Hii leo jaridani tunakuletea mada kwa kina ambapo tunamulika juhudi za wanawake wa jamii ya kifugaji mkoani Arusha ambao wameamua kujihusisha na ufugaji nyuki. Pia tunakuletea habari kwa ufupi zikiwemo za siku za UN, msaada wa kibinadamu nchini Sudan na ulizi wa amani nchini DRC. Na katika jifunze lugha ya tunakuletea maana ya methali JINO LA PEMBE SI DAWA YA PENGO, karibu!. 

1.	Hii leo ni siku ya kimataifa ya wanawake katika sekta ya usafirishaji baharini ambapo Katibu Mkuu wa shirika la Umoja wa Mataifa la usafirishaji baharini, IMO, Kitack Lim ametoa ujumbe ambao pamoja na mambo mengine unatambua mchango wa wafanyakazi hao baharini na nje ya bahari katika kusaidia mpito wa kupunguza utoaji wa hewa ya ukaa, matumizi ya dijitali na mustakabli endelevu wa tasnia hiyo.  
2.	Shirika la Umoja wa Mataifa la Mpango wa Chakula duniani, WFP limefikishia jumla ya watu 54,000 msaada wa dharura wa chakula kwenye vituo viwili vya mpakani huko Aswan na Misri wakati huu ambapo familia zinazidi kuingia Misri zikikimbia mapigano nchini Sudan.
3.	Na huko Bukavu, jimboni Kivu Kusini, nchini Jamhuri ya Kidemokrasia ya Congo, DRC, ujumbe wa Umoja wa Mataifa wa kulinda amani nchini humo unaendesha mafunzo kwa polisi wa DRC juu ya ulinzi wa raia ambacho ni kipaumbele muhimu cha kupatia polisi hao usaidizi muhimu wa kuongeza uelewa wa jukumu hilo kuelekea mpito wa MONUSCO kuondoka nchini humo.
4.	Na katikajJifunze Kiswahili Dkt Mwanahija Ali Juma, Katibu Mkuu wa Baraza la Kiswahili, Zanzibar nchini Tanzania, BAKIZA anachambua methali Jino la Pembe si dawa ya pengo.

Mwenyeji wako ni Anold Kyanda, Karibu!

JARIDA LA HABARI ZA UM 18 MEI 2023 NA ANOLD KAYANDA

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

JARIDA LA HABARI ZA UM 18 MEI 2023 NA ANOLD KAYANDA

UN News Kiswahili