Hii leo jaridani mada kwa kina ambayo leo inatupeleka Kenya kuangazia umuhimu na faida za lugha mama. Pia tunakuletea habari kwa ufupi zikiwemo ukame Pembe ua Afrika, wakimbizi nchini Somalia na watoto waathirika wa tetemeko la ardhi nchini Uturuki . Mashinani tutakupeleka nchini Yemen, kulikoni?.
1.	Ukanda wa Pembe ya Afrika ukiingia msimu wa sita bila mvua, ukimbizi wa ndani unazidi kushamiri kwa kuwa mamilioni ya watu kutoka Somalia, Ethiopia na Kenya wanaendela kuhaha katikati ya uhaba wa maji, njaa, ukosefu wa usalama na mizozo, amesema Olga Sarrado, msemaji wa shirika la Umoja wa Mataifa la kuhudumia wakimbizi UNHCR akizungumza na waandishi wa habari hii leo huko Geneva, Uswisi. 
2.	Tukisalia Pembe ya Afrika, hususan Somalia, shirika la Umoja wa Mataifa la uhamiaji, IOM limesema idadi ya wakimbizi wa ndani nchini Somalia ikifikia kiwango cha juu cha watu milioni 3.8, shirika hilo linategemea uwekezaji wa wahisani kwenye majawabu ya kuepusha zaidi ukimbizi wa ndani na kushughulikia mazingira duni ya maisha kwa mamilioni ya walioathiriwa na ukame na mzozo unaoendelea nchini humo. 
3.	Na Mkurugenzi Mtendaji wa shirika la Umoja wa Mataifa la kuhudumia watoto, UNICEF, Catherine Russell amehitimisha ziara yake ya siku mbili nchini Uturuki na kusema watoto milioni 2.5 wanahitaji msaada wa dharura kufuatia matetemeko makubwa ya ardhi  yaliyokuba kusini-mashariki mwa nchi hiyo na kaskazini mwa Syria mapema mwezi huu. 
4.	Na katika mashinani tutaelekea Aden nchini Yemen ambako huko Bi. Fatima Muhammed Saeed mkimbizi wa ndani mwenye umri wa miaka 35 na mama wa watoto 9 anasema hapo awali kabla ya kukimbia vita maisha yalikuwa mazuri lakini sasa wanaishi maisha ya aibu na magumu mpaka hata kupata utapiamlo. 

Mwenyeji wako ni Flora Nducha, karibu!

HABARI ZA UM 28 FEBRUARI 2023: LUGHA MAMA NCHINI KENYA; UKAME; WAKIMBIZI; UTAPIAMLPO; WATOTO UTURUKI

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

HABARI ZA UM 28 FEBRUARI 2023: LUGHA MAMA NCHINI KENYA; UKAME; WAKIMBIZI; UTAPIAMLPO; WATOTO UTURUKI

UN News Kiswahili