Ni Alhamisi ya tarehe 09 mwezi Februari mwaka 2023 na ni siku ya kukuletea mada kwa kina na inatupeleka Mashariki mwa Burundi katika kambi ya wakimbizi ya Nyankanda, kukutana na muoka mikate aliyebadili maisha yake na jamii iliyompokea. Pia tunakuletea habari kwa ufupi kuhusu afya, wakimbizi na kilimo. Na katika jifunze Kiswahili tuko Baraza la Kiswahili la Taifa Tanzania BAKITA kupata ufafanuzi wa msemo "KUFANYA AJIZI".

1.	Shirika la Umoja wa Mataifa la afya ulimwenguni, WHO nchini Malawi linatoa wito wa hatua thabiti zaidi za kukabili mlipuko wa ugonjwa wa kipindupindu nchini huko ulioanza mwezi Machi mwaka jana na kutangazwa kuwa dharura ya afya ya umma mwezi Disemba mwaka huo huo wa 2022 kutokana na kuendelea kusambaa hata wakati wa msimu wa kiangazi. 
2. Mtaalamu huru wa Umoja wa Mataifa kuhusu haki za watetezi wa haki za binadamu, Mary Lawlor hii leo amelaani kitendo cha kuharamisha na kukandamizi watetezi wa haki za binadamu wa shirika la kiraia la Kusaka na Kuokoa wahamiaji wanaokumbwa na zahma nchini Italia, ikiwa ni kuelekea kesi ya wafanyakazi wa meli ya shirika la kiraia la kuokoa wahamiaji huko Sicily, Italia. 
3. Na nchini Tanzania faida za wakulima kuchanganya mikunde na mazao mengine kama mahindi zimeanza kudhihirika na hii ni kutokana na mafunzo kutoka shirika la Umoja wa Mataifa la chakula na kilimo, FAO kama anavyoelezea Hadija Alisido mkulima wa kata ya Muhange mkoani Kigoma, mnufaika wa mradi wa Pamoja wa Kigoma, KJP.
4. Na katika jifunze Kiswahili leo mtaalam wetu  Onni Sigalla Mhariri mwandamizi wa Baraza la Kiswahili la Taifa  nchini Tanzania , anat ufafanulia maana ya msemo "KUFANYA AJIZI". 

Mwenyeji wako ni Anold Kayanda, karibu!

HABARI ZA UM 09 FEBRUARI 2023 NA ANOLD KAYANDA

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

HABARI ZA UM 09 FEBRUARI 2023 NA ANOLD KAYANDA

UN News Kiswahili