لحن مرتجل ع الهوا .. من برنامج صباح تك على إذاعة الشباب و الرياضة .. رداً على قرار مجلس الوزاراء بإستئناف الدوري ...

تعيش و تنسى ، و تموت و تنسى ...
طول ما انت فرد من اللي راكبين السبنسة ...
الاسم : منسي - السن : منسي ...
المهنة : منسي شغلتُه ياخُد و ينسى .
الأرض أُنثى ...
الظلُم قطّع شعرها ، و إدّاها بنسة ..
لمّت خُصلها من الشوارع أغنيات و تُراث ...
لمّت عيالها من القبور .. أجساد ، و مالهاش راس !
لمّت كلامهم من حكاوي الناس ، و الناس بتنسى للأسف ..
الناس بتنسى ..
هتعيش و تنسى يا وطن ...
و نموت و تنسى .
أعرف بلاد ...
بتقدّس اللذات ..
بيصلّوا فيها الفرض للكرسي و البشوات ...
بيغنّوا فيها ، و الغنوة طبل و دم ..
بيعيشوا فيها .. العمر مدح و ذم ..
و ما بين عبادة الكراسي و بين عبادة الذات ...
النكتة صارت فيها ...
مرّة واحد ...
مات .

مرّة واحد .. مات

مزيج للروح .. للملكوت .. للتجلي

www.facebook.com/tefaahlawy99


مزيج التجلي .. القهوة فن

مسعد أوزيل & إسلام فوزي _ صبري عليك طال

مزج غريب يبدا من نهايته ناس ومواقف وشغف وحيره وغياب ...من بدايه 6-6-2017
فــ لك هذا المزج يا صغيرتي

الــتَــمَـــزُجٌ 7- Absence

لو والدي ماماتش - أشرف عبدالهادي

برومو ديوان بين الخشب والدم- كريم عبد الرسول

الطحان

عرفت الهوي
 
عرفت الهوى مذ عرفت هواكا

واغلقت قلبى عمّن سواكا

وقمت اناجيك يامن ترى خفايا القلوبِ ولسنا نراكا

احبك حبين.. حب الهوى وحباً لأنك اهل لذاكا

فأما الذى هو حب الهوى فشغلى بذكرك عمن سواكا

من برنامج  قاعدة مزيكا 
علي نجوم FM

جيتار | اوشا
عود | جوكي 
كاخون | سمبا 
غناء | عابدين

Abdeen - عرفت الهوي

Lyrics:
بشويش يا قرص الشمس 
يا مِنَورّ البالكون
لسه الشتا كان أمس 
بينُط كالمجنون  
يغسل صدور الناس 
م العفرة والدخان 
ويبل ريق الشجر 
بعد أما كان عطشان
غامقة يا تجاعيدي 
زيدي الوجع زيدي 
أنا مش هاممني الشتا
ولا خوفت يوم م البرد 
كل اللي ساب السما 
راح يبلعُه الأسفلت 
وأنا وحدي فـ الأوضة 
أحلامي ممدودة 
ك بقية الاحلام 
غامقة يا تجاعيدي 
زيدي الوجع زيدي

Karakeeb band Sheta...كراكيب باند شتا

لو تسألي ..
أنا مش ولي 
صاحب بالين
و حَنبَلّي 
شهم وشقي 
مُسلم تَقي 
بَصَلّي الجمعة
للجمعة 
عفيف وسيء السُمعة 
صعلوك أوي
مُلتوي
بشرب سجاير فرط
بخسر و ادوس ستارت
معاييش تذاكر للنعيم 
قلبي الغشيم ..
غفلني/ و عدى عتب الباب
مليش أحباب ..
حقيقي أنا لسه مش ولابد
لا عايز أعرف حد
ولا حد يعرفني 
 لو شوفتني ماشي/ بلاش توقفني
منطوي .. لأن الباقة خلصانة 
الدمع على قدي / لو كنتي عطشانة
المَلّح سَوانّي
الغنوة فـ وداني
" وأقولك ع اللي سهرني 
وأقولك ع اللي بكاني "
الحُفر ياما 
الطريق واعر
نفسي لوامة 
مهنتي شاعر
خُلقي مش ضيق 
صدري بيزيق
شكلي شب عجوز
من عنيا الجوز
الهالات طارحة 
بالنسبة للفرحة
فـ أنا على لحم بطني 
الحزن هَبْطنّي 
لو دوخِت .. ضُميني 
الحالة بتجيني ..
كل أما أحس بشوق
يومين تلاتة وأفوق 
ونكمل الأسئلة ..
دا لو مفيش مشكلة 
وحابة نتعرف ..
والله ما بخرف ..
أنا كنت ناوي مقولكيش
لو عايزة القصة دي تكمل
فـ نصيحة مني متسأليش !!

كلمات و إلقاء : أحمد سعد 
موسيقى : أرماند آمر

C.V - Ahmed Saad III سي ڤي - أحمد سعد

رضا محمد. 24 ساعة.mp3

أحمد سعد : شاعر عامية مستقل

C.V - Ahmed Saad III سي ڤي - أحمد سعد

Ahmed saad zezo