اغاني اطفال

amany

شِعر

امين حداد

الروقان

شعر

Hanaa

محمد منير - المريلة الكحلي

خبِّئْ قصــــــائدَكَ القديمـــــــــةَ كلَّها

واكتبْ لمصـــــــرَ اليومَ شِعــرا مِثلَــــــها

 

لا صمتَ بعدَ اليـــــومِ يفرِضُ خوفَهُ

فاكتبْ ســــلاما نيلَ مصــرَ وأهــــلَهــــــا

 

عينـــاكِ أجمــــلُ طفلتينِ تقـــــــررانِ

بأنّ هذا الخـــــــــوفَ ماضٍ وانتــــهى

 

ويداك فدانان عشقٍ طارحٍ

ما زال وجهُكِ في سَماهُ مُؤَلَّها

 

كانتْ تداعبُنـــا الشـــــــوارعُ بالبرودةِ

والسقيــــــعِ ولـــــم نفسَّـــرْ وقتَهـــــــا

 

كنــا ندفِّــئ بعضَنـــــا في بعضِنــــا

ونراكِ تـبـتـسـمـيـــن ننســـى بَـــــرْدَهـــا

 

وإذا غضِبنـــا كشَّفــتْ عن وجهِهــا

وحيــــاؤُنا يــــأبى يدنِّــــسُ وجهَــهــــــــا

 

لا تتــركيهـــم يخبـــروكِ بأنـنـــــي

متمـــــردٌ خــــــــــــانَ الأمــــانـةَ أو سَها

 

إني أعيذكِ أن تكوني كالتي

نقضتْ على عَجَلٍ وجهلٍ غَزْلَها

 

لا تتبعي زمنَ الرُوَيْبضةِ الذي

فقدتْ على يده الحقائقُ شكلَها

 

لا تتــركيهـــم يخبـــــروك بأننــــي

أصبحـــتُ شيئاً تافهــــاً ومُـــــــوَجَّــــــها

 

فأنا ابنُ بطنِكِ وابنُ بطنِــكِ مَنْ أَرادَ

ومَــــنْ أقـــــالَ ومن أقــــرَّ ومن نَـــهَى

 

صمتَتْ فلــــولُ الخــائفيــنَ بِجُبْنِهِم

وجُمُــــــوعُ مَنْ عَشِقُــــــوكِ قــــالتْ قَوْلَها

هشام الجخ - مشهد رأسي من ميدان التحرير

وضعوا على وجهي مساحيقَ النساءْ
الآنَ اكتبْ ما تشاءْ
كن شاعرا .. كن كاتبا
كن ماجنا.. كن ما تشاءْ
الآنَ أنتَ مُهَيَّأٌ كي تصعدَ الزفْراتُ منكَ الى السماءْ
ما دمتَ في زيِّ النساءْ
فاصرخْ وناهِضْ ما تشاءْ
وارعِدْ وهدِّدْ مَنْ تشاءْ
وسَنَرْتَضِي منكَ الضجيجَ ونرتضي منك السُّبابَ
لأن هذا ما نشاء..
 
واتمدَّدوا في أرضي
ما تقولي يا أرضي
مين شَيَّلِك بالطين ؟
مين حَبَّلِك غيري ؟
طب كنت انا ف "حطين" ؟
ولا كان صلاح غيري ؟؟
 
رافض أقولك يا وطن شعر وقصايد
رافض أصوغك يا وطن سطرين أدب
ما بَقِتْش قادر ع الأدب
يا بلادى يا (رحبه)
هى يا دوب سحبه فوقى و بزياده
بقى هما رجاله
و احنا اللى حبة نتى عليهم العاده
 
خمسين سنة !!! ( القصيدة كُتبت عام 1998 )
عُقبال يوبيلك الماسي
وابقى "هشام" صهيون
يبقوا اليهود ناسي
ولما حتجوز ويجيني صهيوني
راح اجَوِّزُه بنتي
ما انا خوفي لآدِّيها لعربي يسرِّحها !!
ما غارش على بلده .. حيغير على بنتي!!
 
السادةُ العربُ الموقرُ جمعُهم
الامةُ العربيةُ عروسٌ أنتم لم تصونوها عروسْ
هجَّ الجرادُ إليها .. فهربتم
واختبأتم في المساجدِ والكنائسِ
قاتلتموهم بالصلاةِ .. وبالبخورِ
وبالدعاءِ رُكَّعا وجُلُوسْ
عجبا لِهَا تلكَ الطقوسْ
لا جُرمَ عليكِ فلسطينُ
لا وزر على امرأةٍ تزني
ما دامَ الزوجُ الأصلُ ديوثْ
 
يا سادةَ حكامِ الامةِ الغفلةُ ليستْ للحكامْ
علَّمَنِي ( أكتوبرُ ) درسا كيفَ يكونُ هناك سلامْ
أولادي بَصَقُوا في وجهي .. كتبوا لي في الغرفةِ سطرا
إنْ ماتَ الابُّ فِدا وطنٍ .. ما أحلى عيشَ الايتامْ
يا وطني لا يمكنُ أبدا أن يرحلَ عربيٌ مِنَّا للغربِ بدونِ استعلامْ
فلماذا تفتحُ أبوابا وتُنَكِّسُ رأسا وظهورا
وتُسَلِّمُ بِكْرَ عروبتِنا  كي ترفعَ ساقيها سَفْحا
وتصفقُ للذَّكَرِ الأقوى وتَكَلُّ من التصفيقِ تنامْ
سبحانَ إرادةِ (أُنكِل سام)
 
وطني
يا وطنَ الموبوئين ووطنَ المهزومين
ووطنَ الحبَّاكين ووطنَ النَّفْطِيِّين ووطنَ الـ ..........
 
أنا والشعرُ مهزومانِ .. منفِيَّانِ .. مُعتَقَلان فيك
إذا ما استنجدَتْكَ القُدْسُ مَنْ سيغيثْ
يا وطني شكِّلْني رجلا
صنِّفْني عندَكَ في بَنْدٍ لا يحملُ تاءَ التأنيثْ
إن دبَّ الخوفُ بأطرافِكَ قَطِّعْ أطرافَكَ يا وطني فالمرضُ خبيثْ
 
كيف اقولِّك بحبِّك
وانا اللي فعلا بحبك بس مش طايق
تبقي انتي ويّايا ف سفينة حبنا الطارح ورق اخضر
وريحة البحر الوحيدة اللي تدوّخ رِقِتِك
تنزل عنيكي من الكسوف
خايفة لاشوف في عنيكي حاجة من اللي جوّا
وإيدك المرمر على رجلك ليِتْشَاقَى الهوا
من فرحته يخطف طراطيف الجونلّة
بضحكة هالّلة محمّلة براكين وشوق
ومخطّية كل الشقوق ويادوب افوق
القى السفينة بتمشي بينا تهزنا والقاني مش سايق
فارجع كما الأول.. نفسي اقولك بحبك بس مش طايق
 
الأربع اللي فات صِحْيِت حيطان البيت م الفجر صَحِّتْني
كان القمر كسلان والصبح معرفنيش
عيِّل ماليه الطيش بجري على ميعادك
وانا جاي في قلبي حكاوي
ولما تمشي بلاوي ف جِتِّتي قايدة
حاولت احاول اقولها رجعت بلا فايدة
حسيت بإيدِك ونفسِك وصدرِك غيَّروا لوني
نعسان يا جِفْنِك كما شلال
وكوم حبال دَلُّوني وعَلّوني
لِسَّاني شَعري اسود ودراعي قادر يشِيلك
بس العِلَل في الوطن هما اللي علُّوني
 
كان نفسي اقولك بحبك
خفت اكون كداب يا ام الهوى حقايق
كان نفسي اقولك بحبك بيروت رقصت في قلبي
لَقِتْني مش طايق
 
تمثالُ "سليمانَ" سيزحفُ ويجرُّ الجُندَ الى الاقصى
والنملُ العربيُّ مُطيعٌ عجبا لِغُزَاة لا تُعصَى
لن يُصْرَمَ شعبُكَ يا وطني فرجالُكَ كالفِيَلَة بطْشا
وذكورُ الفيلةِ لا تُخصَى
قاتلْهم يا نخلَ الوادي
قاتلْهم يا رملَ الوادي
إن قطعوا نخلَكَ يا وادي
ستظلُّ رمالُكَ لا تُحْصَى
 
سامحيني يا وحدِك بستسمحك وحدِك
انا اللي عمري ما اشتكيت هجرِك ولا بُعدِك
ولا اشتكيت من وجع صدك ولا ردك
بستسمحك وحدك
 
خايف عليكي من القصايد تدهنك أسود بلوني
كل كوني قِيلة .. كوني ف كوني ضِلّة
خايف عليكي من الكلام .. اصل الكلام في بلادنا عِلَّة
تحت البيوت عسكر جوا البيوت عسكر
فوق اللسان عسكر بين الضلوع عسكر
طب كيف اقولّك بحبك وضلوعي مُحتلّة
إنتي اللي من يومِك طريقي
وريقك السيّال كما شلال يا دوبك بلّ ريقي
الليلة بتمرد على ريقي وطريقي وبرفض البلّة
 
سامحيني يا وحدك
بكرة اما اجيب ارضي حِمْلاها ليكي طيوب
مقدرش اسيب حبي بذرة ف وطن مسلوب

هشام الجخ - آخر ما حرف في التوراة

اصحى يا سيدى - سامية جاهين وآية حميدة - كلمات أمين حدّاد - ألحان محمّد عزّت

الباب الكبير - غناء : شيماء - كلمات أمين حدّاد - ألحان : محمد عزّت

دوشة - حسن المنيلاوى و سامية جاهين و آية حميدة - كلمات أمين حداد - ألحان محمّد عزت

حبيبى ولا على باله

شعر فى حضن المزيكا - أمين حداد - حازم شاهين - دعاء حمزة - إسكندريلا at Doum Cultural Foundation

يالا بينا تعالو  -محمود عبد العزيز- من فيلم  الكيت كات

بلا أحلام | تشارلز بوكاوسكي

انا عندي بغبغان.wmv

نصف حياة لـ جبران بصوت أماني عيسى

شريان فلسطيني المسحراتي أمين حداد و سامية جاهين

البيانولا
كلمات : صلاح جاهين
ألحان : سيد مكاوي
غناء : إسعاد يونس
من ألبوم "عزت الألاتاوي"
إنتاج عالم الفن 1981

أنـا دُبـت وجزمتى نعلـها داب
مـن كُتـر التـدوير ع الأحباب
يـا سلاملم لو أَعْتَر فى حبيـب
كنت أرقـص من كتر الإعجاب
كـِدَهُـه ..
كـِدَهُـه .. 
كـِدَهُـه ..

أنـا قلـبى مزيـكـا  بمفـاتيح
مـن لمسـه يغـنى لك تفـاريح
مع إنـى مـافطرتـش وجـعان
ومـعـذب ومتـيـم وجـريـح
باتنطط واتعفرت واترقص كـِدَهُـه ..
كـِدَهُـه ..
كـِدَهُـه .. 
كـِدَهُـه ..

بيـانولا وألابناضـه وحركـات
اطلعى بقى يا نصاص يا فرنكات
أنـا عازمك يا حبيبى  لما الاقيك
عـلى فسحه  فى جميع الطرقات
نتعفرت نتـنطط نترقص كـِدَهُـه ..
كـِدَهُـه ..
كـِدَهُـه .. 
كـِدَهُـه ..


Esaad Younes - El Beyanola     إسعاد يونس - البيانولا

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
 يدوسه عَجَل الميكروباص
 النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
 مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
 "العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
 القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
 أبو طلق من غير صوت
فيه الجيوش ما بقوش
 لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
 ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
 و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا



www.facebook.com/Mostfa.Ibrahim

هندسة صوتية : رفيق عدلى
One Take Studio

البنكنوت - مصطفى إبراهيم

شَرع التسالي- بصوت فؤاد حداد

من ديوان - "نور الخيال و صنع الأجيال"

ياسامعين : أبناء بلد واحده

تحت السما الواحده وياما جرى

مرت سنين ع الدنيا متقدره

الغرب سماها العصور الوسيطه

ونظر وقال كان الزمن مظلم

أما الحقيقة البسيطة

بتقول فى دار الشرق

مهما جرى ومهما يجرا

من أول تاريخ الهجرة

كان عندى فجر أنشق

نوره فى عين الجبارين مؤلم

حتى اذا ما ألتقوا بالفارس المسلم

عرفوا الحقيقة وعظموا فارس

صلب القوام والدرع تحت العمامة

حتى اذا مانزل من السرج ونصب خيمة

سهل الدموع الا أبتسام الراضي

مايل بجسمه لأستماع الأراضي

وعلى العيدان الطرية

ايديه نديه كيف أيدين الفارس الغارس

هذا الذى رد الثغور البهيه

وبنى باسماء الأئمة المدارس

وحضر مع الخصم لمقام القاضي

وأعاد الى الأم الصليبيه ابنها

أما عن المنكر نهى

وأما فى ليلة شجن بالشام

حلف يمين أفضل له

يفقد ولاده ومؤنسته ولا يهدم

هذا صلاح الدين فتى مقدم

حامل لواء الفتيه والأجناد

فوق الخيول المسرجات الجياد

وهى ليله من ليالى ربيع

أو هى ليله من ليالى جماد

القاهرة أولى رايات الجميع

عند المقطم كبرت للجهاد

يارب تشفى الصدور

يارب توفى الأمهات الندور

يارب تمنع عن ولادنا الويل

زاحفين على السواحل سلاسل نور

والبحر من دمياط يحيي السيل

واترتبت ع الخطوة رجلين الشهور

والصبر أملك من عنان الخيل

حتما على قدام وحتما ندور

والحصن فى عكة عظيم الليل

يلقى الآذان بيشق فوق السور

الحق ياولاد العرب منصور

فى كل أرض اتكلمت عربى.

************

الأرض بتتكلم عربى وقول الله

ان الفجر لمن صلاه

ماتطولش معاك الآه

الأرض بتتكلم عربى

***

الأرض بتتكلم عربى ومن حطين

بترد على قدس فلسطين

أصللك ميه وأصلك طين

الأرض بتتكلم عربى

***

الأرض بتتكلم عربى سبل وكروم

تجرى اللقمه على المحروم

ما تثبتش حصون الروم

الأرض بتتكلم عربى

***

الأرض بتتكلم عربى ياخيال

بيعد سيفك أم عيال

ظهرك ياما من الأجيال

الأرض بتتكلم عربى

***

الأرض بتتكلم عربى حتى البور

بنت الساقيه والطنبور

حتى فى بطون الأرض قبور

الأرض بتتكلم عربى

***

الأرض بتتكلم عربى بوجد وشوق

الفرع اللى يهم لفوق

لأجل الجدر يشم الضوء

الأرض بتتكلم عربى

***

الأرض بتتكلم عربى جدورها جدود

مد اتوسع زى العود

انت الباكر والمولود

الأرض بتتكلم عربى

***

الأرض بتتكلم عربى ولا ترتاح

واصل كالسيل المجتاح

فتحك ياعبد الفتاح

الأرض بتتكلم عربى

لما العواطف تكتمل بالعقل
الأرض أطيب من مزاج الحليب
والأرض هى الحاكمة بالعدل
بين ابنها والمستبد الغريب
الجبارين اللى احتموا بالصليب
داسوا على عيسى وكتاب المحبة
عملوا الدمار والقتل والتخريب
والأرض صنعتها الأمل والبشاير
والشمس دوّاره عليها تشاور
تاخد وتدى فى خيال الشاعر
تلقاه عجب فى الدنيا هلل وراج
فى الشام ومصر تنادت الأبراج
الفتح تم فى ليلة المعراج
صلوا على طه الرسول الحبيب
أفتح أيدىَّ لفوق والاقى المجيب
يا قاهره نجومك ملاليه
فيها الهدايه لآخر المعمور
أما رياحك حامله ليه
صوت المرتل فى آيات النور:
” نصرٌ من الله وفتحٌ قريب “

الأرض بتتكلم عربي - بصوت فؤاد حداد

أيهـــــا الناس «صلــــــــوا علــــــــى النبــــــى»؛كتبتُ هذه القصيدة معارَضةً لكل من قصيدة الإمام شرف الدين محمد بن سعيد البوصيرى، المعروفة بالكواكب الدُرِّيَّة فى مدح خير البَرِيَّة، أو البردة، ومطلعها: «أَمِنْ تَذَكُّرِ جِيرانٍ بِذِى سَلَمِ، مَزَجْتَ دَمْعَاً جَرَى مِنْ مُقْلَةٍ بِدَمِ»، وقصيدة أحمد شوقى بن على بن أحمد شوقى بك، التى عارض بها قصيدة البوصيرى وأسماها نَهْجَ البُرْدَة ومطلعها: «رِيمٌ عَلَى القَاعِ بَيْنَ البَانِ وَالعَلَمِ، أَحَلَّ سَفْكَ دَمِى فِى الأَشْهُرِ الحُرُمِ». والمعارضة تحية من اللاحق للسابق، وهى، حتى بعد الاعتراف بالفضل للمتقدم تبقى عملاً فيه قدر من المخاطرة، لأن فيها شبهة مما سماه أحمد شوقى نفسه «تجاوزاً للقدر»، ولأنها نص يعتمد فى جزء من معناه على الأقل، على نص سابق له، فلا يكتمل معناه إلا بمعرفة القارئ للنص الأول، ثم هى مخاطرة لأن كتابتها، فى زمننا هذا، ربما تشكل تحدياً لمنهجين سائدين فى الثقافة العربية، تكون عند أولهما تمرُّداً على الحداثة، وعند الثانى تجرؤاً على التراث.

1 - ما ليْ أَحِنُّ لِمَنْ لَمْ أَلْقَهُمْ أَبَدَا *** وَيَمْلِكُونَ عَلَيَّ الرُّوحَ والجَسَدَا
2- إني لأعرِفُهُم مِنْ قَبْلِ رؤيتهم *** والماءُ يَعرِفُهُ الظَامِي وَمَا وَرَدَا
3- وَسُنَّةُ اللهِ في الأحبَابِ أَنَّ لَهُم *** وَجْهَاً يَزِيدُ وُضُوحَاً كُلَّمَا اْبْتَعَدَا
4- كَأَنَّهُمْ وَعَدُونِي فِي الهَوَى صِلَةً *** وَالحُرُّ حَتِّى إذا ما لم يَعِدْ وَعَدَا
5 - وَقَدْ رَضِيتُ بِهِمْ لَوْ يَسْفِكُونَ دَمِي *** لكن أَعُوذُ بِهِمْ أَنْ يَسْفِكُوهُ سُدَى
6 - يَفْنَى الفَتَى في حَبِيبٍ لَو دَنَا وَنَأَى *** فَكَيْفَ إنْ كَانَ يَنْأَى قَبْلَ أن يَفِدَا
7- بل بُعْدُهُ قُرْبُهُ لا فَرْقَ بَيْنَهُمَا *** أزْدَادُ شَوْقاً إليهِ غَابَ أَوْ شَهِدَا
8- أَمَاتَ نفسي وَأَحْيَاها لِيَقْتُلَها *** مِنْ بَعدِ إِحيَائِها لَهْوَاً بِها وَدَدَا )1)
9- وَأَنْفَدَ الصَّبْرَ مِنِّي ثُمَّ جَدَّدَهُ *** يَا لَيْتَهُ لَمْ يُجَدِّدْ مِنْهُ مَا نَفِدَا
10 - تعلق المَرْءِ بالآمَالِ تَكْذِبُهُ *** بَيْعٌ يَزِيدُ رَوَاجَاً كُلَّمَا كَسَدَا
11- جَدِيلَةٌ هِيَ مِن يَأْسٍ وَمِنْ أَمَلٍ *** خَصْمانِ مَا اْعْتَنَقَا إلا لِيَجْتَلِدَا
12- يَا لائِمي هَلْ أَطَاعَ الصَّبُّ لائِمَهُ *** قَبْلِي فَأَقْبَلَ مِنْكَ اللَّوْمَ واللَّدَدَا ( 2)
13 - قُلْ للقُدَامَى عُيُونُ الظَّبْيِ تَأْسِرُهُمْ *** مَا زالَ يَفْعَلُ فِينا الظَّبْيُ ما عَهِدَا
14- لَمْ يَصْرَعِ الظَّبْيُ مِنْ حُسْنٍ بِهِ أَسَدَاً **** بَلْ جَاءَهُ حُسْنُهُ مِنْ صَرْعِهِ الأَسَدَا
15- وَرُبَّمَا أَسَدٍ تَبْدُو وَدَاعَتُهُ *** إذا رَأَى في الغَزَالِ العِزَّ والصَّيَدَا
16- لَولا الهَوَى لَمْ نَكُنْ نُهدِي ابْتِسَامَتَنَا *** لِكُلِّ من أَوْرَثُونا الهَمَّ والكَمَدَا
17- وَلا صَبَرْنَا عَلَى الدُّنْيَا وَأَسْهُمُها *** قَبْلَ الثِّيابِ تَشُقُّ القَلْبَ والكَبِدَا
18- ضَاقَتْ بِمَا وَسِعَتْ دُنْياكَ وَاْمْتَنَعَتْ *** عَنْ عَبْدِهَا وَسَعَتْ نَحوَ الذي زَهِدَا
19- يا نَفْسُ كُونِي مِنَ الدُّنْيَا عَلَى حَذَرٍ *** فَقَدْ يَهُونُ عَلَى الكَذَّابِ أَنْ يَعِدَا
20- وَلْتُقْدِمِي عِنْدَمَا تَدْعُوكِ أَنْ تَجِلِي *** فَالخَوْفُ أَعْظَمُ مِنْ أَسْبَابِهِ نَكَدَا
21- لْتَفْرَحِي عِنْدَمَا تَدْعُوكِ أَنْ تَجِدِي *** فِإنَّهَا لا تُسَاوِي المَرْءَ أَنْ يَجِدَا (3)
22- وَلْتَعْلَمِي أَنَّهُ لا بَأْسَ لَوْ عَثَرَتْ *** خُطَى الأكارمِ حَتَّى يَعرِفُوا السَّدَدَا ( 4)
23- ولا تَكُونِي عَنِ الظُلام راضِيَةً *** وَإنْ هُمُو مَلَكُوا الأَيْفَاعَ وَالوَهَدا (5)
24- وَلْتَحْمِلِي قُمْقُمَاً في كُلِّ مَمْلَكَةٍ *** تُبَشِّرِينَ بِهِ إِنْ مَارِدٌ مَرَدَا
25- وَلْتَذْكُرِي نَسَبَاً في الله يَجْمَعُنَا *** بِسَادَةٍ مَلأُوا الدُّنْيَا عَلَيْكِ نَدَى
26- فِدَاً لَهُمْ كُلُّ سُلْطَانٍ وَسَلْطَنَةٍ *** وَنَحْنُ لَوْ قَبِلُونَا أَنْ نَكُونَ فِدَا
27- عَلَى النَّبِيِّ وَآلِ البَيْتِ والشُّهَدَا *** مَوْلايَ صَلِّ وَسَلِّمْ دَائِمَاً أَبَدَا

****

https://www.facebook.com/notes/%D8%AA%D9%85%D9%8A%D9%85-%D8%A7%D9%84%D8%A8%D8%B1%D8%BA%D9%88%D8%AB%D9%8A/%D8%A7%D9%84%D8%A8%D8%B1%D8%AF%D8%A9-%D9%82%D8%B5%D9%8A%D8%AF%D8%A9-%D8%AC%D8%AF%D9%8A%D8%AF%D8%A9-%D9%84%D8%AA%D9%85%D9%8A%D9%85-%D8%A7%D9%84%D8%A8%D8%B1%D8%BA%D9%88%D8%AB%D9%89/537046272980755

قصيدة البردة | كاملة | تميم البرغوثي

Ghofranak - Ashraf Majed ft. May Abd el Aziz.. Watch the Music Video Produced By  Axeer Studio on Youtube now!
غفرانك - أشرف ماجد و مي عبد العزيز .. شوف فيديو الأغنية من هنا 
https://www.youtube.com/watch?v=75l9zwozNg8

Music Producer: Ashraf Majed
Vocals: May Abd El-Aziz
Voice Recording & Mixing: Mostafa Negm

Ghofranak - غفرانك Lyrics:

غفرانك اللهم جل علاك
لطفا بعبدك خالقي رحماك
ياكاشف البلوى أتيتك راجيا
أرجو رضاك، فليس لي إلاك

إن كان حظي في الحياة قليلها
فالصبر يامولاي فيه رضاك
ماحيلتي والعجز غاية قوتي
فإذا قضيت فمن يرد قضاك

وجهت وجهي نحو بيتك داعيا
يامن تجيب العبد إذا ناداك
بك استجير، ومن يجير سواك
فارحم ضعيفاً يحتمي بحماك

يارب قد أذنبت فاغفر زلتي
أنت المجيب لكل من ناداك

ألحان وتوزيع: أشرف ماجد
غناء: مي عبد العزيز

Ghofranak - غفرانك | Ashraf Majed Feat. May Abd El Aziz

لوركـا / أبرار سعيد.

هذه قصيدة "محمد عبيد"(الأميرالاى محمد عبيد لعب دورا هاما في الثورة العرابية, و استشهد في معركة التل الكبير) لفؤاد حداد بصوته

((محمد عبيد))
زرع الأمل والامانى له تاريخ وأصول
احمد عرابى ربط فوق الليالى خيول 
ساعة ما بتشب يلقاها القمر مذهول
يلقى انتباه البروجى وزهرة الأرغول 
والملحمة الفلاحة والبدوية 
بنت العرب فى ساحة الفداوية
أم العيون الندية تلتفت وتقول 
شوف البطل 
الفارس المصرى الشهم
زارق من الدوامة زى السهم 
وجبينه صاحب هم بيفكر
ويغازل النور اللى يتفجر 
أتم أوضح من هلال أبو زيد
شوف البطل اسمه محمد عبيد
اسامينا فى الشهداء طرب غالى
نوارة الأيام وحنتها
وعصرت قلبى لما غنتها
شوف البطل
مصرى وشفايفه تشبه الوليفين
والأرض قايمه معاه على الجنبين
والأمهات بحرى البلاد تناديه
دهب الحريم عيط عشان يفديه
لأجل الولاد خلى البطل يضرب
يكسر صفوف الإنجليز يضرب
يا بنايين نضرب معاه الطوب
الفجر لمحمد عبيد مكتوب
في الجنة عرض السيف مع دراعه
شوف البطل فى هجومه ودفاعه 
الفارس المصرى الأصيل الحر
يرجع على التل الكبير ويكر 
رمق الشهادة فى الطريق المر
يفضل على طول الزمن منصور
وما يتقلعشى من السلاح والمهر 
ولا من شبابه لحد نفخ الصور
الملحمة أخلد من التماثيل 
كان حى ماله فى الشجاعة مثيل
كان جسم فى تراب الوطن مثواه
كان قلب كل المؤمنين جواه
عظم شهيدك كل دم يسيل
على ارض مصرية عظيم الجاه
قول كل حرف فى اسمه وأتهجاه 
محمد عبيد
والاوله غنى الأمل وجهاده
والتانية واصل غنوة استشهاده
والتالته علمها الولاد يتهادوا 
سيرة محمد عبيد المصرى فى الفرسان
واعزف على كل آلة وقول بكل لسان
ايمانى بالنصر قوة مصر بالإنسان

http://www.facebook.com/Haddad.ElTo7fageyya

قصيدة أسامينا في الشهداء  - فؤاد حداد

Black Theama - Ensan بلاك تيما - انسان

I don't own the copyrights of the song or the music

ريما خشيش-الحب

المغنى خانه الشمس مكسوفه

صلاح جاهين - الشاى باللبن

عود: حازم شاهين
صوت : امين حداد

"اجعلنى قصيدة "

اجعلنى قصيدة 
تنهيدة تخلص و تروّح 
كتكوت فى الشمس بيطوّح 
اجعلنى شهاب فى السماوات 
اجعلنى كلونية ستّات 
خلّينا ندوّر على بيتنا و نلاقيه دافى 
الليل مش على قد كتافى 
و الصبح بعيد 
اجعلنى سعيد 
اجعلنى فى العيد كحكاية 
أو لبس جديد 
واجعانى تكشيرة الدنيا 
و واجعنى الوقت 
اجعلنى صحبة ورد
و ماتجعلنيش أبداً زهرية 
على باب القبر 
علمنى الصبر 
علمنى أفضفض و انا مبسوط 
علمنى أكون نسّاى 
علمنى أموت 
بس قبل ما اموت اجعلنى 
نعناعة فى كوبّاية شاى 
بتغنى فى الحلق
..................................................
"قصيدة العيش "

العيش السهران
على طاولة عيش عند الفران
العيش اللى يسيب الرده
على مفرش كاروهات ومشمع
فى مائدة الرحمن
العيش اللى بيستنى المدفع
العيش اللى فى إيدك لقمه
تحت الطبلية ينام
على ركبة بنت مربعة وسط اخوات وقرايب
وفوقيهم صورة واحد غايب
العيش فى الجيش
عيش التعيين لجنود جعانين
العيش اللى بنجرى وراه وبيجرى ورانا
العيش اللى بيتفرق فى المولد
والعيش اللى يروح لأشرجية بيفطروا فى الشارع
العيش اللى يروح المدرسة والكيس النايلون فى الشنطة
العيش اللى بيستنى الأوتوبيس جوه الجرنان اللى مبقع زيت
العيش النعمه اللى نبوس بيه جبهتنا ونحطه جنب الحيط
العيش اللى فى صرة منصوره ورايحه لجوزها الغيط
العيش المترصص على ست سْبته راسيين بحوايه
على راس الولد اللى يسوق العجله
العيش اللى بيتقمر ومحروق
ويحب الجبنه البيضا والبطيخ والقته
العيش اللى بيعمل فته
والعيش اللى يغمس فول
العيش الصابح والعيش المبلول
العيش اللى يروح الجنه
والعيش البايت فى مشنه
العيش البايت فى العياشه
والملفوف فى قماشه
العيش اللى معشينا ومعيشنا
ومعشى أبويا وأمى فى زمن الحلميه
ومعشى جدودى الفقرا فى زمن الباشا
ومعشى فراعنة فجر الدنيا
متحنط ويا الموميا
العيش والملح
بينادوا لبعض
وينادوا علينا
تترج السما والأرض
ينزل شلال القمح يغطى الوادى
ويغطى الدلتا
يملا الأفران بدقيق وعجين
وتغنى جموع المصريين
لرغيف العيش

اجعلني قصيده  -صوت امين حداد

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

الكوتشى اللى باش - كلمات مصطفى إبراهيم - غناء محمد محسن 
http://www.youtube.com/watch?v=sikRkD4nrJQ

الكوتشى اللى باش -  محمد محسن

قصيدة القاهرة لفؤاد حداد القاء: امين حداد و اية حميدة

جبران خليل جبران - البعض نحبهم. بصوت محمد معوض وهيثم تميم مذيعي سوا

القصيدة التي أبكت الملايين في الوطن العربي .. التأشيرة - هشام الجخ

التأشيرة - هشام الجخ

قصيدة هشام الجخ في رثاء طفلته جويرية

اجعلني قصيده -صوت امين حداد

Timoun Mounirian