Katika Jarida la Habari la Umoja wa Mataifa hii leo Leah Mushi anakuletea 

-Leo ni siku ya ya Bahari duniani, katibu Mkuu wa Umoja wa Mataifa Antonio Guterres katika ujumbe wake wa maadhimisho ya siku hii, ametoa wito wa kuacha kuchafua bahari kwani inaathiri zaidi wanufaika wake ambao wengi ni wafanyabiashara wadogo kutoka nchi zinazo endelea.

-Tanzania imechaguliwa kuwa Makamu wa Rais wa mkutano wa 76 wa Baraza Kuu la Umoja wa Mataifa, UNGA utakaoanza tarehe mosi mwezi Septemba mwaka huu na pia mjumbe wa ECOSOC kuanzia mapema mwaka 2022

-Nchini Bangladesh taka ngumu ikiwemo plastiki ni mtihani mkubwa ambao shirika la Umoja wa Mataifa IOM umeuvalia njia kwa suluhu mbadala

-Makala yetu leo inatupeleka Uganda ambako shirika la Umoja wa Mataifa la masuala ya wanawake UN Women inawasaidia wanawake kujikwamua na kukabiliana na changamoto zinazowakabili

-Na mashinani tutakuwa Burkina Faso kumsikia muhudumu wa masuala ya kibinadamu wa shirika la Umoja wa Mataifa OCHA akizungumzia wanachofanya kusaidia jamii zilizoathirika na vita

JARIDANI NA LEAH MUSHI 08 JUNI 2021-TANZANIA YAULA UN

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

JARIDANI NA LEAH MUSHI 08 JUNI 2021-TANZANIA YAULA UN

UN News Kiswahili