محمد سعيد - الفراغ

شعر : محمود عصام
عن ديوان : بُعد رابع
توزيع : ميدو راشد
Music : Jorge Méndez

أخر ماكان ممكن 
مامكنَّاش
اخر مكان ممكن 
هيجْمعَّنا 

مَكنش القُرب ليه لذَّه
فـــ ليه البُعد يوجعنا
مَكنش لأي شئ معنى 
مَكنتش حتي بستناكي تحت البيت 
عشان اتملَى في عينكي 
مَكنتش بحسد الساعه اللّي في ايديكي 
ولا موبايلك 
عشان مسكاه
مغيرتش لما شوفتك يومها 
ماشيه معاه 
وغيرُه كتير 
مكنتش حابب التفكير 
بـــــ حكْمة كهل ستيني 
فعادي ان كنتي سبتيني 
وعادي ان كنتي كرهاني 
او إني اقل في عينيكي 
من إنِك تبقِي نسياني 

يا ستي كلام مالوش لزمه 
بلاش تقوليه
لا هيقدّم ولا يأخر 
لَا هينسيك يوم بدري 
ولَا ينسيني متأخر



تمام جدا 
سيناريو عظيم 
ياريت متقولش حرف زياده من عندَك
ولَا تنقص كلام من النُص 
و لو هَتعوزها تحترمك 
عليك الألتزام بالنَص


What really happened


اخر ماكان ممكن
ياريته يكون 
اخر مكان ممكن 
يجمَّعنا

معدش لأي شئ معني 
هيدبل عمري من غيرك
هتدبل روحي في غيابِك

يجوز انا سبت شريانِك 
لكن شرياني لو سابك
يموت وقتي 
بلاش تسبيني دلوقت
بلاش بكره 
بلاش مواعيد نحددها
سبيني اتنفسك واختل
ايديا بترتعش جدا
قوليلي الحل
..
..

اسف بعتذر عارف
مَكنش كلام يليق بينا 
مفيش طرُقات ترجَّعنا
اخر ماكان ممكن 
مامكنّاش 
اخر مكان ممكن 
هيجْمعنا

كهل ستين

هل ممكن نرجع فى كلامنا للناس اللى كلامنا كسرها ..

هيجيلك وقت - عادل العش

شعر : محمود عصام
عن ديوان : استراحة إبريل
توزيع : ميدو راشد


هي اختيارات 
وانتي اختارتي 
فـَ السكه تودّي يا بنت الناس 

السكه تودّي وماترجعش 

المظهر خادع احيانا
و الوش الطيّب مابينفعش

وان كانلك شئ جوه ضلوعي 
موضوعي وهوجدله حلوله 
بكتير الجرح شوية بن

ما هو الراجل .. راجل ليه 
مش برضو عشان مايقولش بحن 
ولا ينشر دمعه قصاد الناس 

فـَ ان كانلك رغبه انك تمشي 
السكه تودّي يا بنت الناس

وشك مكشوف .. عادي ياستي 
اسبابك فلصوا .. وايه يعني 
خليكي فريش

انا راضي بآسفه وكام معليش
ودموع لو فيه 
ولا بلاها

خبي التماسيح اللي معاها
الله يعفينا ويعفيكي 

من زيف الوهم اللي ماليكي
وينور ويقوي بصيرتك 

ويا ستي ان كان عالقيل والقال 
مش قيمتي اتدنى واجيب سيرتك

الناس بتمل ودي طبيعه 
في العالم اكمل مش فيكي 

فان كان احساسك متغير 
ارميلي الحمل اللي عليكي 

انا مدرك ومقدّر حالتك
مش هقولك اني اللي عملتك
ولا اني اللي بجبلك لبسك 

وبهنّي النطع عشان لبسك 
خليه يرتوّي من نفس الكاس

لو ودنك تعبانه اكتبلك 
" السكه تودّي يا بنت الناس "

ديوان استراحة إبريل

بُن - محمود عصام

عن ديوان : استراحة إبريل
شعر : محمود عصام
توزيع : ميدو راشد


عندي رغبه اتمشّى لكن 
عندي فوبيا من الاماكن 
والصور 
والبلكونات

عندي رغبه بجد اجيلك
بس مش هعرف أبَات
وانت مش هَتْسبني أروح

عندي كميا مع السطوح 
عند وقت الفجر بس 
عندي جوه جبال مشاعر 
للّي مش ممكن تحس

عندي برد بقاله مده
واحتقان في الحلق 
عندي دافع مش بيهدى
في اعتزال الخلق

عندي قبضه وعندي ضمّه 
لما تظهر في المنام 
عندي حاله من التردد 
ليه بتهته في الكلام

عندي هاجس من السفر 
او مالخروج مـ الاوضه حتّى
عندي حب الصيف بيظهر 
لما يبقي الجو شتّا

عندي مج الشاي فيه شرخ 
بس بشرب فيه
عندي خوف من شئ معين
بس خايف اُدلي بيه

- ايوه يا بني فهمت قصدك
سيبني اقولك انت ليه ..

- متقاطعش كلامي تاني 
سيبني اقولك كل حاجه 
وابقي جاوب عندي ايه

عندي جوه القلب مطرح 
بس مش تمليك 
إيجار 
عندي رغبه ياريت توافق 
لو نغيّر في الحوار

اصلي لو كمّلت هوصل 
للّي عندي من البدايه

عندي اخبارها الجديده 
بس يلا سلام 
كفايا

أخبارها الجديده - محمود عصام

بلياتشو _ عمدان النور

انها - en7a

اقتباس " بيروح جمال الورد لو زين التوابيت " 

- للشاعر حسن عبد الباقى 
https://soundcloud.com/hassan-abd-elbaky-541936669 


بُن - محمود عصام

Mahmoud Esam (عصام)