجخ -ايوا بغير

المرة دي مش هعرف اتحيكي
جوابي ده الاخير ليكي
بدايتاً أنا لسه مستنيكي
مازالت عيني مشتاقة لعنيكي
ياهدية جات في يوم تنجيني
سحابة ضلة... 
مطرة تحضني وقت الخوف
فـ تقويني
بتحن لك عيني 
فعلاً وحشتيني
لسه نقطة ضعفي هي انتي
كان لازم فعلا تسبيني وتمشي
كان لازم فعلاً تكونيلي
فاكرة ولا أفكرك بيا
كان لازم فعلا تستني شواية
أولاً : فاكرة أول يوم قابلتك فيه ؟!
الاسود فعلاً كنتي الاجمل بيه ...
هنا كنا واقفين 
و رغم انك معايا كنت حابب اقولك وحشتيني
ويبان في الكادر.. عيون ناس حاسدين
حلفت في يومها هكونلك سند 
وحلفنا ان احنا مكملين.. 
من هنا ورايح هعشلك انتي وبس 
وقلبي بغيرك عمره ماحس ولا هيحس 
آه بصحيح.. يومها كان نفسي وانا راجع 
ايديا في ايدك واخدك ونمشي في الشارع 
لسه لحد هذا الوقت بتمني أشوفك ولو صدفة
فـ لسه فاكر كل ذكرة كات مابنا متسابة 
ملامحك وانتي بتضحكي
احساسك وانتي بتهديني 
و صوتك وانتي بتندهي 
أنا نفسي في حضنك تخليني 
علي طول كان مليني الخوف 
من يوم يجي و تسبيني ..
وفي بالي مهما هشوف 
ما أجوز لغيرك .. فعلا وحشتيني 
وبنام أقوم _ أحلم بيوم تيجي فيه
وفي حضنك تضميني _ فتخدر بيه.
ثانياً : المشهد التاني 
شارع _ شجرة _ ومكان خالي من الناس 
مش هنسي يومها فرحتك ، لما قلتلك 
أنك طولتي ،و كانك فاكره اني لسبباً ما 
هبطل أحبك وأعشقك ، مع إنك خفتي
من إني اسيبك وامشي و بسرعة 
فركبنا قوام خط ستة و سكتنا 
خدت أنا منك يومها الجرعة 
مدمن جداً ليكي ، وحابب مرضي
طول الطريق و أنا باصص بس في عنيكي 
كانت أول مره روحنا تتلاقي 
وفضلت روحي لروحك لسه مشتاقة 
آه صحيح.. زعلنا برده يومها 
وكأن القدر حالف برده يبعدنا 
أكيد فاكرة.. مش محتاج أقولك حصل إيه ؟
ومش عارف حتي الان، أنا مازلت عاشقك ليه!
ثالثاً : المشهد التالت والاخير 
ومتقوليش إنك ليا مش خير 
أنا مش عايز ليكي بديل أو غير 
مش هنسي المشهد ده نهائي 
يومها زعلتي فققرتي 
إنك تنسيني وانساكي 
مصدقتش ، كدبت كلامك
مديت أيدي لزيل برده أوجاعك 
وحلفت برده لـ مكمل أنا معاكي 
من غيرك ممكن يوم يقويني 
تبت في ايدك فبعدتي وسبتيني 
كل ماقرب ، في الغياب وحدك زدتي 
وفي بعادك تذليني ، كان الآولي تضميني
مش انتي برده قلتي :
بإنك مازلتي عاشقة وبتحبيني 
وإنك مازلتي موجودة
وعمرك يوم ماهتمشي 
ومازلت برده بسببك مابنمشي 
بروح لصورك وبعاني 
فبكدب واقع انك غيبتي
أنا نفسي بجد ... 
أجي مكانك وتيجي مكاني
أنا ممتن جداً ليكي ولعنيكي 
ولـ أيام فرحتيني فيها 
أنا أسف جداً معاليكي
جيتي كتير ع نفسك
وحبتيني .. 
كان ممكن فعلا أكمل بيكي 
أسف برده وحشتيني..
أما أنا : هفضل فعلا مستني 
ولو لميت سنة ‘‘
وان كنتي نسيتي 
فـ أنا ليكي مش ناسي 
(أيـة) بعتها ربنا والقدر ليا 
بس مكنش لازم تاخدي روحي
وتسيبي روحك فيـا ...
علي وعدي أنا معاكي 
معرفتش أنساكـي
عمري هعيشه ليكي
ع الذكريات ...
أنا هفضل عايش بيكي
فـ مهما البعاد طال ولا زاد
تروح حاجات تغيب حاجات
هفضل مازلت مستنيكي..
#وحشتينى
#أحمد_أشرف

قصيدة السيرة الذاتية لعلاقة ما أكتملتش أحمد أشرف

dmc دراما

أغنية - لقانا نصيب - ... ساعات البعد بيبقى علاج يد

العسيلي اصعب حاجه ف العالم ❤💔

مش شبهكوا..🖤

مهرجان " هفضل احبك " محمد مساهل - نرفين جمال - كلمات وتوزيع محمد مساهل 2021

اخترعتك

Ahmed Mohsen

Recent comments

Hanan Gobran

Related tracks