الخال

من جوابات الاسطى حراجي القط للشاعر المصري عبد الرحمن الأبنودي

السيما - عبد الرحمن الأبنودي

عبدالرحمن الأبنودي ويا قلب يا أبن الكلب

عبد الرحمن الابنودي واحداً من أشهر شعراء الشعر العامية في مصر و العالم العربي شهدت معه وعلى يديه القصيدة العامية مرحلة انتقالية مهمة في تاريخها كتب لكبار المطربين وتنوعت اعماله مابين العاطفي والوطني والشعبي ولد عام 1938م في قرية أبنود بمحافظة قنا في صعيد مصر، لأب كان يعمل مأذوناً شرعياً، وانتقل إلى مدينه قنا حيث استمع إلى اغاني السيرة الهلالية التي تأثر بها.
من أشهر أعماله السيرة الهلالية التي جمعها من شعراء الصعيد ولم يؤلفها. ومن أشهر كتبه كتاب (أيامي الحلوة) والذي نشره في حلقات منفصلة في ملحق أيامنا الحلوة بجريدة الأهرام تم جمعها في هذا الكتاب بأجزائه الثلاثة، وفيه يحكي الأبنودي قصصاً وأحداثاً مختلفة من حياته في صعيد مصر

حصل الأبنودي على جائزة الدولة التقديرية عام 2001، ليكون بذلك أول شاعر عامية مصري يفوز بجائزة الدولة التقديرية

عبدالرحمن الابنودي - الموت علي الاسفلت - جزء ثاني

أن الأوان يا مصر - (الخال) عبدالرحمن الأبنودي

ف الزمالك من سنين
و ف حمى النيل القديم
قصر من عصر اليمن
ملك واحدة من الحريم
 
صيتها أكتر م الأدان
يسمعوه المسلمين
و التتر
و التركمان
و الهنود
و المنبودين
 
ست فاقت ع الرجال
ف المقام و الاحترام
صيت و شهرة
و تل مال
يعني في غاية التمام
 
قصره يعني هي كلمة
ليها كلمة ف الحكومة
بس ربك لجل حكمة
قام حرمها م الأمومة
و الأمومة طبع ثابت
جوه حوا من زمان
تعمل ايه الست
جابت فوكس رومي و له وان
 
فوكس دا عقبال إملتك
عنده دستية خدامين
يعني مش موجود ف عيلتك
شخص زيه يا اسماعين
 
و اسماعين دا يبقى واحد
م الجماعة الغلبانين
اللي داخو ف المعاهد
و المدارس من سنين
 
حب يعمل واد فكاكه
و يمشي حبه ف الزمالك
و القيامة و الفتاكة
يرموا طبعا ع المهالك
غم سمعه من قيامته
حب يعمل فيها فله
بعد ما ألوط بيجامته
اشترى حتة مجله
 
قول مش بيقراف حكاية
من حكايات الغرام
و اندماجه ف القرايه
خلا مشيه مش تمام
 
ع اليمين يحدف بعيد
خطوتين
و تروح شمال
لمحه فوكس من الحديد
قال دا صيد
سهل و حلال
 
هب نط ف كرشه دوغري
جاب بيجامته لحد ديلها
اسماعين بدال ما يجري
قال يا رجلي
رجلي مالها
 
بص شاف الدم سايح
من عاليها و من واطيها
و ياللي جاري
و ياللي رايح
المجلة مش لاقيها
 
حبه و تلمو الظنايا
اللي هما البوابين
و الهكايه و الروايه
قال لهم دا كلب مين ؟
كلب مين
ما كلب مينشي
سمعه لبخ حبتين
قال له واحد فيهم امشي
اللي جابك انده مين
 
قال دا شارع يا مواشي
للجميع
راكب و ماشي
 
كلمة من دا
و كلمة من دا
ظاطو و انقلبت فضيحة
قول نهايته و القصد من دا
اسماعين شرب الطريحة
 
راحو اسم الشرطة جمعا
و النيابة كفيلة بيهم
و اترموا ف الحجر طبعا
لما ييجي الدور عليهم
شاف بلاوي ما تنحكيش
م الهفايا المحبوسين
قال يا عالم
يا شاويش
يا نيابة .. يا مسؤلين
 
خلصوه بعد المناهدة
جثه
من جحر الديابه
هي يمكن ساعة واحدة
كان ف مكتب النيابة
 
قال له ـ مالك يا اسماعين
قال له ـ زي البمب مالي
قال له ـ عضك فوكس فين
قال له ـ سيبني أروح لحالي
انت شوف سي فوكس يمكن
خد تسمم غصب عني
الوكيل قال برضه ممكن
و الشاويش قعد يغني
هييص يا كلب الست هيص
لك مجامك ف البوليس
بكرة تتولف وزارة
للكلاب
ياخدوك رئيس
 
انت توى ف النيابة
تسعمية من الغلابة
طب يا ريت يا فوكس كنا
و لا تربطنا الجرابة
 
انت فين و الكلب فين
انت كده يا اسماعين
طب دا كلب الست يا ابني
و انت تطلع ابن مين
 
بشرى لصاحب الديول
ولــللي له أربع رجول
بشرى لسيادنا البهايم
من جمايس أوعجول
اللي صاحبه يا جماعة
له أغاني ف الاذاعة
راح يدوس فوق الغلابة
و النيابة
بالتباعة
هيص يا كلب الست هيص
هيص يا كلب الست هيص
 


كلب الست أحمد فؤاد نجم

كلمات: رفيق الشورى
الحان : صلاح الشرنوبي

كلمات الدعاء
احمد ربنا
احمد ربنا واشكر فضله
وانت بتركعله وتسجد له

على نعمه وعلى فضله عليك
على نعمة بصرك ف عنيك
اداك من كل الخيرات
ووهبلك من عنده صفات
اتقرب بصلاتك ليه
وصيامك وايمانك بيه
واحمده على فضله وعلى عدله

احمد ربنا - علي الهلباوي

عبدالرحمن الابنودي - لسه النظام ما سقطش

 وجّي يا بلد الحرايق و اصرخى بجنون
و احرقيها مدن و كروم و ناس و سجون
ملعون ابوها الحمامة ام غصن زتون
معمولة لاجل الضحايا يصدقوا الجلاد

يا ايد يا متكتفه
يا ظهر يا منجلد
يا طفل مين  ورثك الاحتمال و الجلد؟


ملعون ابوها الحمامة ام غصن زتون - عبدالرحمن الابنودي

اسكندريلا  من اجمل اغانى الشيخ امام

عبدالرحمن الابنودى رساله الى الأخوان المسلمين

أن الأوان يا مصر - (الخال) عبدالرحمن الأبنودي

YASMENM

Recent comments

ozgurluk_7orya

Related tracks