🌻

مجند

Loll

اللّالون

Arabic rap VOL 1

أداء : الفرعي
إنتاج : ويكيدز
Performed by : El Far3i
Produced by: @wearewikidz
Lyrics | الكلمات

ألو! ..في حد هون بحب يحط بريزة و ينزل ضدي ؟
game  ودي سريع سريع مش ضروري نحكي جدّي
خلي الوقت يعدي المشهد لازمه غبرة و هوفر
فرع المداخل عشر سنين بيلعب ضد الكمبيوتر

عملاق في الراب العربي المايك ستاند تاعي زرافة 
جمعيات حقوق الحيوان في العالم بيحكوا عنك تافه
في خوف تنقرض انشغلوا فيك و عملوا عليك خرافة
دوّرلك على مكان دافي أو شيك ذا لافي تافي

بعطيك من الصافي .. بس ما يعطيه كلّه 
بتتشردق فيه .. بتعرفش شو تقولّه ..
كيف تبلع فيل ؟ .. بلقمة وحده كله ..
زي هيك ما مرقش علي ..في المشهد كله ..

أنا الطيف الي بفوت و بقول شغلات بتغير راس ناس من جوه
انتوا نصف رغيف تقلّت كثير بدي افوت مقفول الباب مين جوه ؟ 
كلشي بتحكوه معلوك ..فكّرته المانيجر تاعكم
درمر بلعب شفل خلّي الكمبيوتر يختاركم

و الي بفوز منروحه بهدية مسكرة  علبه فيها ناموس
عشان ما تناموش movie night بدي احضركم الكابوس 
أبوس إيدك طلّعني من الغرفة هاي بأسرع وقت..
باص مليان رابرز و طين بنص الفيرس غرّزت .. 

الفرعي كويس بس لما اتيّس بتيّس 
كله مسيّس بس بينفي برابه فراب شرق النهر الريّس
و ive gone paperless  حفاظا البيئة المظلومة
بطلت تلاقيني على مكتبي مؤخرا موظف الحكومة

يا بتشترو البومي..  اوبتعزموني ع اندومي 
حط مي سخنة على البومة بتقلب جلال الدين الرومي
بس its all ok  انتوا فاكرينه كافية
في ميلان بالطاولة تاعتكم و انتوا فاكرينه أوفيه

الفيزياء معجزتي الوحيدة و هواياتي الراب و البلياردو 
رميت الاستيكا بسنوكاردو تحولت  لمايك في بارغوز
الشب مش موجود معانا بس لسا بيحكي مع حارته
فكرك عنجد عم بلف العالم ولا بيحكي من دار خالته

فا الله ولا فالكم ..عم بحلّق falcon 
مش مرغوب بطرحه عند السلطات تقول الحج مالكوم
منظر ثوري ..بالكم؟..  جاي بعمل فيها..ماوتسي
Tung! .. still strong hongkong am bouncing

عم بخترع جهاز بيكشف كيف الرابرز بشوفوا النص كاسة
مطلوب assistant  مش فارقة شو دارسة 
انت جندري و فاسد.. ول ..شو السلافة
بس مطلوب تقول للمكتئبين هذول غير شكرا يعطيكو العافية

El Far3i - Bareezeh (Prod. WIKIDZ) | (الفرعي - بريزة (إنتاج ويكيدز

أداء : الفرعي
إنتاج : وتر جندي مجهول
تصوير : تامر الأسود
Performed by El Far3i
Produced by @jundimajhulwatar
Photo By Tamer Aswad
الكلمات Lyrics
أه آه آه جول جول جول جووووووول 

احنا بس منشجع من بعيد اجا جول ايمتى جولنا
بحب بعرّفكم على الصبر الجميل ..ايمتى دورنا 
خد رقمي بالإشارة و شوف خد رقمها بلوتوف 
عم غافل عم أتغافل عم استوعب الظروف 

انقطعت السيارة جنب خروف عند نقطة الغروب بالشرق
فكرك عم بدخّل الفلسفة بالخيال الشب مش شرط
مش محتاج للدفعات أنا مش مضطر للقرض 
مش عم بعّد الساعات انا آمنت بالحرب! ..

 بموت بعيش بجوع بطيش   اظن مليش خيار  مفيش قرار 
مفيش فرار شو نغوص بالأرض ؟!! ..
طب ما احنا فوتنا بالنفق ….احنا صاحبنا البرد
 اتفقنا مع الجماعة أو كي…. بس طلع صاحبنا كلب!
 الراعي بالأساس أمير , هذا الي بالأصنصير ضب
عاودوا لقوا  بدبي لا أظن حتى بأبو ضبي انضب
فتحله بيت و جاب و جاب و ولاده حفظوا جدول الضرب
فما الجدوى من السرد الآن لما طلعنا عن السّرب

أنا مشكلتي بالسر مش كيف أعيش مستقر 
بس بدي أتمكن أبر .. زتّيت سطل في البر
رميت الياء و السؤال و روحت أبني كلشي منجديد
حتى أسلوبي بالرّد على البريد و النظر بالأشخاص القراب من بعيد 

 تحروقنا بالأسيد , انطعنا عشان نشيد , 
سخرنا من تخصصات تربية المواشي للورود تنسيق
درسنا عرقنا تعبنا بعدنا لعيشة فينا تليق 
بس الظاهر انه العايشين ع ضهرنا هم اسياد التنسيق 


أه آه آه جول جول جول جووووووول ….
إيمتا جولنا ...إيمتا بيجي دورنا


بتلف بتدور بترجع بتقول أخ بس لو ..
بتفوت بمدخل بتخف الدور ف..بقل الضو ..
و بتصير تفكّر شو صار بهدا فكرك باع اللادا
مين بالآخر استفاد ..شو كان الجو ؟


أقول شو علومك شو اخبارك وش عامل يا الهامل 
يوم شوفتك في الحانة بتتمايل بتتحاور مع نفسك مين سائل
لو تعرف شو الحاصل في البلد .. 
قلتله انا بدور على الأجوبة بعلم  الاحصاء و العدد


هاد كلام الكل عل فيد ...هاد غير طريق ...هاد غير دقيق
ساحة و زر زي يوم العيد انا يوم جديد انا يوم جديد
نخبة راب زنزانة راب انساني مان انا راسي داب
شيطان و شيخ و كله تاب معاي القص زي فادي دابز

فكوا أسر النص  ضل الإعجاز ينتهز بالمجاز
مش مكبوتين بس قلة طياز و لو موهوبين زي ابن الباز 
بحور إفتاء , الدين للناس ,  تخورفناش , هذا كله وباء
طب بحلق أكثر في المنهاج مقسوم نصين طلع معنا فتاء

………………………...منعرف نوجد
منعرف نقرأ زي ما هاي الحروف بتوعد
تنساش احنا  من الخشب تعلمنا نوقد
الميكسر و السماعات النا و احنا المولد

ما طلعناش احنا على شان ما نقولش 
ما وقفناش احنا عشان نقعد ما نقومش
في اشياء نفهمهت كان بالراس بتفوتش 
اليوم بتقدر تشوف كلشي بصير و حتى لو راسك بدورش

El Far3i - Goal (Prod. Jundi Majhul)| الفرعي - جول * إنتاج وتر جندي مجهول

Ko7ol w 3atmeh - Shabjdeed
كحل وعتمة - شب جديد


كحل و عتمة - شب جديد Ko7ol w 3atmeh - Shabjdeed

Produced by : jeries babish
Art work by : azeez naser
بتضل تعد ايام كيف اليوم بخلص بتنام 
عداد بتمشي عضاض كيف بتشوف احلام 
كئيب بضحكة ومن دان لدان لسنان  
بتسابق الوقت بتركض مع العمر بالاخر بتفوز الأيام 
بروح صحاب بيجي صحاب بتقاتل 
الف رتبة  باليوم عمرها ما سحبت اقسام 
ساكن مالي وديع غير الشارع كل يوم فارغ في ملان 
حاطط راسي بين  الروس والقطاع بدري بينام  
بتلف بدولاب  حصانك بدون حشوة  
مسكرة لبواب سبطانة قلبك هشة
  غالية هالأيام الكتلة
تاجر كلمة عيشي لقمة مستر عالنعمة  
عندي فائض بدو لكمة والدين زايد 
الضرب مش اخو الأسمة ضاع عمرك بالأزمة
حط اللوم عشقة واهرب هريتها عض للشفة .
هالأكتئاب مش حالة  هاد تصادم يومي
بستنى بالأعادة كل ما يزورني شي بفرحني 
ببرحني بالأرض الأرض سارق الأرض
بقرض امريكي وكاش نفطي مدفوع بدمي
طيب !! وحق يلي عاش عطشان ؟ 
 - من رويتوا بالدم مات مخنوق !  
مبسوط بضحك محروق بزعل 
مكبوت بدبك عسراج جلادي بالصوت 
برسم الضحكة عالهم بغني شظايا دموع
ماكل كوع كشرتي كسرة مقهور
منبوش بطي الصور هوامش ناطر بور   
صابر ضامم نواصي الروح وخاشع 
مرحلة بتدفن حي يا خي ما بترحم راكع 
بتعيش بدون ما حد يسأل فيك 
بتموت وانت يا دوب الكفن مدفيك
بتعيش غلبان 
لبين ما تلاقي ثورة 
وتاريخ يا حبيب القلب  
 بس تاريخ  ناسيك

سلوادي الصعاليك (عَني) Silwadi -a’ani

أداء و إنتاج الفرعي
أورغ  : زين الناس
تسجيل و هندسة : الجهاز

Written , produced and performed by El Far3i
Keys:  @zthepeople
Recorded/ Mixed :  @el-jehaz

الكلمات | Lyrics
هاي المدينة غريبة شوي و مش غريبة علي
انا غبت غرقت و رجعت و بتشكي أي ما تغير شيء
لساته الولد مولع سلكة و النافورة بربيش مي
على وجه الصبح انطعنت بنت و بقولوا طعنها الخي
بلد شمسها قوية احنا مش قد الي بصير بالفي
حطّوا النخوة ع جنب بالإجماع فتركت الحي
زي أي شب حسابه بالسالب قرر ما ياكل مقالب
ما توقّعتوش أترك جبل عمّان زي كي كينيستو هارب
عمري ما قيست الرجولة بخمل الشوارب
عمري ما حددت لحية الهيبستر بضيق الشوارع
تنس بدون مضارب سكاكين بلا انتفاضة
نحرها نحر بدم بارد و الملابس فضفاضة
اتهموني بالنفاق وسط تطرف الرفاق
الآن مندوق المر كفوف ليه عم بتنكروا الغضاضة
هي الطيارة هبطت و بديت بقوة استنشق
أربع سنين بعد كمان دفشة و لساتني بعشّق
بس الله و يا ناس هواها غير تقول البث على وتر
ما شدّدوش الحماية , بدون شدّة , فاستشهد حتر
كلما أترحّم على السلطي سيستاز بحس إني بخطر
أروح أزبطلي ميلف بويسبارز و أعيش فبطر معقولة
موسيقتى بدها فيلم حد عنده نويندو
المشهد خلّص الي عنده و انا لسا عامل كريشيندو
جوبي جوبي فرعي راب مدنية و حياة يثرب
سلمية كنت على كوكب ثاني و كان في شب من إدلب
2011 مالناش عل الجلد معناش نتكتك حركة و عدد
هلئيت النيتو الي فات لو كان غنيتو لمين ابتعد
عالم صاير كله بوليس أنا عامل مصيدة للتنكيس
و عوامل ضغط الشعب و الكبت و لوين و لوين بطلنا نقيس
جيلي واعي طموحي إجتماعي بس الحيطان عالية
الصيصان ملونة ديوك مديونة وعيشة غالية
بعمل أغنية بدور إذا في جواتي إنسان
بعمل راب بأعضاء النطق عشان هويتي لسان
بعمل السبعة و زمتها الجليل قمّتها
عقل طفل ضد فلاسفة العصر في مهد الأديان
نص اصحابي أندر جراوند ... صنعنا أصنصير
فرعك المعدن ذهب و الأصنص غير
قضيت حياتي بفك و بركب شيفرة وكيك درم
انت ع فروتي لوبس بتلهت و انت بتكتب السنير
تعودتوا على التشكيك و الهت تحولتوا لعذر
اشتغل تراكي في المخيم فتحولت لنذر
مش رح ترجعوا بالصفحات هاي لمصحف بن مسعود
ضله مرّكّز على الترباي قام طلعله ابن مصعور
مش تعالي منا يا ثورة هالمرة تعالي منا
مش آجار و لا ترحم من العالم ولا منة
حامل حلم غادر حاضر تيتا هاجر
حتى رمزولي بادر حتى رسولي هاجر
الطيار غادر ممكن راح يغيرشيفت
بشغّل بداله شيف بلّشت أبهّر شوفت ؟
الرب رب حتى لو ما بتآمنوا فيه
و مش كل شب عفيف الي فيه مكفيه
كنت ألعب شطرنج و انتوا عم بتقدموا قرابين ..
بديش صكوك غفران منكم... و لا ع الرز تشريب
إيدي بلب الصدر إلي الشرف يا أولو الألباب
الكل بيعرف فرعك ميال لمسألة خلق الراب
استغرابكم شديد و فهمكم غربي للاستشراق
شعبوية مستوردة شعاراتكم فيها استفراغ
أنا و هيك أجواء فراق سيتواصل العطاء
انت واصل الدكان انا واصل بن عطاء
كهنوت الراب العربي اندفن هاي موسيقى المدن
لساني تقيل الحكي كبير افتتحت عصر الوزن
بتعرف تكون متزّن البلد ماشية ع حبل كزن
متشائم بس بتعاطى التفاؤل كمضاد للحزن
كافر بالطاغوت أنا عامل مصيدة للجبروت
أنا صانع مقصلة للسكوت أنا شهدوا علي و على بيروت
انا زيت خروع للمكبوت أنا ماسك العروة أنا واصل الذروة
أنا ضارب حز لله العزة انا راضع باودر بز و أنروى
مطخوخ بإجري بس لسا حامل من شعبي وردة للعالم
برة كثير مسالم لإنه بحارتي حرب عوالم
صحن طائر سيجا تو.. قام سعود باغتصاب روبوت
روبو كب على راس أبوك و انا شعبي بسينا لبّسوه!
كلنا رح نشبه بعض لما بنزلونا عدد
من جمعية اللد وورلد وايد لشبه جزيرة العرب
فرع المداخل للابد فرع الشرايين و الغدد
تصبحون على خير و شكرا إلى اللقاء غدا

El Far3i - Choubi Rap | الفرعي - جوبي راب

ليركس فيديو:
 https://www.youtube.com/watch?v=nOpQ-8RZybU

تابع الفاعوري: 
https://instagram.com/el_faouri/

تابع السينابتك:
@the-synaptik
https://www.instagram.com/thesynaptik/

El Faouri - Drama Ft. The Synaptik الفاعوري - دراما مع السينابتك

lyrics "genius" :
https://genius.com/Dareen-salama-drama-queen-lyrics

Written &performed by: dareen salama

Facebook page:
https://www.facebook.com/iamqueendareen/
Instagram account:
https://www.instagram.com/iamqueendari/

Recorded in Empire Studio
Mix&master: L5 vav
http://www.instagram.com/l5vav

Dareen | دارين  - DRAMA QUEEN|دراما كوين

Mixing and mastering  : WIKIDZ 
النص : 
ولفي ما يهون 
انا حبها وريدها هون 
غابوا عيونها وضاع اللون 
لي بدونها داق الكون 
نحكي عيونها مزيج من كواكب 
والعتمةلا زلت أراكي
ما تخافي انا وراكي 
ما ترضي بالسكوت لما الحكي عم بقاتل 
تعزبت كتير لما لقيت انه قلبي كان كبير 
ما بصير الا بشوف حالي غارق بالتكفير
ولفي ما يهون 
انا حبها وريدها هون 
غابوا عيونها وضاع اللون 
لي بدونها داق الكون 
بدونها ضاع النون وضل أنا وانتِ .. ومسافات ...
يوم ورا يوم ورا يوم ورا يوم 
 ولا نوم 
عم اصيح انا هون 
والقمر عم يرمينا بالنجوم
حط كفوفي على خدود
ضلني صلي يوم اشوف
لي بتحدى  بالظروف
وانا كتابا عالرفوف

TIN NEN - WELFI | ورد وِلفي

Instagram:Big.youn
!ليك ما أحلى اصواتن كيف متجانسة 
يمكن هنّ السبب بوجود الحاسّة السادسة
كنّا نحب نرطب الكلمة الناشفة
ومابتغلط مع حدا,ع قد ما بتحكي آسفة
على شو آسفة مثلاً؟ على قرارك الي مش إنتي ماخدتيه ولا إنتي عارفتيه اصلاُ؟
وجهلك هاد هوّ الي عم يزيد هشاشتك
قلتلك إنو الحياة فيها دروس أكتر من الي عفلاشتك
بس معلش يعني أنا عاذرك 
بعرف حالي احياناً مابعرف واجه
حتى لو كانت المعركة على شاشة
حتصارع مع سكوتي,وتفوز السذاجة
لهيك كنت أخاف اكره,لأخاف أغرق 
و الجبال الي حملتا عضهري لازم اتسلق
وماكان لازم أتسلّى,الأرض ماحتحبّك الا لما تحتلا
إفتحوا البواب,بنقدر نتدفق
واذا إشتد البرد ,بنقدر نتدفى
وساكتين لأنو كاشفينك ,بنقدر نتنبئ
أنفاسنا بتغطي سوء الجسد,بنقدر نتلحف
قد ما نديّق عكلامنا المكتوم,صعب يموت
لأنو نص كلامنا مش مكتوب,بس موجود
ونص تعبيري المولود من رحمك مش مفهوم
نص مألوف لذاكرتك والنص تاني مجهول
فأعذريني على ذنبي المبتذل 
مانو وحيد معو كلماتي إعرابهم مبتدأ
هاي أول محاولة إغتيال لإحساسي بائت بالفشل
وما حتكون المرّة الجاي,غير لما داقت الأزل
النقاش العاشر..والذنب ع مين
على خدي الشاغر ولا عالكف العشرين؟

كف عفريت

مدموجة بصوت الشاعِر السوري نزار قباني من قصيدة "الحب يا حبيبتي" 
النص:
رشت هواها بنص العتمة عملت من سواده الوان 
جثى ليها الجن والريح كأنها نسل سليمان
سميها الفيضان هدمت  بقلبي مباني
يلي باقي منك قصة وكوم اغاني 
انو حني على قلبي كمشة مشاعر بضيفك 
انه حني عل عقلي ذهني تراءى بطيفِك
يا هل تراها حزينة او بالغنا بالسعادة 
يا من تراها بعيني روح وبلغها فؤادي 
عيدوا المشهد , كحل عينها ما بيشبعني 
انا اشهد انها خلقت داخل جهنم جنة
تهنى جني رقصها طاب للملائكة 
رقص تجلي ياما كان للمرائي كا 
كوم سنابل عم تتمايل مع الهوى 
تباركت شفاه اخدت من السم دوا 
تراكمت مشاعر كانت لقلبي شلال
هي اللحن الاسمى عزفها حلال
بجسد الوطن فيما يلي شفت اسمك 
اوْلى القبلتين ف تمايلي بجسمِك 
على خُطاها لو بمشي ع لسان اللهب 
كيف للشاعر أن لا يغني لها 
كانت مظلة بحارب فيها التضاريس
بشوفها طلة حلوة ب شي شارع ببارييس
حرام المسكرات شافوا بعيونِك خطيئة
ما قبلَ القبلة عم شوفها بتبلع ريقها
الناجي من الموت وانتِ كنتيلي منقذتي 
انا الناجي ابن العلي وانتِ كنتيلي حنظلتي 
بعيدًا عن الغزل هاي الغناي للوطن 
اراكِ وطني يا من في قلبي سكن  
...

خاتمة الغزل بعيونِك بصلي ب اسم الله 
تكرمي بكلامِك عسى ولعل 
دوق العسل ع شفافِك عسل وعلة 
ارموه سقر من عصى والا
عم يرجفوا انامل كلما انذكر اسمها 
مهما طال الغياب الهوى كان اسمى 
وشتقت اسمع حكي بالهوى منها 
زوايا البيت حنوا وعبدنها 
عم بهذي بتفاصيل وجهها قبل لانام 
بسبح باسم الرب بصلي بعزف كمان 
فأطلقي العنان لقلبِك لحتى ينمو 
شقائق النعمان ليزيد العشق كمه 
طال وجودها بالكفن طلعت خافت الضوء 
ف ضلت تبلع شمسي بت خافت الضوء 
ضلت ماسكة ايدي لانه خافت اتوه
ملى الهوا قلبها لانها خافت تبوح 
عم بشم عطرها يلي غرق الوسادة 
مع كل كاس قلبي ليها عم بينادي 
كسرت فؤادي متل ما كسرت الكاس 
مش عم بلاقي الهوا بين تخوت الناس 
ف غصت بقلب النار لقيت حب ب شعلة 
قديشه بيحرق الحب جوا صدري 
مسكي حبلي وشدي بخاف اغرق 
انا القارب يلي صدرها كان مرفئ 
حضنها كان ادفى من باطن الأرض 
وشعرها كان كفيل يسرق قلبه للورد 
بكسر الكم لو حكيت قدي بحبها
كوني شرقي بحكي بعشقه لربها

TIN NEN - DAHER MIN EL-GAZAL | تنين - دَهر من الغزل

من EP اللّالون) القادم قريباً)
NO MONEY IS MADE FROM THIS.
كلياتنا ألوان بس بتختلف الإضاءات
وحسب كيف بتشوفنا الإطارات 
وراق و الها سمك,بتقيّمنا الإصابات 
مخلوقين من التجارب العفوية و الإضافات 
عنّا لغة وحدة ولو كتروا الإشارات
بنعرف طريقنا صح وبنعد الخطوات 
بنلتقي بنفس السؤال ولو كترو الإجابات 
وبنعيش بقلب واحد مع إختلاف الإقامات
بنخيّط جروحنا ع قدنا..بنعيش فيها أكتر من عشنا ببلدنا
وحقّي المنسي؟ حافظه اكتر من هاللون 
لأنو عقلي ديّق متل القبو.وقلبك البلكون
نهر بمجرى واحد.بس إله ميت صبة
بنشرب من ضلوعها وبنزيد غبّة 
حاضن الأرض لصدري,خايف تزول 
لأنو الجنة بتنقاس بالعرض ما بتنقاس بالطول
والجنة بدون ناس ما بتنداس.جدي بقول
لهيك فيها بنفرد و هاللحظات بتطول
و اللّيل حينجلي فيكي.قد ما طال الغسق
وكل ماتطلع شمس جديدة..حنعلمها الأرق
وحنعلّمها شو يعني لمّا نسرد حكايا البسمة 
وإلك حق بقلبي متل ما إلك بزاويا الرسمة
وإلك بخبايا القصّة أكتر من الي الواضح
و بتعرفي الرّيشة شو بتحسّلك اكتر من الي راسمك

ألوان-colors

التراك الثاني من الألبوم القصير: اللّالون 
NO MONEY MADE FROM THIS
write-rec-mix-master-artwork: BigYun

متى الدنيا وسعتني وأنا حابس حالي بشنتايتي
كنت متعلّق بغراضي بألعابي بمحياتي
بقدر أمحي فيها خالتي وهيّ عم تقطّف الكرز
وأرسم أبي راجع من شغلو وعم يرن الجرس
و كنت احس بقدر أمحي كل رفقاتي 
و أرجع أرسمهم بس لمّا أختفوا,ضلّوا بذكرياتي
 أتطلع عالقمر و أنادي  من بعيد 
 وبعدين أخي يسكّتني ليسمعنا الديب
وكنّا الجيل,إلي بنخاف نحكي حتى بخيال
مع إنو كانت الحقيقة تبعد عنا أميال
وكان تبعت إلنا أحوال المدينة 
وهيّ طلعت مدَينة بنفَس للأنذال
ولمّا ألهت من الخوف يحكيلي جدّي هاد نشيدنا
لأنو كانو على نفس ولاد الهوى حاسدينّا 
وليش الحراميّة لابسين توب عيدنا؟؟
لأنو هدول العسس حبيبي منّا وفينا
منّا وفينا طيب ليش عم بكّوا أمي
ليش حرموها من ضحكتها ليش خليتوه يسبني
ليش ما سلّم على جدّي بس راح ليش سبّتني
معقول دافع عن حالي؟ ياريتها محياتي فادتني 
ياريت فيني أمحيه وما أرسمو غير جوَا مقبرة   
وما يكفّيه الهوى جواتها,وما يعرف يطلعها       
وحق البدل,حق البلد رغيف سخن بسعر البلا
وقلّي جدي وأشرلّي بعكازتو, قول مبلا
ومن وقتا صار بدي أصير متل كونان وسينشي 
أكبر وقت الجد وما أصغر إلا ع كيفي
و أقطع حبال الوصل كل ما يعطونا راس الخيط
قالتلي حارتي: لما تقطعه حيطلعوكم من البيت!
ولما تطلعو منّه مارح تجتمعو إلا بصور معلقة
على باب شي بيت من بيوتنا المفرقة
ونعبي بسلة الفواكه بدل الكرز..أشواق
مرّة عقد ماكان في بينا ذكريات
أضب كل اللمة الحلوة بشنتايتي..وكب المحاية 
لأنو عرفت ما بقدر إلا ارسم الحكاية 
بكل مشهد فيها وكل زاوية..بس بدون الوان 
لأنو الألوان بتمثّل كل الأشخاص و المكان 

أنتو الأشخاص والمكان..أنتو الفرحة بقلبي عامرة متل الحبوس و البنيان
أنتو الألوان الي بتنسمع والأسامي الي بتنشاف
أنتو السبع سنبلات بأرض السبع عجاف

محّايتي

التراك الثالث من ألبوم #اللّالون

كل الألوان كذّابة

Shabjdeed’s debut full-length album ‘Sindibad el Ward’
ألبوم شب جديد الأول "سندباد الورد"

Purchase album here | اشتري الألبوم هنا:
https://bltnm.bandcamp.com/album/sindibad-el-ward

Now on Youtube | الان على يوتيوب
https://bit.ly/2MorH6d

© 2019 BLTNM Records, Palestine.

Songwriter | الكاتب: Shabjdeed
Music Producer | المنتج : Al Nather
Mastering Engineer | مهندسة الصوت: Heba Kadry
Creative Director/Stylist | المخرج المبدع: Ahmad Zaghmouri

Follow BLTNM | تابع بلاتنم:

Instagram: https://www.instagram.com/bltnm_fam/
Facebook: https://www.facebook.com/bltnmbltnm/
Soundcloud: https://soundcloud.com/bltnm
Bandcamp: https://bltnm.bandcamp.com/

Contact | تواصل: Info@bltnm.com

ألوان-colors

Yun Sounds