Bu Nasser Touffar 2021 - لوّن حبسك
Photo Credit: Rabih Yassine

Bu Nasser  - لوّن حبسك

@Subbar
https://www.instagram.com/subbar.subbar

@ILLADIB
https://www.instagram.com/illadib

Artwork by: Salina
https://www.instagram.com/sal_ab

Masterd by: @nouryamm
https://www.instagram.com/nouryamm.ny

Lyrics:

عِزّا هِزّا 
ربْ بلادِك صدّا
عِمرك حقِّك أرضِك دمِّك 
هِدِّي سجونه و هِدّا 

انا قوت صلى فيك
دعى بلاد بلا طوق
بدكّر على ولاد غفوا برد بلا توب 
بعكّر على ديك عالعَوْد سَنعود
دوس على حزب على بعث على روس
وَ انا دوس على سيد 
وَ انا بيض ع عبيد
وَ انا سود خروا بيض 
وَ انا جيب هوا جيب
وَ انا حُر على بيت
وَ انا ديب ل أَديب
زيد صوت على صوت 
شد اِيد على اِيد 

مُجرم كل من باعنا 
نحنُ تَفُكُّ وِثاقَنا
دَعنا نُسوّي حِسابنا …. من كادنا و أبادنا 

وانا برقِك رعدِك حُر بعبّك قَسّي بقلبِك ثوري
بِدّه البد و عند الجد نسقِّط حكم شمولي
فاضِ فاضِ الجيب حد كرومِك قاعد نوري
كلب و عدّة صيد رهن شفافك مَربى الجوري 
وَ انا كبلك حبلك 
عِصّي رقابن لِفّي علين دوري
كل فروعن كل قصورن 
تِفي و خرِّي و بولي 
هدا الغصبِك هدا الضَّربِك 
ردي وراي و قولي 
بدوس علي و عَ نسوري 
بدوس علي و عَ نسوري

دوس دوس دوس دوس 
على حِزِب على بَعث على روس 

قَهرِك  بِ زلزل عروش
بِ  فَقرَك بِ جِرَّك ع جيوش
لا ترعوا ب نظامه وقود بخزانه 
أَرواحنا بِ بيعا بِ قرووش
بَردِك ب عضامي نامي حامي عنِّك 
منِّك ما بياخدني دَيسبورا 
أوتارك بالرّقبة حنجرتي و رَبّي عرصاتِك و رقَابُن بِ الجورة
ساقط ربّك عَرشُه سَاقط
رَاحِل عنّك ربّه راحِل 
هي منا أوهامي صيحات و أغاني 
سَاروت و فَدواكي لساحِل 
قضيتي مالا ترند فضا سيرة
قضيتي ملاّ رَب تَوبه عيرة 
اعلامك اسلحتك انفاقك معركتك
ولا مرة 
شَفِت غليلي 

 ويلا ويلا ويلا ويلا ويلا
ويلا ويلا ويلا ويلا وييلي
قلبك بِدلّك عَ صواتن بِدلّك 
وجوهن تشعشع بِ ليلي
رواحُن تتسلل من يأسك تمدّك 
طاقة تشدِّلي حيلي
علِّي علِّي الرّاس 
 علِّي بِرجَك 
ما تِقدَر عَ سِيلي …

Malla Rab

All Platforms

ملّا رب - صبّار

@boikutt إنتاج : مقاطعة
تم التسجيل في تسجيلات الجهاز
أداء الفرعي
Dob Lomacy :
Verses by El Far3i
Produced / Mixed / Mastered by @Boikutt
Recorded at El Jehaz 

يلي بتحبوا البلاد عشان قمعوها بأمانها
احنا منحب البلاد عشان منحب الي ما خانها
انتوا بتحكوا بإسمها إحنا الحلق الي بدانها
و منكره الدبلوماسي الي لما سمع الخبرية أدانها
الدب الماسي و حيوانات من أحجار كريمة
طقوس غريبة , شطرنج الفرنجة رموز إخراج الجريمة
الوصف مش كثير دقيق برجعله "فما صدقتك"
بس تستغرب إيش كثر المصاري بخليك تسوي بوقتك
يلي بتحبوا البلاد عشان بلحظة انفتحت كثير 
بدنا نجرب الإكتفاء الذاتي زي الرحّال الصغير
نعيش بالفضلات نلتقت سموم و ديون
ثلث يموت من الجفاف و ثلثين سمنة و أفيون
بالنسبة للوصف الدقيق : شفت الطاولة المستديرة ؟
بكونوا قاعدين ببدلات بشربوا إشي بيشبه البيرة
"It turns out" يا معلم انها مياه غازية
بيحتسوها بأي إجتماع عشان يهضموا القرارات "الإنحيازية" 
و بخلطوا باللغات زي ما عملت فيك قبل بسطرين
لإنه ممنوع بالقمة الإقتصادية تقول إنك "من هين"
"نحب البلاد" كما درويش في تونس
انتوا الأقلية الي بيننا زي التبولة في البقدونس
فروعي جذوري كل ما أبعّد بعّمق 
و حابب أموت على حق زي جندي منشق
معلش المسرحية درامية و فيها بطل قومي
 فوضع البندقية و قال حان موعد نومي
**
يلي بتحبوا البلد عشان تصحوا بساعات متأخّرة 
بحب أقلك دخلنا بالتطور مراحل بالمؤخرة
مصطلحات منفّرة زي فرص عمل متوفرة 
قوم شفلك شغلة تشغلك , قوم شفلك شغلة مؤثرة
بعيد مرتين.. قريب أهلين !
إنت من دم و طين و روح ؟ ولا "إنت من وين" ؟
ويلي بتكره البلد عشان مفكر هيك الدواوين
إنت و الي ببلطج عليك على الفتنة متغذيين
إحنا اللحظة الي العجلوني حبس فيها أنفاسه
اللحظة الملك بصير للشهيد حراسه
لحظة مزارع الغور لما بيتمسّك بفاسه
اللحظة الي الدقامسة بالمحكمة أمه قالتله يرفع راسه
الله يقويكي يا أمي العربية ما زلتي الرمز 
الثوب  بالواقع غير مرضية! 
الأرض الزرع الجذر الفرع : القضية
الحقيقة بوجه فلاسفة المنابر السياسية
معلش الصوت طالع من عمان الغربية
محل ما بتدور دوارة على الأسطورة الشعبية
 ممنوع أغاني طربية إلا إذا طلبتها المجموعة الأجنبية
و قد ما حضروا على ال mbc  أفلام حربية فكّروا حالهم إرهابية!
أغنية شبابية على الشبّابة إشي صبابا
أمام الي حبّوا البلاد عشان "هيك قال بابا"
عاملين لمة بيحكوا عن التعايش مع "شلومو" بطابا
مش عارفين بإيش خاشّين زي الي بسوق بالضبابا!
أنا بصحي صحابك كلماتي "بتدق و بتشلّف" على بابك
بتفتح بتطلّع ما بتلاقي حدى "ما الذي أصابك؟"
بترجع بتفوت جوا بس في قصص براسك عم تتشابك
ثورات مصيرية في كل مكان و انت عم بينقص شبابك!
غيابك أّنّبك أعابك أعادك أصابك 
بصب بغضبك عصبن عنّك قبّع نيابك
أليف ؟ نيالك ! غبّشت فغوص بغبائك
غطي ثمك ب "تب" عشان يبطل يعيد ببغائك
ببّ بطّل فضّل انحاز و عدّل 
ممتاز! و بتأجّل؟! بتأخّر و بتبدّل !
بتقيس و بتقدّر بتبرز نقاط زي المجدّر
ماسك السلك الدبلوماسي و حبل الكذب و عم بتجدّل!
يلي بتحبوّا البلاد و حاسّين ملامحها عم تختفي
خبيتلكم عربي عاطفي جوا معطفي
و رح أطلعه لما أحس انه نار الثورة ممكن تنطفي
بس بالأول يا ثورتي لازم تصفّي نيتك و تنضفي!


El Far3i - Dob Lomacy (Prod. Muqata'a) | (الفرعي - دب لوماسي (مقاطعة

بيروت خنقتنا

بو ناصر :في حي مطمور بين اوتيلين عين السايح ما بتشوفه، كل اوتيل الاسهم فيه موزعة بين عدوّين و في جحاش عم تدبّح بعضا كرامة نفس العدوّين العمى !! و بتقلّي خنقة ؟ و بتقلّي زنقة ؟ ولا شوف وجوه الناس مصبّرة منتظرة شنقا شوف عيون مهما اتضحكت بقلبا حرقة شوف الحكي عن الخنقة، منين ببلّش ؟ أم دايرة عالبيوت و أب مفلّس ؟ أو عن كره صار بين عيوني مشلّش ؟ عن رئيس حركة حرمان ملياردير، عن الدعارة الحلال عنها الشرع مطنش عن غسان المخبر قبل الضهر، الضهر نايم، بعد الضهر عنده عن ثورتنا صف حكي سيارة فيها قواد و فيها شراميط تهرس ولد يعني هيدا مشهد مضحكة عن الدركي الملاحق طيزين النسوان عن مجند ما اتجند للبدلة اتجند للضمان عن علي عايف الله بس السيف برقبته تخرج توظّف سكّير ناطر سفرته ضواحي عم تكبر عواصم عم بتزم عشياطين بالعمايم او عن جاري و كبرته ؟ عن دكان احترق دينا انكتب برماده كارفور كان حسن فيها مستور هلق عالشارع بيدور حول لقمته، بيروت خيبته عمر سقف فسد عنه جاره بعدا بيوم هدّوا السقف و الفسد عنّو زاره ! عن القاتل داعش و هو رب الدعوشة، عن شغيل لأنه سوري مات دعوسة عهوا من باطون جامع حرامية كون بس انكل سم بطل شيطان تخاوى مع قم المصيبة جمعتنا كتف ع كتف حطتنا، جينا ناخد نفس بس بيروت خنقتنا

وتر :
محبوس بلا حيطان , بحدود , قال استضافة 
المحروس قال الموضوع زمن و قصتي نافدة , قصدي حارب 
بين الخلاف و الخلافة شتّان , في مين بيلعب بالناس من فوق بلا ما يربطا بخيطان ...
الضغط نشأ من كم حاجز عالطريق انخلق , حاج ينشأ حنكنا بالحق , البحر بنشف الريق , دبق , غيم , سياسة عالافطار , حزب حركة جمعيات إعمار , مع حرب عالطفّار , في سجن للاحرار و أوجاعنا نفسها , لبنان بتحكي بيروت خرسا , كرهني و قول شعرة من طيز الخنزير مكسب ...
كم جهة نراعي راعية , لتراعونا ..
كم مرة سمعت من غرب كيف العرب باعونا ...
ف ليه ما اتدخل و الارض وحدة .. بيروت مية مدينة , بين الضاحية و المخيم للاشرفية عم نحبي ...
لافتات حظر تجول 
لا تخاف لو كنت تهديد ..
مات ناس اختلاف رأي و الصحافة شغلها بالتأويل ....
انا مخلوق لاتنفس و بيروت خنقتنا ..
بإيد مين بقدر اتمسك و الحدود حبستنا !!!
بجثة مين اتمسّك اذا الشيوخ بتتحارب بنفس الحارة , ملتن الن , النا ميلتنا .. لو متنا كان احسن هيك بيروت لامتنا , بيروت لامّتنا , بيروت سفينة طلعنا على متنا , صواتن عمتنا سياساتن قسّمت 
بتفرج عالسما من محلي بشوفها كيف تكسرت ...
بناء حاد الزوايا , الدرك ضد الجيش , حملات منع تعاطي بس التاجر ساكن عند حبيش ..
لكرة بلاحقونا و منصير مادة دسمة للإعلام ... و يللي مات إعدام ظلم لاختلاف الوان بالأعلام غير ...
بهالمدينة في زياد للشعب , فيزياء للوقت .. 
فيز لدخول بواب الصمت ...
فيز لما تكون عادل ..
فيز لتعرف تكذب ..
فيز لتنتمي لحركة او لحزب و انت المكسب ...
محظّة للتناقض بين الفرق بين وسخ وزير نضافة و عامل نضافة بيرسم عالحاوية الوزير ساقط ...
ف ليه لضلني ساكت .. بيروت خيبتنا من يوم يللي كنت كائن حي ب حيّ بالشام ساكن ..

قد ما تحبّا لبيروت بعدا بتكرهك قد ما تركض ببيروت بعدك مطرحك قد ما طعجت لسانك حتى الفيها يفهموك أخد كسرة لسانك صار بوك ما عم يفهمك.....

بو ناصر: 
حرشا قلعك بحرا نسي العشرة و قلعك لو فيها حتى شوف السما بتمنعك منع التجول بالليل عالفقير فقط ما المطرقة اللي بتكسر فيها خشب ايدا خشب " مهما غير البربارة معروف المجرم سمير جحش لو بيطير بعد الموت رح يتقمّص شبيح زغير بيصير " علي شفط رمل البحر، شفط البشر سهل و اللي بالع كسارات ما بيعيبه بلع وحل بيروت اللي بتحضن امركاني و اوروبية بالجميزة رح بتضلا تصد بوابا بوجّك، و تشوفك عطل.

بيروت خنقتنا - ناصردين الطفّار و الوتر

amy schumer

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

لا يروّض الدّهر ثورتنا.
تسبقنا خُطانا إلى الأمام.
قرب كلّ مأتمٍ طفلةٌ تأبى تصديقهم
تقولُ: قد أصبح جثّةً، وسيعبُدون غيره، لما يبكون؟
لا يروّض الدّهر ثورتنا.
نرقص على أطراف الخلل.
نداعب أقدامنا التّعبةَ ونقطعها إذا خانتنا في ساحةٍ أو سرير.
هنا ترقض كلّ الغواني كي تخدعك
يا أيها الموت المحدّق فينا... ما أتفهك.
تقولُ الطفلة: على رصيف تُحاصرهُ البيوتُ
وَجَدَتْ رصاصةٌ طائشةٌ طريقها إلى رأس حكيمٍ لكنّه لم يمت.
أترى؟
تحت كلّ عبدٍ عبد
فوقَ كلّ عبدٍ ملك.
أترى؟
هنا يدفننا جنوننا، تهتف جموع الأحياء اسمنا: عاش الموتى!
أترى؟
كلّ ما جرى في هذي الساحة قد جرى.
سيغادرون الصياح إلى أيامهم المقيتة، يجلسون القرفصاء في بيوتٍ ليست لهم
يتقاسمون الهواء الرّطب، ويعلّمون بعضهم كيف يلبس الذلّ ثياب الرضى,
مذ احتلّنا الخوف، وهرب جميع الأبطال من رواياتنا الشعبيّة
أتيت توقظِ المجزرة.
يا أيّها الموتُ المحدّق فينا... كول خرا.
قرب السّور الموشّى بأسمائنا التي لن تُذكر
قرب الثدي الذي لم يشبعنا
نصبنا خيامنا، عوّلنا على الجفاف، وانتظرنا أن تمر المجاعة لنلقي عليها التحية.
لو كان الشيء -أيّ شيءٍ- رجلاً
لحنّى أكقّه بمضاجعنا، ولاحقنا إلى أن ينتصر.
سرّ -تقول الطفلة-
قاتلهم. قاتلني إذا أغواك اكتمال الحقيقةِ تحت زندي
يموتُ الحقّ على أبواب المُطلق. قاتلني حين أريدُ لصوتك ما لا تريد وإن جنحوا للسلم، فاقلق.
أدرتُ ظهري لمدينةٍ لا تحفظ السرّ
مشيتُ نحو طواحينٍٍ تشبهني
راودت إجاباتي عن نفسها أن لا شفاء في سؤال.
لكنّي أدين بدين الشكّ، فلا بقاء لروحي... بل كلّ احتمال.

أترى؟

جلّاد ، كلمات و أداء بو ناصر و المحراك
إنتاج موسيقي : الوتر الجندي المجهول
تسجيل : الراس
الصورة : أحمد طرابلسي
الكلمات : 
 
من يوم الكنت إحمل فرد مي إقبضا و عصبي يشد
إتخيل حالي حامل مدفع كل ما حملت جفت
كل ما طير شفت بإيدي برسم فرد، شفت ؟
صفّر صوت الإنفجار كل ما سمعت جرس
انطر يوم العيد تياب جديدة و فرد خرز
الطريقة النقي فيها صورة فيلم احضره
تهديدي لكل ولد عذّب بدي اقبره
خلي امه تدبحه و تسحب روحه
و تدبح طير الحمام حتى ينام الولد
بالأحلام شفنا السيف قبل الرقة و حلب
منعرف حرملة و الشمر ما منعرف عبد المطلب
في عنف فالش؟  و في داعش؟ و في صف قلعطة بالدين بالمدارس
جيل ربي انو الحبس للبيناقش
مدرسة و مستشفى مقابيل خمسن جامع
حوثي لادن و مقتدى، في نون
نون النسوة والنصارى نون النصرة النصيرية نون النفط نون نوافل نون نكاح النية
بعيني كل بنات العالم، بنتي بوئدا
ما الشرف اغلى منها، عالبلّوعة بشخطا
لما تعيب
أني الملك خود الرضا
أني الملك أني. سماع سماع
أني الملك أني. ركاع ركاع
أني الملك أني. سماع سماع

مجرد مجرد من حق مدني مخيم مطوق بعسكر ببدل اميركاني التكليح علني
مجرد مجرد من حق مدني مخيم مطوق بعسكر ببدل اميركاني التكليح علني
 محروقة كروتة مكاتب الفصائل بحر سلاح جوا
بتعرف بعدما تغرق بالدم تسبح
 انا ناقل هون الصورة اللي ما بتعجبك
 لالله بهمني كل واحد مني بموت على أتفه سبب
 اطلع بلا وراق ثبوتية وعيش لتعدّ تهم 
إخلع رب قضيتك إن لسا بحنظلة خريطة الوان العلم 
احنا بس جوكر بإيد الدول
 تحت اسم رعايا منضل ننباع بمبنى الامم 
 بكل ذكرى تأسيس فصيل على أساس بخدم ارضي منطلع 
وبنفس الوقت منسمع قمم قمم 
ما مندرك مين بهالحالة الغنم للرتب في اسم هون 
التعامل معنا لا لون لا دين لا طائفة لا مناطقية 
ّهون السبب يعني  لاننا فلسـ... هاي هي


جلّاد - بو ناصر الطفّار و محراك - إنتاج وتر

للكلمات: 

https://genius.com/El-rass-hyena-season-lyrics

تصميم الغلاف 

@mohannad-bab

الراس - موسم الضباع

المزاج
https://www.facebook.com/profile.php?id=100011368405907
 
إنتاج : غيث بدران
https://www.facebook.com/profile.php?id=100010103954520

ميكسينغ & ماسترينغ : الجندي المجهول الوتر 
https://www.facebook.com/khairy.watar

تعي نعمل موسيقا.. حتى لو مسيئة
و فينا نغني غلط .. ليش مين الو فينا
منعيد خط السيرَة.. بلا ما نجيب سيرَة
حلو البال طويل .. حلوة الغنية قصيرة

خدي هالحبر ، كبيه بالبحر
حكيي فاضي بالظبط متل كتب تعليم الصبر
عواطفي كلا مستعملة.. مسبق الصنع
و اللي بيتو مفكفك متلي ما بيرمي الناس بصمغ
صوتي مسيء ممكن.. رجعيه ممكن؟
بينقي المداخل بلا ما يدلو المخرج
ما عجبتك الفكرة؟.. تعي نعمل غيرا
ما عجبتك الفكرة عادي.. فيني اعمل غيرا
أنا بحطنا بمواقف صعبة ، و انت برريها
أنا بنشف الصحرا، و تعي انت بلّي ريقا
قطفنا ذنوب و حاملينا.. تعي برِّئينا
نسيان هويتي انا عالحاجز تعي مرقينا
تعي بكل شي فيكي ، تعب كل شي فينا
كنا قابضين حالنا جد قام لعب كل شي فينا
بيني و بينك دم.. كأن سوا ربينا
بس بيني و بينك دم فما قدرنا التقينا!
تعي نسمع موسيقا بعيد عن شكلا الرومنسي
انا بلبنان فما فيني اجي بالليل اعزمك نمشي
تعي نمشي جنب الحيط، نحكي جنب الحيط
بتيابنا نمسح اللي انكتب، نرسم جنة جنب البيت
بيفصلنا موقف سياسي او بيجمعنا خيط..او بيفصلنا خيط
عبالي جيب سيف
شو عبالي جيب سيف شد فيه الحيل
زيل فيه الشك شق عين مين قال عيب
صعب ضلني صاحي لما يغفا فيكي الليل
بتقلّب عحالي قلق داهم راسي عيل
ممكن لحظة تفضي نسمع نطفي صوت السما نرجع
ارض ما بدا نارنجا
حاصر حالي بسجن حالي عيب
خايف مالي غير
اقنع حالي ماني هيك
ضرب سادي هرب شادي ضاع خيالي مع الخيل
بخاف كرر التجديد صعب هون ف قد ما فيكي عيني خير
خبيلي عين بلكي لالك بنحاز
بصير بشتقلك الك بدل ما حن للشام
عجقة مشاعر ما ضل محل لننام
ف يلله نروح عالبيت لادبحلك طير بالحلال
انا بمثل عليكي، و انت بتمثليني
انا بخبيكي عنن، و انت بتمسّكيني
و بضل بشوفك جوانحي.. قد ما حبستيني
ف يلله نروح عالبيت و نضل نتخانق لننام.

مزاج_تعي نعمل موسيقا_T3e na3mel musica_ mazaj/ prod by : ghaith bdran

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار و الرّاس، انتاج وتر

المزاج على فيسبوك : https://www.facebook.com/profile.php?id=100011368405907

إنتاج مولانا : https://www.facebook.com/profile.php?id=100006046096120

بوستر من محمد رضوان : https://www.facebook.com/mhd.robben
ميكسينغ ماسترنغ بلال : https://www.facebook.com/bilal.derky.9

النَص :

1. اذكرلي الزوايا الكونية ال ع أساسا أنت المُرتَكَز
2. ولّا حاجة الجنة الك لتصير المُنتَظَر
3. ما كلك ذرة سابحة، مقيد بين الميادين كبعث ولّا رابِعة
4. وجودك مُصادفة، فار بحقل تجارِب
5. من يوم ما علقت انت و مليون حيوان منوي، صرت محارِب
6. عندك قضية..مافي داعي ينفهم أساسا
7. بس فهمني ليه دايماً بيجي كبير عليك مقاسا
8. أنا حدودي عطارد.. بس انت حدودك حيفا
9. راحت غزة اجت حمص طارت حلب هدت صَيدا
10. طارت فكرة ..هدت ..صيدا
11. باليمين محاضرة سلام، و باليسار رصاصة
12. يشرح فوايد البارود، و وين وصلت ناسا
13. متل ال عطاك شمع ملوّن يحلّي طعم العتمة
14. أو أغراك براتب شهري.. لتمر "الأزمة"
15. طول ما القرار بالجار مربوط راح شنغلة
16. كالتالي حل المسألة:
17. لترفض الجغرافيا.. لازم تهرب من تاريخا
18. لتدحض كذب القومية.. لازم تعرف شو دينا
19. و مهما الرموز كترت بتتبع لنفس الراية
20. و لو زادت الرايات، فبتتبع لذات الغاية
21. أو لذات الغابة!
22. حكيي فاضي طنشو، روح لحّق نشرة التمانة
23. و على الفاضي تعمشق.. أو عالواقف نام
24. بتبقا الدعوة باطلة.. طول ما التابعين أصنام
25. لا تصدق ورد بينبّت ببلد مليان صخام
26. اذا المفتي طلع علماني
27. يعني القطة عشقت طير
28. و نسينا المرحبا صرنا نقول "الله بالخير"
29. العتم بيستر بس ضيعت باب داري
30. هدولي أربع حيطان أنا صرت الباب داري
31. بكرا السبَق بيصير على مين بالتار بادي
32. ف لتكسب الأبيض و الأسود.. خليك رمادي
33. خليلي ولادي، و خود الأرض اشباع فيها
34. عم ربي أرانب بقفص، حكام و غابة سباع فيها
35. النجوم دليلي يوم بوصلتك عني تحجب
36. و الكفر سبيلي اذا الملايكة بتبطل تحسب
37. او بترفض تكتب.. تحت اسمي بيستاهل
38. بشوف الرب بنومي و يوم بفيق ببطل ناطر
39. سمّك أدانك يوم الزعتري بيكون بارد
40. ف ببطل ناطر مارد
41. فبفكر حالي راجع
42. فبصير دروسي براجع
43. يا ترى رح أعرف جاوب؟
44. أو من التهاب دماغي رح صير حروفي راجع؟!
45. هدّوا دينك جامع جامع
46. ع مسمع المقاوم
47. عم اسمع الممانع
48. يوم عن يوم بيزيد مراجع
49. يوم عن يوم بتزيد قناعة
50. إني ما راجع
51. تعا نتبادل المواقف.. بدل تبادل الأسرى
52. صح ربيت أرانب بس بتضل السلحفة أسرع
53. سلحني أحسن ما ضدك قلم أحمل
54. الحملة اللي بمطرحا فراطة الشعب عم تجمُل
55. كل مشاكلك مع الله، و مع هيك ابليس بترجُم
56. ديني علْم بترجِم
57. اعطيني عَلَم ت ارجع
58. بيلبق سرج عالفرس.. يوم الشمس تبطل تطلع
59. يوم اسم الرب يبطل رشوة، و الصلاه تبطل مهرب
60. كل العلل فيني.. ما تفكرني عم أنصح
61. هي النفخة من اكل الخوازيق لا تفكر عم أنصح
62. لسّاني ناطر التراب يطم صحابو
63. بس لساني تخدّر ف صار يلم رحالو
64. جدرانو كلها مرايا.. بس بيخاف من خيالو
65. و بعدو العطشان عن الجوعان عنا.. بيقول نيالو
66. و اللي تعوّد ع مصّ الدماغ بينام هو وعم يحكي
67. و آخر مركب جنّح ما بتلحقو اذا عم تمشي.

المزاج || تفريغ \ el_mazaj | tafreegh | إنتاج : مولانا

Bu Nasser is a Lebanese rapper and writer whose music speaks for the silenced and the marginalized. Since launching his career with Touffar’s As7ab El Ard in 2009, he has become one of the most commanding voices in Arabic rap, blending uncompromising lyrics with raw energy that turns every show into a collective experience.
From the streets of Lebanon to sold-out venues in Turkey, The Netherlands, France, Switzerland, and Germany, Bu Nasser has proven his ability to move massive crowds and headline some of the biggest rap events in the region. His performances are intense, urgent, and unforgettable. transforming audiences into communities bound by rhythm, resistance, and release.
In 2025, he released Limbo, a groundbreaking album that captures the turbulence of the present and the weight of a haunted past, created with forward-thinking producers from the region and beyond. The album’s release tour marked one of the year’s biggest independent rap movements, cementing his place as a cultural force who thrives on collaboration, innovation, and impact.
Beyond music, Bu Nasser is also an acclaimed novelist, with two published works that have reached international literary exhibitions, expanding his reputation as an artist whose words hold weight on page and stage alike.
For promoters, fans, and collaborators, Bu Nasser represents more than rap, he is proof of how art can electrify, unify, and leave a mark long after the lights go down.