Nchini Tanzania mashirika mbalimbali yasiyo ya kiserikali yanaendelea kuunga mkono juhudi za Umoja wa Mataifa za kufanikisha mikataba ya kimataifa ikiwemo ule wa haki ya mtoto unaotaja haki kuu nne za msingi za mtoto ambazo ni Kuishi, Kuendelezwa, kulindwa na kushirikishwa. 

Miongoni mwa mashirika hayo ni SAWA Wanawake Tanzania ambalo linatambua umuhimu wa mtoto kuendelezwa kwa kupatiwa elimu na wakati huo huo kulindwa dihdi ya vitendo vya ukatili. Harakati za hivi karibuni zaidi za shirika hilo ni katika wilaya ya Mvomero mkoani Morogoro ambako shirika hilo liliandaa bonanza kuelimisha jamii kuhusu haki na ulinzi wa mtoto, ikisisitizwa kuweka mbele suala la malezi bora kwa wtoto, kuwalinda na ukatili ikiwemo wa kingono ili awewe kuhitimu masomo yake na kutimiza Ndoto kwani kata ya Dakawa inahitaji msaada kuwanusuru watoto. 

Nini kilifanyika? Hamad Rashid wa Radio washirika Kids Time FM nchini humo ameshuhudia bonanza hilo na kuandaa Makala hii.

Makala- Bonanza la haki za watoto  Morogoro Tanzania na Hamad Rashid

Hii leo kwenye jarida likiletwa kwako na Assumpta Massoi:Habari kwa Ufupi: Uzinduzi wa ubia wa kimataifa kuhakikisha watoto wachanga wanapata matibabu dhidi ya Virusi vya Ukimwi, kisha UNHCR huko DRC inaweza kusitisha mgao wa kimkakati kwa wakimbizi kutokana na ukata na hatimaye ni WHO yazindua ombi la takribani dola milioni 124 kusaidia changamoto za njaa na afya kwenye pembe ya Afrika. Mashinani tunabisha hodi Yemen kwenye kambi ya wakimbizi ambayo hali yake ni taaban. Karibu!

Jarida 02 Agosti 2022 na Assumpta Massoi- YALI Hussein Melele, Catherine Shembilu na Suzan Yumbe

Hii leo jaridani kubwa ni mada kwa kina ikitupeleka nchini Kenya ambako mwandishi wa Idhaa ya Kiswahili ya Umoja wa Mataifa Thelmwa Mwadzaya ametembelea shule inayosomesha watoto wa kike bila malipo, watoto ambao wako hatarini kukumbwa na ndoa za utotoni na ukeketaji au FGM. Nini kinfanyika? Na wazazi wanasemaje? 
Katika habari kwa ufupi Leah Mushi anamulika habari njema za kuongezeka kwa umri wa kuishi maisha tena kwa afya barani Afrika, kiwango ambacho hakijafikiwa na ukanda wowote wa shirika la Umoja wa Mataifa la afya ulimwenguni, WHO. Tunataja pia washindi kutoka Afrika wa shindano la mbinu bunifu za kuwezesha na kuinua wanawake na wasichana likimulika zaidi afya ya uzazi na idadi ya watu na mwisho ni miaka miwili tangu mlipuko huko Beirut, Lebanon.
Kujifunza lugha ya Kiswahili tunakwenda Jamhuri ya Kidemokrasia ya Congo, DRC tukipata msemo hakuna Congo bila Beni! Kulikoni? Karibu na mwenyeji wako ni Assumpta Massoi.

Jaridani 04 Agosti 2022 na Assumpta Massoi- Mada kwa kina Kakenya kukabili ndoa za utotoni

Hii leo jaridani tunaanzia huko Somalia ambako Umoja wa Mataifa umesihi jamii ya kimataifa ianze kutoa misaada ya kimkakati Somalia ambako ukame umeathiri wakulima ambao ndio wazalishaji wa chakula, hivyo misaada ianze kutolewa sasa. Kisha tunafunga safari hadi Thailand ambako teknolojia mpya ya kusafisha maji kwenye mabwawa ya kufugia kamba wadogo imesaidia kumaliza changamoto ya magonjwa ya mlipuko kutokana na  ulaji wa kamba waliochafuliwa na maji. Makala tunakwenda Jamhuri ya Afrika ya Kati ambako walinda amani wa Umoja wa Mataifa kutoka Tanzania, TANZBAT-5 wameweka silaha chini kwa muda na kuchangia damu kwa watoto wenye uhitaji. Mashinani, kijana mmoja kutoka Tanzania anatoa wito kwa watu watumie vyema mitandao ya kijamii. Karibu na mwenyeji wako ni Assumpta Massoi.

JARIDANI 05 AGOSTI 2022 Na Assumpta Massoi- Somalia, Thailand, Tanzbatt5

Wanajeshi walinda amani wa TANZBATT 5 ambacho ni kikosi cha 5 kutoka Tanzania wanaohudumu katika Ujumbe wa Umoja wa Mataifa unaolinda amani nchini Jamhuri ya Afrika ya Kati, MINUSCA, mara kwa mara wanaweka bunduki chini na kushiriki shughuli mbalimbali za kijamii kama vile usafi wa mazingira na michezo. Safari hii wameshiriki katika utchangiaji wa damu ili kuunga mkono juhudi za serikali ya CAR kuwatibu watoto waliozaliwa na midomo iliyochanika, yaani midomo sungura. Afisa Habari wa TANZBATT 5 Meja Asia Hussein, anaripoti.

Makala na Meja Asia Hussein wa TANZBAT5 ya MINUSCA Jamhuri ya Afrika ya Kati

Hii leo jaridani tunaanza na habari kuhusu unyonyeshaji wa maziwa ya mama kwa mtoto na tunakwenda Morogoro nchini Tanzania. Kisha tunamulika harakati za FAO kuhakikisha kuwa wakulima wanapata pembejeo ili waweze kupanda mazao msimu huu wa Meher na kisha wavune Oktoba mwaka huu. Makala tunamulika kijana Suzan Yumbe na taasisi yao ya Afya Plus Tanzania na changamoto alizokumbana nazo kuelekea kuanzisha shirika hilo. Mashinani tunasalia Tanzania na ujumbe wa kijana Hussein Meleke kwa  vijana wa Kenya wanapokwenda kupiga kwenye uchaguzi mkuu kesho Agosti 9. Karibu na mwenyeji wako ni Assumpta Massoi.

Jaridani 08 Agosti 2022 na Assumpta Massoi - Unyonyeshaji mtoto maziwa ya Mama

Hii leo jaridani tunaanza na siku ya kimataifa ya watu wa jamii ya asili duniani ambapo Katibu Mkuu wa Umoja wa Mataifa anapigia chepuo teknolojia zinazohamishwa kutoka kizazi kimoja hadi kingine na wanawake wa jamii ya asili. Kisha tunamulika kifaa cha kupatia hewa ya oksijeni watoto wachanga kilichotengenezwa Kenya na sasa kimepelekwa Ukraine kusaidia hospitali ambako vifaa hivyo ni nadra au havipo. Mashine haitumii umeme! Makala tunamulika kijana Catherine Shembilu kutoka Tanzania na vikapu bomba vinavyotengenezwa na wanawake kwa kutumia majani ya milulu huko Njombe na Iringa, lengo ni kufanikisha SDGs. Mashanani ni kauli ya Umoja wa Mataifa kuhusu  uchaguzi mkuu Kenya. Karibu na mwenyeji wako ni Assumpta Massoi.

Jaridani 09 Agosti 2022 na Assumpta Massoi- Vayu Global Health, Vikapu bomba

Ukosefu wa usawa wa kijinsia, umaskini na kazi zisizo na hadhi ni masuala mtambuka ambayo mara nyingi moja kati ya hayo husababisha jingine hususani miongoni mwa wanawake kote duniani. Umoja wa Mataifa umekuwa ukitoa wito kwa wanajamii popote walipo kwa namna mbalimbali kukata minyororo ya changamoto hizi ili kuwakwamua wanawake ambao wanajikuta wakigubikwa na lindi la umaskini pamoja na kuwa wanashiriki katika shughuli mbalimbali za kijamii. Kupitia makala hii, Anold Kayanda anamhoji Catherine Shembilu, Mwanzilishi wa Kampuni ya Vikapu Bomba ya nchini Tanzania ambayo kwa lengo la kukata minyororo ya ukosefu wa usawa wa kijinsia na kiuchumi, inasongesha malengo ya Umoja wa Mataifa ya maendeleo endelevu kupitia wanawake watengenezaji wa vikapu vinavyotokana na mimea nyasi aina ya milulu katika mikoa ya Iringa na Njombe. Catherine anaanza kwa kueleza namna alivyoingia katika shughuli hii.

MAKALA- Wanawake wa Iringa walikuwa na ujuzi, walihitaji tu ubora na soko

Hii leo jaridani tunaanza na sarafu za kidijitali au Cryptocurrency kwa kiingereza ambapo Umoja wa Mataifa unatoa kuwa inatishia utulivu wa kifedha kutokana na ukosefu wa será za udhibiti na usimamizi. Sasa kupitia UNCTAD, UN inatoa miongozo ya kisera. Kisha tunakwenda Kenya huko ambako shirika la Umoja wa Mataifa la kazi duniani, ILO limepatia watu 62 cheti cha kuhitimu mafunzo ya stadi ambazo walikuwa wamebobea bila mafunzo rasmi, sasa wanakwambia “sisi juakali tunaweza kuomba zabuni hata serikalini.” Mashinani tunasalia Garissa nchini Kenya kwenye mradi wa maji na makala tunakwenda Uganda kwa wakimbizi wanufaika wa miradi ya kuwapatia kipato badala ya kusubiri misaada. Mwenyeji wako ni Assumpta Massoi. Karibu!

JARIDA 10 AGOSTI 2022 na Assumpta Massoi- Sarafu za kidijitali- Cryptocurrency

Hii leo katika Habari za UN kubwa ni Mada kwa Kina ikimulika ni kwa namna gani wavumbuzi wanasakwa duniani ili kufanikisha lengo namba 9 la malengo ya maendeleo endelevu, SDGs la kutaka uvumbuzi, ugunduzi kwa ajili ya maendeleo endelevu. Leah Mushi amezungumza na Andrew Minja, Afisa kutoka kampuni ya Ye2 ambayo kazi yake ni kusaka uvumbuzi na ugunduzi bila kusahau kuhakikisha wavumbuzi hao wananufaika na kazi zao za kufanya dunia kuwa pahala bora zaidi kwa kila mtu.

Habari kwa ufupi zinasomwa kwako na Flora Nducha akimulika:

Hali tete ya usalama nchini Jamhuri ya Kidemorkasia ya Congo, DRC, Kamishna Mkuu wa UN kuhusu haki za binadamu apaza sauti.

Huko Jamhuri ya Afrika ya Kati, CAR wafuasi watatu wa makundi yaliyojihami wafungwa jela kati ya miaka 20 hadi kifungo cha maisha kwa uhalifu dhidi ya binadamu.

Na huko Afghanistan, kilimo cha afyuni chashamiri kwa thetuthi mbili mwaka huu wa 2022, Umoja wa Mataifa wabainisha wakati huu taifa hilo linakumbwa na majanga ya kiuchumi na kibinadamu.

Na mashinani tunakwenda Jamhuri ya Kidemokrasia ya Congo, DRC jimboni Luabala ambako msichana aliyekuwa akitumikishwa kwenye machimbo ya madini sasa ni mshoni, shukrani kwa mafunzo kutoka UNICEF.

Karibu na mwenyeji wako ni Assumpta Massoi.

HABARI ZA UN 01 NOVEMBA 2022 NA Assumpta Massoi- Uvumbuzi na Yet2.com

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

Makala- Bonanza la haki za watoto Morogoro Tanzania na Hamad Rashid

UN News Kiswahili

Related tracks