HAIKÜ is 'n 2-man projek deur Hein Bosman en Jaco Alberts. Ons maak elektroniese dans musiek, met Afrikaanse lirieke.

KARDIOGRAFIE NOU BESKIKBAAR:
Apple Music: https://goo.gl/wHWBBN
Google Play: https://goo.gl/pAfuTv

Contact:
haikupe@gmail.com

Biografie

Geboorte naam: Anton Dickson

Verjaarsdag: 2 April (1986)                                           

Geboorteplek: Estcourt

Genre: Pop-Rock met n Country inslag.

Hoe se hulle nou weer in Engels ? "It’s my time to shine baby"

Afrikaans is my taal en ek wil in my taal leef, sing en my passie vir musiek met almal deel. Ek loop al n ruk rond met ń juk om my drome te bewaar en waar maak sal EK! 

Dit was nie ń moeilike besluit gewees om te neem nie, want ek weet dis wat ek soek, al kom dit saam met laat aande maar dit sal my nie kan keer nie, ek sal slaap die dag as my oё toe gaan.

Al van my kinder jare af het my ouers al geweet dat daar groot dinge vir my wag, toe ek met potte en panne lawaai gemaak het en vir myself voor die spieёl staan en Wiellie Waallie sing of vir enige iemand wat wou luister. Ek het groot geword in n huis wat n passie het vir musiek en self musiek instrumente speel.

Musiek loop deur my bloed en met my talent en ń bietjie ondersteuning en genade van bo weet ek dat ek sal kom waar ek wil wees.

Ek is Drehardt volg my loopbaan en kyk hoe ek Afrikaanse musiek tot nuwe
hoogtes Sing.


Hulle is jonk, sexy en vol lewenslus en energie. Hulle is trendy, hip en cute. Hulle is . . . Mwah!
Soos in “soentjies”! lag die blondekop Talana Vuren. Sy, Chane Brits en Loriska Bubb – die ander twee lede van die nuwe meisiegroep Mwah! – oefen tans kliphard aan hul repertoire waarmee hulle die Suid-Afrikaanse musiekwêreld gaan verower. “En hulle kan hulself maar regmaak vir groot dinge,” belowe Loriska van die Oos-Rand, Johannesburg. “Ons tooi byvoorbeeld ou treffers – soos Laurika Rauch se Huisie by die See en Blondie se Call Me – in ‘n unieke, moderne baadjie. Dan het ons ook nuwe pop-liedjies opgeneem wat spesiaal vir ons geskryf is.”
Chane van die Vaaldriehoek vertel opgewonde hulle wil die “luisteraars verras met ‘n vars, hedendaagse spin op liedjies wat die ouer garde hul goue ou treffers sal laat afstof en die jeug se ritmes pimp!” Hulle sing pop, verduidelik Talana wat maar net nege jaar oud was toe sy alreeds begin optree het. Twee jaar gelede slaan sy ‘n rol in die Barnyardproduksie, Girls wanna rock, los waarna sy vir ‘n jaar lank met die produksie deur die land toer. “Ek was natuurlik die babatjie in die groep wat baie vinnig in die grootmens-wêreld moes aanpas!” Na haar pa se dood in 2008 kyk Talana met ander oë na haar sang: “Ek wil graag ‘n boodskap oordra aan mense wat smagtend vir antwoorde is, maar wat dalk andersins nooit beantwoord sou word nie.”

Loriska, wat verlede jaar haar BA Dramagraad by Tukkies verwerf het, het haar voete reeds stewig in die teaterwêreld gevestig. Sy vertolk tans die hoofrol in Michelle Ayden se kinderproduksie, Rooikappie, die Musical, en speel ook in die teaterstuk Blink, wat by skole opgevoer word. Teen die einde van die jaar gaan Villa Rosa-kykers haar in dié sepie sien in die rol van Sasha Bouwer.
Haar stokperdjies is “baie uitdagend”, verklap sy: “Spinning, shopping en social!”

Nie een van dié drie meisies kom nou juis uit musikale ouerhuise nie, spot hulle. Chane se ouma het darem gesing terwyl sy skottelgoed was, en Talana se ma in haar jong dae in ‘n Jeugkoor. 
Maar hulle het darem seker gemaak dat hulle self ‘n ordentlike musiekopvoeding en stemopleiding gekry het. 
Vanwaar dan dié aweregse naam vir ‘n meisiegroep wat pop sing? Tieners en jongmense gebruik mos deesdae die woord ‘Mwah!’ aan die einde van elke sms en bbm, verduidelik Loriska. “Dit is ‘n alledaagse woord wat gebruik word in verskillende kommunikasie mediums. Boonop het dit ook verskeie betekenisse: van die vriendskaplike ‘Mwah!’ tot daardie ene wat iets meer beteken – jy verstaan mos wat ek bedoel?” sê sy met ‘n stoute knipoog. “En omdat soveel verskillende mense die woord gebruik, spreek ons musiek ook tot ‘n wyer gehoor,” voel Talana.

Dit is presies wat hulle met hul musiek wil bereik. “Elke liedjie het ‘n ander boodskap, maar oorkoepelend sing ons oor alledaagse onderwerpe en emosies waarmee elke mens kan identifiseer,” is Chane se mening. Vir hulle ondersteuners het hulle net een boodskap: “Mwah!” roep hulle dit saam uit . . . 

Die legende leef voort...
Elvis mag dalk die gebou verlaat het, maar die gerugte oor sy misterieuse seun wat sy pa se kenmerkende stem en opwindende dansbewegings geërf het, wil maar net nie gaan lê nie... 
Meer as dertig jaar na Elvis Presley se dood, daag ŉ splinternuwe Afrikaanse musiekgroep op wat dieselfde tipe musiek maak as die koning van ruk en rol, maar in Afrikaans. Is dit dalk waarlik Elvis se seun wat nou sy opwagting in Suid-Afrika maak? 
Daar’s net een manier om uit te vind; gaan luister maar self na Elvis se Seun. Dis ook die naam van die opwindende nuwe groep wat oorspronklike Afrikaanse musiek maak met ŉ unieke klank en styl, wat hulle Boere Rock doop. Elvis se Seun is ŉ jong, energieke groep, bestaande uit ŉ sanger, kitaarspeler en twee dansers en het pas hulle eerste CD getiteld Boere Rock vrygestel.  Hierdie CD is vrygestel deur Luisternet Musiek en word versprei deur Next Music.  Dit bevat 12 energieke liedjies waarvan 9 uit die pen van Stefan Ludik kom.  Twee van die liedjies My Lekker-bekkie en Wil jy in my arms lê vanaand het reeds trefferparades landswyd begin klim.  Elvis se Seun het ook al gesig gewys op Jou show met Emo en gaan sorg vir lekker vermaak op 8 November by Toks & Tjops op kykNET.
Die eerste musiekvideo van Elvis se Seun – Wil jy in my arms lê vanaand is ook gereeld op nasionale televisie kanale soos kykNET en SABC 2 te sien.
Daar sal altyd plek wees vir tong - in - die - kies lirieke, prettige melodieë en opwindende vertonings en dis presies wat Elvis se Seun bied. Hulle musiek is ideaal vir lekker luister, kuier, dans en elke snit is oorspronklik en in Afrikaans. Dis musiek met ŉ polsende ritme wat jonk en oud sal vermaak. 
Moenie net meegevoer word deur die musiek van Elvis se Seun nie; beleef hul energieke vertonings wat voete sal laat jeuk en lywe sal laat skud. Elvis het miskien die gebou verlaat, maar die legende leef voort in Elvis se Seun en jy kan maar verseker wees om ‘n hele klomp goeie gehalte Elvis Presley “covers” ook te hoor tydens enige lewendige optrede!
Besoek gerus Elvis se Seun se Facebook blad by:
www.facebook.com/Elvisseseun
Twitter:  @elvisseseun
Alishia van Deventer
Starburst Promosies
E-pos:  alishia@starburstmusic.co.za
Sel:	083 635 4717
Faks:  086 618 7885 


JNS Musiek ~ Musiek met Grein.

Jannie du Toit het tydens die vroeë gedeelte van sy musiekloopbaan ’n leemte beleef ten opsigte van die verspreiding van musiek waaraan groot musiekmaatskappye nie aandag gegee het nie. Sy pogings om sy eie “ ’n Liedjie vir jou” in die vroeë tagtigerjare op die mark te kry het gelei tot die totstandkoming van JNS Musiek – ’n musiekmaatskappy wat oor dekades diep spore in die musiekwêreld getrap het. 

Dieselfde behoeftes wat destyds tot die ontstaan van JNS Musiek gelei het, bestaan klaarblyklik steeds en lei daartoe dat talle kunstenaars buite die hoofstroom kwalik met ’n loopbaan kan begin of voortgaan.  ’n Begeesterde span medewerkers wat Jannie se passie in hierdie verband deel, het aangebied om hom te help om die bal weer behoorlik aan die rol te kry nadat die maatskappy vir ’n tyd lank nie nuwe uitreikings gedoen het of in die handel ’n rol gespeel het nie. Die albums sal natuurlik ook in die kuberruim beskikbaar gestel word.

Die oogmerk van die maatskappy bly dieselfde: Om Suid-Afrikaanse nis-musiek ’n ekonomies lewensvatbare staanplek te gee deur samewerking van kunstenaars – oud en jonk – wat hulle primêr toespits op artistieke kriteria. JNS Musiek het vroeër ’n hele geslag kunstenaars se uitsoekalbums op die mark geplaas:  Christa Steyn, Lucas Maree, Coenie de Villiers, Louis van Rensburg, Amanda Strydom, Surendran Reddy, Cutt Glas, Laurinda Hofmeyr, Lize Beekman, Herman van den Berg, Annalise Wiid, Anna Davel en Die Kaalkop Waarheid is deur JNS uitgegee – om maar net enkeles van die 120 te noem.  Daar is ook verspreiding van CD’s vir kunstenaars soos Nataniël, David Kramer en Mimi Coertse hanteer. Die genres waarop gekonsentreer word is klassiek, jazz, kleinkuns, progressiewe rock en kindermusiek. Alle produksies word aan keurpanele voorgelê met die bedoeling om die kwaliteit bo verdenking te hou.  

Die aantal splinternuwe albums van jong asook gevestigde kunstenaars wat binne die eerste maand van JNS se nuwe era gelanseer word klink na ’n damwal wat bars: Lochner de Kock, Herman van den Berg, Annalise Wiid, Ockie Vermeulen, Ramon Alexander, Lieze Stassen, Karin Hougaard, ’n postume album van die briljante pianis Fanie Fouché, asook ’n album wat deur ’n klompie jong kunstenaars ten bate van KANSA gemaak is. 
Deur die jare word ook gevra na die ouer JNS-uitreikings en dit is een van die projekte wat dadelik aangepak word – om weer ’n oplaag daar te stel van ouer albums soos dié van Alida White, Phillip de Vos, Werner Nel, Surendran Reddy, Clarabelle van Niekerk maar natuurlik ook die meer bekende kunstenaars soos Coenie, Louis, Christa, Herman en andere. 

Hou ons Soundcloud profiel dop vir voorskoue van albums wat ons versprei, asook albums wat binnekort gelaunch word!

Jaco van Wyk is gebore op 30 Maart 1982. Hy het groot geword in ‘n klein dorpie met die naam Hartbeespoort.
Deur die jare het hy by familie byeenkomste, vriende en laerskool konserte opgetree. In 2006 het hy besluit om ten volle sy passie vir musiek aan te vat en uit te leef. Hy het tot op hede by verskeie restaurante, kroeë en groot musiek feeste opgetree.
Met Jaco se veelsydige musikale talente kan hy verskeie instrumente gebruik in die skryf en opname proses. Dit eindig egter nie daar vir Jaco nie, hy het 'n sterk verhoog persoonlikheid en ‘n talent om mense te vermaak.
Jaco is huidiglik besig met sy eerste studio album met Producer Wes Meyer. Die album sal teen middel 2012 beskikbaar wees.
Jaco het ‘n unieke musiek styl en bring ‘n nuwe gevoel aan Afrikaanse musiek.

Hey Vreemdeling is gevind in die April-maand van 2014. Met 'n alternatiewe benadering tot vandag se Afrikaanse musiek en 'n "buite die boksie" styl, streef hulle daarna om vir die Afrikaanse gemeenskap 'n vars nuwe klank te bied. Anrich van der Walt & Bok Rautenbach studeer tans by die NWU waar hulle met Jacques Mare en Gerhard Strydom van Tukkies saamgesmelt het om die musiekgroep te vorm. Vir enige navrae en besprekings, kontak ons gerus by heyvreemdeling@gmail.com.

Zandre Badenhorst is following