زمان لما افترقنا ليل الطريق سرقنا وتهنا في المسالك

انا المجروح وانتي حزينه زي ماانتي عنيده في امتثالك

تعبنا ياحبيبتي تعبنا م العناد طريق واعر فرقنا وتهنا في البلاد

مع انك ياحبيبتي حياتك في الوداد وانا عارف نهايتي في البعاد

عذابك وحشني وعشقك هبشني وقلبك فرشني جناين وقمره

راجع لك ياسمرا

زمان لما افترقنا - أحمد فؤاد نجم

البنّ
			
القهوه تحبّ كنكه
والكنكه تحبّ كنبه
والكنبه تحبّ قعده
مبسوطه مربّعه
و كنّا أربعه
أنا و انتِ و انا و انتِ

و كنّا عيون كتير
و طبليّه و زير
ولا بنحبّ نبكى
ولا بنعرف نطير
أنا و انتِ و انا و انتِ

سبنا البوسطه ورانا
فى الترماى اللى داير
العتبه للإمام
كان ريقك جنبى ساكت
حبّيتك من زمان
أنا و انتِ و انا و انتِ

شمّيت لادن سعيد
شمّيته من بعيد
شمّيته من قريّب
خمس سنين حاغيّب
على الشمّاعه خايف
و باخاف على الدولاب
و بادوب على البلاط
و باحسّ الظلّه تقلت
و باسمع الوابور
و باحسّ الميّه تقلب
أنا و انتِ و انا و انتِ

الظُهر الشمس تلحس
الظلّه فى الليمان
والظُهر الشمس تعمل
سيبرتايه دهب
بصّينا لبعض فيها
و مشينا لبعض نبكى
و قعدنا من التعب
أنا و انتِ و انا و انتِ

باقول لك إيه باقول لك
حاجيب حاجات قديمه
قلبى كوره شراب
نلعب والاّ ما نلعب
فرحت لنا المدينه
و امبارح فى التراب
أنا و انتِ و انا و انتِ

و بنفرش ضيّنا 
على ظلّة بعضنا
و احنا بنبرد هناك
علشان ندفا هنا
والقهوه تقول لنا
على بال النار ما تلسع
بتبقى حنيّنه
أنا و انتِ و انا و انتِ

قصيدة البن بصوت فؤاد حدّاد

أحمد فؤاد نجم - نوّارة

نص: آية منير
هندسة صوتية وآداء: زينب فرحات..صوت الونس
*********************************
أنا من الناس اللي بتحب التفاصيل.
بحب أربط المكان بالأكلة اللي فرحت قلبي وأنا فيه،
صحابي وتفاصيلهم وتفاصيل وجودنا مع بعض، ممكن أحب شارع بسبب ريحة فرن عيش سخن أو محل ورد فيه،
وأربط الأشخاص بتفاصيلهم الصغيرة، ضحكة، طريقة كلام، أو حتى نظرة معينة.
مبعرفش أعبر عن اهتمامي بالتفاصيل غير عن طريق إني أحبها،
لإنها هي اللي بتخلي الحاجة تستحق الاحتفاظ بيها،
ذاكرتي مش قوية بس ممكن أستعيد ذكرى لطيفة بسبب تفصيلة طمنتني!
وبتفكرني إن الحاجات الحلوة كانت حقيقية.
وعشان كده،كل ذكرياتي اللطيفة فيها تفاصيل بسيطة وقد تبدو تافهة بس أنا صنعت الذكريات بسببها حتى لو كانت كوباية شاي بلبن طعمها حلو وجميل ❤️


حلاوة الذكرى في تفاصيلها

دواخلنا التي لا تخص أحدًا سوانا | من مسلسل الأيام

نجم في تقديمه للقصيده
 "دي قصيدة ليها نوعية خاصة، القصايد اللي بكتبها ليلة مبخش السجن"

أحمد فؤاد نجم - عزة

تلميذ خيبات الامل المتتاليه، و من انصار الباب المقفول.
مجموعه اشعار لمولانا الشاعر مصطفي ابراهيم.

عن الثورة و الحياة Vol 2

فؤاد حداد (1928- 1985) من أبرز الوطنين المدافعين عن القضية الفلسطينية في منتصف القرن العشرين.

"كلمات القصيدة" (بكيت في الأول بكيت في الثاني)

بكيت مسحت دموعي
بامسح دموعي بكيت
املوا علينا البيت
املوا علينا المخيم
املوا علينا الظلام
أنا القتيل المُتيم
املوا علينا الشجن
أنا قتيل اتسجن
قتيل في يوم الفطام
املوا علينا الهوا
املوا علينا عنينا
نزفنا دم النور
نزفنا في حبكم
دم الخيال
 خلينا كل البلاد و الشهور
بلد وشهر حرام
قليل ما قلنا يا ريت
بكيت مسحت دموعي
بامسح دموعي بكيت
املوا علينا البيت
املوا علينا الطريق
مبلول كأنه طري
غنيت لقطر الندى
من كتر ما غنيت
شقت جفون اللي نام
رمت صبية و غلام
املوا علينا الصرخة
املوا علينا الكلام
املوا علينا الفرحة
قليلة يوم الانتقام
قليل ما قلنا يا ريت
بكيت مسحت دموعي
بامسح دموعي بكيت
املوا علينا البيت.

وُلد فؤاد سليم حداد بحى الظاهر بالقاهرة في 28 أكتوبر 1928، والده سليم أمين حداد وُلد في بلدة 'عبية' بلبنان في أسرة مسيحية بروتستانتية لوالدين بسيطين اهتما بتعليمه حتي تخرج من الجامعة الأمريكية في بيروت متخصصًا في الرياضيات المالية ثم جاء إلى القاهرة قبيل الحرب العالمية الأولى ليعمل مدرسًا بكلية التجارة­ جامعة فؤاد الأول ويحصل علي لقب البكوية وعندما نشأت نقابة التجاريين في مصر منحته العضوية­ رقم واحد، وما زالت كتبه وجداوله تُدَّرس باسمه حتى الآن.

أما والدته فهي من مواليد القاهرة في 19 يونيو 1907م جاء أجدادها السوريون الكاثوليكيون إلى مصر واستقروا فيها و وُلد أبواها في القاهرة. أبوها من عائلة "أسود" التي جاءت من دمشق الشام وأمها من عائلة بولاد من حلب، وفي المعتقل تحول "فؤاد حداد" إلى الإسلام.

تعلم في مدرسة الفرير ثم مدرسة الليسية الفرنسيتين، وكانت لديه منذ الصغر رغبة قوية للمعرفة والإطلاع على التراث الشعري الذي وجده في مكتبة والده، وكذلك على الأدب الفرنسي من أثر دراسته للغة الفرنسية. اعتقل فؤاد حداد عام1953 لأسباب سياسية، ثم عاد واعتقل مرة أخرى عام 1953.

نشر حداد ديوانه الأول "أحرار وراء القضبان" الذي كان اسمه "افرجوا عن المسجونين السياسين" بعد خروجه من المعتقل عام 1956، واعتقل مرة أخرى عام 1959 لمدة خمس سنوات، وخرج ليكتب في شكل جديد لم يكن موجودًا في الشعر العربي، وهو شعر العامية فكتب أشعار الرقصات مثل "الدبة" و"البغبغان" و"الثعبان" وغيرها.
كتب "المسحراتي" لسيد مكاوي 1964 وكتب له البرنامج الإذاعي "من نور الخيال وصنع الأجيال" 30 حلقة عام 1969 والذي كانت أغنية "الأرض بتتكلم عربي" قطعة منه. أصدر 33 ديوان منها 17 ديوان أثناء حياته والباقي بعد وفاته؛ ابنه الشاعر أمين حداد، وهو يعتبر أحد الشعراء الذين خرجوا من عباءة والده مسحراتي الشعراء، وله ابنان آخران هما سليم حداد وهو الأخ الأكبر وحسن حداد وهو الأخ الأصغر.
كان ديوانه الأول "أحرار وراء القضبان" عام 1956 ثم "حنبني السد" 1956 ومن أهم دواوينه "قال التاريخ انا شعر إسوَد".. ديوان ترجم فيه الشاعر مختارات من الشعر الفييتنامي 1968، "المسحراتى" 1969.
ومن أبرز القصائد التي كتبها ضمن تلك السلسلة: سلام، وحسن أبو عليوة، الاستمارة، الكحك، النسمة هلت، والله زمان، يا هادي، بعلو حسي، افتح يا سمسم، في الغيط نقاية، عنتر، ألف باء، هلال، حرفة هواية، التبات والنبات، دواليب زمان، على باب الله، الأرض بتتكلم عربى.

بكيت في الأول بكيت في الثاني

بكيت مسحت دموعي || فؤاد حداد

لما مكاوي يغني لحن لدرويش على العود لازم تطلع تحفة مش هتتكرر

والله تستاهل يا قلبي - سيّد مكاوي | لقاء إذاعي

صلاح السعدني وموقف طريف مع سعيد صالح وعادل إمام

"وعايزني أكسبها
زمن يبرروا فيه انهم يرموا البمب على دماغ ناس ما لهمش دعوة بالحرب خالص وعايزني اكسبها
زمن بتتشوي فيه الناس في الافران عشان لون جلدها احمر ولا اسمر ولا عينيها مسمسمة
وعايزنى اكسبها
زمن بيلموا فيه ولاد الناس سن 16 و 14 سنة ويدفنوهم تحت الرمل باسم الحريات الاربعة
وعايزنى اكسبها
زمن بيكسبوا فيه فرد واحد 5000 جنيه في دقيقة ويغلوا على التاني اجرة الترماي
و عايزني اكسبها"
من فيلم اسكندرية ليه


عايزني .. اكسبها !!؟ محمود المليجى - احمد ذكي

صوت الونس🎙️ زينب فرحات

حلاوة الذكرى في تفاصيلها

Zeinab Farahat