Visuals by Mhd Saudi 
Sound by Liev 

Out on all streaming services on September 9, 2023

:النص 

علّيتني 
ليتني بقطع حبل الوريد 
ليتك ما إجيتني 
بر الوالدين مش دين علي
بدّك ياني أبرّك على طريقتك وبنفس الوقت 
بدّك ياني أوقف عرجليّ 
بس باقي تقول لي: الجنة تحت أقدام الأباء 
ييي لا بس ممكن صدري يبيّن
ما أنت تبع العار والعرض 
تبع الحجاب والفرض 
مش طلقت أمّي عشانها رفضت تتحجب 
وحجبت أختي بالغصب 
وبتفتخر إنّك بزمناتك كنت نسونجي 
لك ياه نيّالك 
ما أنت علّمتنا بأحسن جامعات عشان نواجه الرجال اللي أمثالك 
الموضوع يابا عالوجع 
مش بس لوم 
ما أنا بفكّر فيك كثير 
خصوصاً قبل النوم 

قلت لي بدّك ولد 
تلعب كرة معاه وتروح معاه عالمسجد 
كان عمري ٩ وبلعب كرة وبصلّي 
حسّيت حالي ما بكفّي 
رجعت عالبيت وبكيت وصلّيت 
وطلبت من الله اللي كنت أشوفه رجّال  
يجاوبني على السؤال اللي لليوم بدور في راسي 
كيف أحب بابا لو لسة بخاف منّه؟ 
بالزبط زي سؤال 
كيف أحّب الله لو خايفة من ناره؟ 
وكيف أفهم الحب بدون أقطاب 
وبدّون حطّاب حامل قضيب 
غصن مقطوع وغصة 
وغضب عمره سنين 
مش رح أوئده اليوم 
ورح أوعده نلاقي طريق فيو تأنيث 
وفيو بحر وآلهات صدورهن حنونة
وفيو ذكر ما بيعبد نصوص ولا فلوس وما بيعبد 
فالوس بحدّه 
بدنا نتعلّم نحب من أوّل وجديد 
النهر لولا ضفافه ما بفيض 
يابا

يابا

Doing something at https://soundcloud.com/altorient

''Electronic Arab Indie'' Playlist on spotify https://tinyurl.com/1ajp1x8p

يابا

Farah Chamma فرح شمّا