لـ نبيل عبد الحميد

برومو أبجدية

عمرو حسن

Nabil Abdelhamed

Nabiil

نبيل عبدالحميد

نبيل عبد الحميد

https://www.facebook.com/tomas.beshai

عشوائية لّم شعرك
خلتني احب اللغبطه
نص عشقك للمظاهر
ملامحك اللي مخاصمه كل مساحيق الجمال
الشبه بينك و بين صحابي الولاد
فـ الجدعنه و المشاكله و العناد
عنيكي اللي دايما باصه علي الجزء المبسوط من الدنيا
شمس بشفايف
قمر متكفهوش السما لو جئ عليه الليل
حكاويكي شبه ونس القهاوي
صوتك ده غنوه من غير ولا مزيكا
ايديكي ك نسمه هوا في يوم الشمس فيه زعلانه
حضنك بحبه مع اني مجربتوش
ك حب المهاجر ل فيزه مش وياه

أنتِ .. اول جزء .. توماس بشاي

أحمد منيب - مدى الأيام فى طريقى غنا

إن مقدرتش تضحك لعزيز وجيه بصوت كوحيتى

Facebook page:
www.facebook.com/Ahmedkohetee




إن مقدرتش تضحك - عود و صوت كوحيتى

Rima Khcheich and Antoine Khalife
Live concert at Madina Theatre, Beirut, May 2012
Composed by: Mohamad Abdel Wahab

Rima Khcheich -Ahebo Mahma Ashouf Menno ريما خشيش - أحبه مهما أشوف منه

كلمات : نبيل عبد الحميد 
https://www.facebook.com/nabil.ab7meed

أداء : منّة كُردى 
https://www.facebook.com/Kawkabmashy

موسيقى : حلوة يا بلدى  لـ منال محى الدين 

الكلمات : 

بتجمعنا البيوت عيله
و تجمعنا الشوارع أهل ..
كتافنا بتِقْسِم الشيلَه
و كل الصعب يصبح سهل ..

في ضِل العِشرَه و الجيره
كبرنا ويّا بعض إخوات ..
شهامه و باقيه في السيرَه 
حكوها جدودنا في الحكايات ..

جَدَع عِتره و متأصَّل
بشوفه ما بين وشوش الناس ..
بياض القلب متفصّل
على الكف اللي كله حماس .. 

قابلته مرّه في الشارِع
يادوب قبل الأدان بمفيش ..
حِلِف لازم معاه أفطر
برغم إنه ميعرفنيش ..
و مرّه حاسبلي ع الأُجره 
عشان الفكّه مش كافيه ..
نزل قبلي و راح ماشي
و سابلي ضحكته الصافيه .. 

بشوفه صنايعي في الحارة 
و ترزي حريمي ع الشارع ..
و بياع فُل في إشاره 
و دُفعه من  الحدود راجِع  ..
وشوشنا كلها واحده
بنشبه بعض لون و ظروف ..
نفوسنا بالنصيب ترضى 
و بيننا الطيبه و المعروف ..

يا صاحب عُمري يا ضهري
رفيقي فـ كل مشواري ..
معايا تملّي ع الدوغري 
و كاتم كل أسراري ..
تُقف جنبي و تفرحلي
في وقت الفرحة ما بتحصل ..
و في الشِدّه بتسبقني
و توصل قبل ما بوصل ..

جَدَع عِتره و متأصَّل
بشوفه ما بين وشوش الناس ..
بياض القلب متفصّل
على الكف اللي كله حماس .. 

#جدع_عتره


جدع عِتره - نبيل عبد الحميد - منة كُردى

باند كوحّيتى " - مش مكسوف "

كلمات : محمد عبد العزيز
الحان : تامر عبد القادر
توزيع : رامي مصطفي & مهاب رمضان
بيت بوكس : هادى المسدى


كوحّيتى - مش مكسوف

قل لمن

كُنا سبعة

ويّا بعض نروح و نيجي

أي وقت و أي حتة ...

جامعه ماشي

قهوه ماشي

أي هلس و رمي جِتة ...

بس من بعد الشهادة

كُلُه كان عَمّال يعافِر

شال هدومُه و راح مسافِر

خَد هُمومُه و سابنا سِتة ...

ساب جاكِتة لـ حَد فينا

و قالُه ذِكرى

رد قالُه عُمري ما انسا ..

شالها عندُه و يوم جوازُه

كان لابسها و سابنا خمسة ..

فات شهور و عملنا حادثة

كان سببها الصربعة ...

طيش شباب و هزار سواقه

و ضحك فاضي و مرقعة ..

و التمن كان حَد غالي

مات و سابنا أربعة ...

صدمة كانت مُفجِعة

لمّا فُقنا قالولنا مات ..

و أما واحد فينا كَمِّل

باقي عُمرُه بعُكازات ..

كان بيمشي تاتا تاتا

و الألَم خلّاه يسيبنا

للخطاوى إحنا التلاتة ...

بالمعارف و الوساطة

و الرشاوي و الهدايا ..

جالُه تعيين وجه قِبلي

راح و ساب واحِد معايا ..

و النهاية

نيجي ع القهوة و نحكي

مَرّه كُل فين و فين ..

و المسافة تزيد ما بيننا

و الشهور بتجيب سنين ..

باقي مين ؟

غير حنين الروح و دَمعه

و صُورَه كانت باقيه عندي ...

و أفتِكر لو شُفت جامعه

ولّا جمب القهوة أعَدّي ...

إن إحنا كُنا سبعة

و إني في الآخر لوحدي ...

‫#‏نبيل‬ عبدالحميد

‫#‏خالد_المصرى

كُنّا سبعة لـ نبيل عبد الحميد

إنتي يلي...
إنتي يلي بنظرة صغيرة غيرتيلي حالي..
و انا يلي.. صرت أصلي
إنه يوم أقدر أحكيلك كل شي على بالي
على بالي على بالي على بالي إنت 
شو ماتقولي...إنت يلي
على بالي على بالي على بالي إنت 
تخافي مني؟...ليش شو مالي؟؟
مين قلك إنه بعمري ماني حابب ..دايب
مين قلك إنه بعمري ماني شايف... شايب 
مين قلك إنه بحبك ماني هايم صاحي و نايم
مين قلك إنه بحبك ماني واقع بداهية  
أنا ياما... قبلك ياما
كنت أغني اللي بيعجبني و أسهر على موالي 
و أنا ياما... قبلك ياما 
ما كان على بالي
على بالي على بالي على بالي إنت
شو ما تحكي... إنت ياللي 
على بالي على بالي على بالي إنت 
بتخافي مني؟... ليش شو مالي؟؟ 
مين قلك إنه بعمري ماني حابب ..دايب
مين قلك إنه بعمري ماني شايف... شايب 
مين قلك إنه بحبك ماني هايم صاحي و نايم
مين قلك إنه بحبك ماني واقع بداهية

عزيز مرقة - مين قلك - توزيع جديد

قانون الدنيا الساخر .. نبيل عبد الحميد

كلمات : توماس بشاى
غناء : محمود طارق
ألحان : أبانوب شوقى

وحب كتير ومتحبش

كلمات : نبيل عبد الحميد 
أداء صوتى :كريم قاسم سرور 
--------------------------
ساب المُنشار
دق المسمار
بَص على زبُونُه
متردد
ينطق أو يسكُت
محتار ..
- أؤمُر
- شُكراً
- ترابيزه / دولاب ؟
- لا أبداً .. أنا عايز باب ..
جربت كتير أبواب لكن
ولا واحد كان نافع بيننا ..
و إن جِه مظبوط لازم برضُه
في الآخر يطلع فيه سِنّه ..
لو كنا واربنا الباب يمكن
كان يفضل م الهوا سرسوب ..
كان ممكن أتوب ..
كان ممكن يبقى المكتوب
إن إحنا نحافظ على بابنا ..
كان ممكن نتعب
و نكمّل
و هنوصل
على أد تعبنا ..
سرسوب الهوا قَفَلُه و سابنا
إتنين و مابينهم
باب مقفول ..
أنا يعني بقول
لو ينفع أجرّب باب تاني
يفتح على كل اللي ما بيننا
لو حتى هيطلع فيه سِنّه
وانا هقفل و افتح بحساب ..
- كان نفسي أساعدك صدقني
أنا آسف
كان آخر باب ...

آخر باب

الوادى المقدس - نبيل عبد الحميد - أداء مى سعيد

نوستاليجا الكينج _منير رائعه

أين تذهب هذا المساء _ نبيل عبد الحميد _ أداء مى سعيد

https://www.facebook.com/Music.Live.In.Syria الموسيقى والفنون تحيا في سوريا


جاهدة وهبي - كنت سأنجب منك قبيلة

مدحت صالح - واقفة جنبى

Ahmed Abd El Naby " كوحيتى "    

Facebook Page:
https://www.facebook.com/Ahmedkohetee






آخر باب

Kareem Qasem