نص: آية منير
هندسة صوتية وآداء: زينب فرحات..صوت الونس
*********************************
أنا من الناس اللي بتحب التفاصيل.
بحب أربط المكان بالأكلة اللي فرحت قلبي وأنا فيه،
صحابي وتفاصيلهم وتفاصيل وجودنا مع بعض، ممكن أحب شارع بسبب ريحة فرن عيش سخن أو محل ورد فيه،
وأربط الأشخاص بتفاصيلهم الصغيرة، ضحكة، طريقة كلام، أو حتى نظرة معينة.
مبعرفش أعبر عن اهتمامي بالتفاصيل غير عن طريق إني أحبها،
لإنها هي اللي بتخلي الحاجة تستحق الاحتفاظ بيها،
ذاكرتي مش قوية بس ممكن أستعيد ذكرى لطيفة بسبب تفصيلة طمنتني!
وبتفكرني إن الحاجات الحلوة كانت حقيقية.
وعشان كده،كل ذكرياتي اللطيفة فيها تفاصيل بسيطة وقد تبدو تافهة بس أنا صنعت الذكريات بسببها حتى لو كانت كوباية شاي بلبن طعمها حلو وجميل ❤️


حلاوة الذكرى في تفاصيلها

صوت الونس🎙️ زينب فرحات

حلاوة الذكرى في تفاصيلها

Zeinab Farahat