غريب

عمرو سعيد

شعر حر مصري

walid

Mahmoud Esam (عصام)

ما أوعدك. للراحل الباقي: طلال مدّاح.

يوم الماشوفك ماريد عيوني - سعدون جابر

Bar Wahmi
Lyrics: Amr Sa'eed
Vocals: Amr Sa'eed
Music: Free Beat
Master&Mix: El Joker

الكلمات :

.. تذوقت منذ فراقها شتى أنواع العذاب ''
 .. سأبقى فى انتظارها مهما طال الغياب 
.. أملا لقائها حتى وإن اغلقت كل الابواب
.. ستظل دوما أفضل صفحة بين كل صفحات الكتاب

_______________________________________

.. مدوقتش طعمـ الألمـ غير لما غابت عنى شمسك
 مقدرش حتى القلمـ .. يوصف قساوة بعدى عنك
.. عشت راضى بعذابى .. راضى بأى مكان فى قلبك
مش هتلاقى فى غيابى .. حد فى حياتك قدى حبك 
سنين بقدف يمكن الاقى جوا قلبك مرساه
قلب عاش عشانك .. عمرك بيه ما كنتى حاسه
قلبى اتحمل عذابك علشان غيابك عنه أقسى
.. ورغمـ كل حاجه زيك برضه قدرت أنسى
أيوه قدرت أنساكى .. قدرت أقول لـ قلبى لأ
أيوه القلب اللى اتمناكى من غيرك ولغيرك دق
قدرت اعيش من بعدك والمركب على شطك مر ..
موصلش لمرسى قلبك .. بس قدر يوصل للبر
رسيت على بر الواقع .. سيبتك على شاطئ اوهامى 
.. طوق نجاتى مكنش فى ايدك .. طوق نجاتى كان قدامى
قدرت اداوى كل ألمـ وأعدى كل موجه 
كل ذكرى دفنها الزمن .. مش هرجع من بعد توبه 
مستنى لسه بفارغ الصبر مشهد النهايه 
عاوز بإيدى أكتب اخر سطر فى الروايه 
مستنى قبل ما تنزل الستاره تيجى تقولى
" ملقتش اللى يحبنى الحب اللى انت حبيتهولى "

_______________________________________

رسمت اللوحه ولونتها .. بس ألوانها باهته 
.. كدبتك صدقتها علشان تخلى الناس تصدق
.. بعدت عن الحقيقه فـ كل ما تبعد تبقى ابعد
قاصد تختار ألوان قادره تطفى وضوح المشهد 

_______________________________________

كنت عارف انك عمرك ما هتنسى مهما الوقت عدى
وهمت نفسك ان دموعك فى يوم هتنشف ع المخده 
مقدرتش ع الحقيقه فـ حبيت العيشه كـ أعمى 
مهما تغمى عينك هتفضل ودنك برضه سامعه

_______________________________________

.. اهرب اكتر مـ الحقيقه وعيش فى كدبه مريحاك
ازاى بتعلن توبتك وسط ذنوب مغرقاك ؟
ازاى بتقول نسيتها .. وقلمك لسه عنها بيكتب 
خايف تبص فى عينهمـ " ليه !! " هيبان انك بتكدب 
تغمى عينك قرب مشهد النهايه .. فـ يفوتك ؟
مـاهو انت علشان تكمل لازم تمنتج لحظة موتك
!! خلص خلاص العرض وفضلت لوحدك ع الاستيدج
.. ابقى اكتب اخر سطر لو اخر كلمه متكتبتش
من زاويه واحده بس .. خليتنا نشوف اللوحه
زاويه تبين جسمك بس متبينش روحك 
راسم قدامك طوق نجاتك مع انه كان فى ايدها
الغرق مش انك تغرق - كان - الغرق انك تسيبها
عديت بجسمك كل موجه سيبت روحك على شطها
حبك ليها مكنش وهمـ فـ كل ذكرى ضلمتها
.. لوحتك بينتها بكل نقطة حبر فى دمى
 "مش هتنجى من الغرق لما ترسم " بر وهمى

_______________________________________

رسمت اللوحه ولونتها .. بس ألوانها باهته 
.. كدبتك صدقتها علشان تخلى الناس تصدق
.. بعدت عن الحقيقه فـ كل ما تبعد تبقى ابعد
قاصد تختار ألوان قادره تطفى وضوح المشهد

Bar Wahmi

Nafs El-Kas
Lyrics: amr sa'eed
vocals: amr sa'eed
Music: free beat
Master&Mix: El joker

الكلمات :

لن اتذوق مرة اخرى مرارة هذا الكأس
رشفة واحدة تكفى لأشعر ابد الدهر باليأس
لن افلح فى زرع شجرة اذ كنت لا أجيد استخدام الفأس
سلكت نفس الطريق .. فسأتحمل قسوة نهاية عهدتها من قبل ...
 لا بأس
--------------------------------------------------------------------------
مرارة طعم الموت كانت دايما اهون م اللى عشته
حرمانى من حياتى مكنش أمر كاس شربته
ليه فكل طريق مشيته علمته بخيط و سبته ؟؟
!!ايه فايدة بنى السد لما غيرك قادر يهده ؟

مستنى نهايه مختلفه و انت ماشى ف نفس السكه ؟؟
تغييرك ف الديكور عمره ما يوم غير ف الفكره
ليه تعيش من تانى ميت تحييه مجرد ذكرى ؟؟
مفهمتش درسك برضه رغم قعادك ف نفس الدكه

دوق طعم كل حاجه شوف حلاوة كل لون
بس اوعى تخلى اى حاجه صعب عليك تهون
لو اخر شجره ف صحرا ارويها من بير مسموم
اقتل اخر امل احسن بكتير ما تعيش موهوم

سد ودنك غمض عينك .. برضه الحقيقه هتحاوطك
مهما حاولت عنها تبعد هيا هتقربلك
اهرب من كل حاجه حالا .. اسمع كلامى من فضلك
ازاى تقع ف نفس الفخ و اقف عليك اتفرج ؟؟؟

---------------------------------------------------------------------
بصحى كل يوم و استنى كل لحظه تعدى
حتى ف لحظات النوم بحلم حلم مش على قدى
فا يا عينى ماتشوفيش و يا ودنى عن الحقيقه اتسدى
فضلت اعيش ف وهم على انى اعيش دموعى على خدى

حتى و انت بتضحك بيبان ف عينيك الاسى
دمعه شارده تبين قد ايه الضحكه مزيفه
اقنعهم انك عايش رغم كونهم حضروا العزا
نفس الكاس من تانى بس الجرعه مركزه

---------------------------------------------------------

ساذج زى مانت عمر الدنيا ما هتغيرك
لو ماهربتش م الواقع ايه على الدنيا هيصبرك ؟؟
انسى الماضى امحى كل علامه بيه تفكرك
بعدك عن الحقيقه منها اكتر هيقربك

بس استنى .. هيفيد بأيه بنى قصر لو ف خيالنا
قادره الحقيقه تقتل حلم فكل يوم قتلنا
هتعيش دايما ف نارها مش هتعيش وياها ف جنه
هيا نفس الضربه بس الف مره اقوى

عارف انت لما تعيش ف فيلم فاكره من بطولتك
و تلاقى شاشة العرض مجتش فيها حتى صورتك
و تبان قدامك فجأه .. تفاصيل اللوحه كامله
فضلت دايما الهروب كنت اضعف من المواحهه

طعم الحقيقه دايما كان أمر من تصديقه
يفضل الصدق محتاج كدبه يبل بيها ريقه
كانت دايما بتلاقينى فكل مره فيها بهرب
لو النهايه قربت يا رب تكون نهايتى اقرب

---------------------------------------------------------

Nafs El-Kas

شعر : محمود عصام
توزيع :- ميدو راشد
Music : Jorge Méndez


انا ليه دايماً متأخر 
اوقات ما الموت كان جيَّ
لـــ أصحاب وجيران وقرايب
انا اخر واحد  حيَّ
اول تأخيره لــ  أيمن
مستشفى قصر النيل 
وقت العمليه : العصر
كان ماتش نهائي لـــ  مصر 
مَـوصلتش غير بالليل
كان مات من ساعه ونص 
معروفة نهاية  ( النَص ) .
تأخيرتي التانيه لـــ  بنت 
مفروض مَـحكيش تفاصيل
علشان الموت مش دايما 
بــ ( المعني اللفظي ) كفيل
واهِي راحت زي ما راح غيرها
واكيد مَـبقتش فيـ تفكيرها
تالت تأخيره  لــ أمي 
انا جيت بس اتأخرت
ولعبني الحظ خسرت
مَـلقِتش معايا رصيد
بس أختي اتصلت بيا 
ميَّه وتسعين على ميَّه ( 190/100 ) 
الضغط  ازاي بيزيد !؟
والسكر طبعاً عالي 
مَـجبتش دواها الغالي 
واكيد ما خدتش الجرعه 
:- مَـعرفش ..
 تعالي بسرعه 
:- هاتي الدكتور .. وانا جيّ
خليكي معاها يا  ( ميّ ) 
والله انا ما اتأخرت
من بعد يوميها يا امي
انا لسه الوقت الفارق
على اني ألْحق نتفارق 
بيجيلي فى كل ميعاد
انا نفسي اليوم يتعاد
انا خايف امي تكون لسه
مجروحه عشان متودعناش
انا خايف ( ايمن ) يحسبلي
تأخيرتي بــ صاحب ندل مجاش
انا خايف يوم لما اقابلهم
ميكونش مكان للإعتذرات
تفتكري انا باجي فيـ تفكرهم ؟
زي انا ما بجيلِك اوقات
مجنون ..
مجنون  .. لكن مَـكفرتش 
انا عارف  شئ مكتوب 
مش قادر اقول مَـخسرتش
انا شكلي ماليني ذنوب



FB Page : www.facebook.com/MahmoudEsampoet
My Account : www.facebook.com/mahmoud.esam.35




انا اخر واحد حي - من ديوان 36 نسان مَحصلش

الكلمات :

يطول الليل كالعاده و انا قاعد ف مكاني ببكي
و اكلم الحيطان هيا اللي ليها همي بشكي
وحيد ؟؟ و ايه الجديد ؟؟! مانا عشت عمري كله لوحدي
عن شرهم بعيد لو شيطان فانا بينهم بحبي

----------------------------------------------------------------------------------

بص لأول حيطه و بدأ يحكي اول قصه
قصة شمس غابت كانت كل حاجه حاسسها
اي ذكري للخيانه ف اوضه ضلمه حابسها
مٌحتفظ بالصوره اللي كان شايفها بيها لسه

القصه التانيه كانت من نصيب صاحب عمره
اقرب حد ليه عمره ما فكر يوم يضره
حاول يخبي بنفسه عن نفسه حقيقه عارفها
استعمي و سابه ينهش فيه احسنله يعيش ف كذبه ..

يهتف بأعلي صوت ملوش مصلحه غير حب بلده
فتاخد اغلي الناس طلقه اتمناها تكون ف قلبه
دمك لساه علي ايدي صدقوا ان انا اللي قتلتك
مٌت فدا وطن بيموت ... اسف دي القصه التالته

دموعه ماليه عينيه بصعوبه شاف الحيطه الرابعه
استحلي طعم الموت .. ايه هيكون من حياته اصعب ؟؟
اقربهم نهش فيه اصبح شيطانه منه اقرب
استقووا بضعفك ياما هخلي اقواهم منك اضعف

--------------------------------------------------------------------------------------

خلص اول مشهد صوت شيطانه سامعه ف ودنه
انا اللي هيحميك من شرهم لما تعيش ف ضله
كل اللي داس عليك ف يوم انا هنتقملك منه
خانوك لما امنتلهم انا الأحق انك تأمنله ...

--------------------------------------------------------------------------------------

و تفوت الايام و تعدي و كل مدي تزيد وساخته
و الشيطان ف بلاهه واقف يتفرج و يسقفله
اتحجج ياما بشيطانه مع ان شيطانه هوا نفسه
قتل القتيل و بكل براءه بيعيط ف جنازته

و تغره مكاسب اللعبه و يزيد طغيانه فا يعمي
نفسه اتمكنت منه خلاص اخرته بالدنيا بايعها
نصايح اهله ليه سادد ودنه مش سامعها 
مبسوط بقناع الشر و كل وجوه الخير قالعها

قلبي محروق عليك يابني ارجع لطريق ربنا
صحيح الكل ظلمك بس العدل مكانه مش هنا
اعمل حساب اليوم اللي هنتحاسب فيه كلنا
يُمهل ولا يُهمل لو بعد حين هيجيب حقنا

ده كلام الضعفا بس حقي بعرف اخده بأيدي
بتلومي عليا و هما اللي بوساختهم حقنوا وريدي ؟؟
هعيش انا ظالم و ابقي استني انتي عدل الاخره
متأخر اوي كلامك .. كنتوا فين كلكوا و انا بغرق ؟؟!

----------------------------------------------------------------------------------

خلص تاني مشهد و امه ميته من حسرتها
دموعها مغرقاه و مقطع قلبه صوت صرختها
و ترن ف ودنه لحظة موتها كل كلمه قالتها
باب التوبه مفتوح .. ارجع عن كل سكه مشيتها

------------------------------------------------------------------------------------

بتلوم عليا ليه ؟؟ هما بوساختهم غيروك
باعوك لما اشتريتهم انا اشتريتك لما باعوك
كنت عبد وسط سوق بقيت ملك وسط الملوك
تندم علي موتها ليه ؟؟ ماهو كل شيء نهايته موت

تقسي علينا الدنيا فتستغل القسوه لصالحك
تساعدني ف اذيتهم و انا بتأذي الأذي الاكبر
مكسب الدنيا رخيص مهما تعيش نهايتك قبرك
مبنتعلمش الدرس من يوم ما ادم كل م الشجره

ماتقولش الدنيا قسيت .. الدنيا بطبيعتها قاسيه
عقاب لجنس البشر بس البشر عامله ناسيه
هتعيش ملاك وسطهم ؟؟ دور زيهم ع المكسب
من كتر ما اتظلمت علي ظلمك ربك هيسامحك

بايعين جنتنا ليه دي الدنيا مجرد اختبار
نهايتنا ف التراب مهما العمر بينا طال
مكسبهم اصله خساره فمهما كسبت انا الخسران
هتنزل الستاره و انا ما بين #اربع حيطان

---------------------------------------------------------------------------------------------

Arba3 7etan

شعر : محمود عصام
عن ديوان : بُعد رابع
توزيع : ميدو راشد
Music : Jorge Méndez

البُعد زوايا ونظريات
أربع أطراف 
شخصين و  زمان و مكان 
 أصناف 
الشخص الأول شاف حاجة
مـــ الزاويَّة المسموحة لعينُه
التاني عينيه شافت لكن 
ما شافتش الحاجة اللِّي تدينُه
أما اللِّي اتشاف بتاريخ أو وقت
إتشاف مـــ الزاويَّة الرقميَّة
تفاصيل مَالهاش مواعيد دلوقت
لكن لو ظهرت جذريَّة
لكن كأماكن و مطارح
و رصيف و عمود و نخيل طارح
فَـ دي حاجة بتفْرق في الذكرى
معمولة عشان تحصل بُكره
فَـــ زوايا الرؤيَّة المختلفة
لصميم البُعد
رؤيتها الكاملة
لـــــ قبل وبَعد
حدوث الشيء
(  أشخاص ونتايج وطريق )
هي المسؤولة بشكل بطيء
عن وصف وتفسير أو معنى
إيه اللِّي ما عاشّي كتير فينا
أو إيه هيصمم يوجعنا

مِـــــكــــــرو
نوفمبر ، كارما ، امين ، مترو
 البُعد الأول
نوفمبر
20 NOV.

عشرين نوفمبر 
من عام مَا رضاش يُذكُر إسْمه 
ولَا ذاكَر وقت 
فـ عشان الصورة تكون أوضح 
أنا هكتب توقيتُه بـ دلوقت 
الساعه 11
ما يقْرُب من ذلك بــــ قــليل 
وعشان مَا انساش تفاصيل حاجة
 الساعه 11  بالليل  
أنا هقرا المكتوب قدامي 
لَا يهمك رأيي ولَا كلامي 
أنا فاعل خير
وعشان مَا يكونش الرغيّ كتير 
هبدأ حالًا
مكتوب :
إنُه شافهُم ..
لامسَه إيدُه بدون مشاعر 
وإنه ماسك إيدها خايف 
وإنه بيحاول يكدّب .. إنه شايف
ضلَّها مش جنب ضلُّه
و إنُه بصَّ في عينها غَيََّر اتجاهه
وإنُه ما لَفَتش انتباهه
للِّي لازم يلتفت لُه 
لمَّحِت لُه بشيء ساعتها 
بالنظر مُدَّه فــ ساعتها 
وادعائها بأي حاجة
واتجاهها لـــــ متْرو ماشي
وإنه قال من برا ماشي 
بس من جوا اتْكَسر
جرح خادش ساب أثر
بس دارَى اللّي اتعَرَى
يعني عدَّى المسْألة
مكتوب بعديها بخط أخفّ:
هي مشيِّت بارتباك 
مش خطاوي بانتظام
ثم ركْبت من هناك .. عند الزحام
بس خلَّت ضهرها .. يبقى اتجاهه
لاَجل نظراتُه اللّي تاهوا 
عن عينيها
بعد ذلك
هو ما إتنفسش خالص
قصدي ما اتنفسش بيها
ثم تمَّ الذكْر  تحت
إنُه كمَّل قعْدَة عاجز 
ساعة 
إلا اربع دقايق
وإنه ساب عالكرسي يومها
شيء يضايق
اي حد هييجي عند الكرسي ده
ولُهُ حبيبة
مكتوب بعدين حاجة غريبة
مكتوب 
الزاويَّه اللّي بتحكيلك شيء 
مش شرط تكون 
صدَقت في السرد
الوقت بطبعُه مريض شكاك
و نوفمبر  برد

البُعد التاني 
كـارمـا

من زاويَّه تخُصّ عيون  كارما  
و البُعد الضيَّق في الأبعاد
اختارت ( كارما ) تعيش في بعَاد
عن ضِلّ  أمين  
من غير ما تبُصّ هتوصل فين
من غير ما تركز إن كانت .. هتعيش وتكمّل سكتَّها
وتكون مبسوطة فــ يومًا ما
كتبت في النوتة :- 
إزاي هنساها ؟
سابت في الورقة سطور فاضية
جايز هتلاقي ردود ليها
كتبت في الصفحة اللي وراها:- 
إنها بتموت من جواها 
وانها كان لازم تحكيله 
وتضمُه لــ روحها وتبكيله
تدَّيله الحق إنُه يقرر
مش جايز مش عايز أطفال
ومرضها يكون موقف عابر
والحضن ساعتها يكون الشال
الساكن أوصال أكتافها 
لكن مش جايز لو شافها 
مش هي الأم فــ يومًا ما 
للإبن الجايّ اللّي استناه 
هو اللي يسيبْها في لحظتها 
بالشكل المرضِي الممتدّ
و الذكري اللّي بتَظهر في البرد
و تعيش في العمر المش كافي
نسيانها لكلمةْ " ماتخافي "
أو فوبيا الورد

البُعد التالت 
أمين
البُعد الأول مــ الوارد .. فيه حاجات فايَّتاه 
لكن كان مُنصف نوعًا ما 
علي إن ( أمين ) بجناح مكسور 
و عيونه أكيد ما شافتش النور 
و بـــ زاويَّةْ رؤية بدون ضلعين 
و ( أمين ) لو شاف .. هيشوف مــ الركن 
و الركن مَا يعرفش الإنصاف 
فـ أكيد لو جاتلُه الفرصة وشاف 
هيبُصَّ لـ ( كارما ) بزاوية تُخُضّ 
مش زاويَّة بجانب إنساني  ..
هيشوفها في إيد واحد تاني
هيخلَّي ( أمين ) بسهولة يقول 
( إنها مبسوطة وناسياني )
هيشوفها بتُحضن حُضنه إزاي
في الجو البرد
هيشوف البوسة علي الخدين
و شويّة ورد
هيراقب كل مكالماتهم 
و هيسمع نبْرة سمعها كتير
و مناقشة أكيد هتكون جارحاه
و هيعمل إنُه بيكرهها 
لكن لو ساب نفسه دقيقة 
هتكون واحشاه
و عينيه على طول هتجيب قدام 
لما هتفتكْره مع الأيام 
أوقات ما تكون .. عندها عَيلة
الرؤيَّة ساعتها ما ظلمتهاش 
و ما شافش ( أمين ) غير شيء واحد
إنها شايفاه ذكرى جميلة

البعد الرابع 4
مـتـرو
مـ الزاويَّة الأعمق في الرؤيّة
المتْرو ماشافش بــ عين واحدة
ولَا حتي اتنين
المتْرو مسخّر أدواته
كعيون هتبُصّ تشوف  كارما 
بزوايا  أمين 
و زوايا تقوم بالدور العكس
و زوايا تحاول تعمل مِكس
و تجيب لــِ اتنين
بس شافهم بارتباكهم 
من زوايا لمترو جايَّ
شبه ضيّ  ليوم كويس 
من سنين جاية
شاف حاجات مش هيا هيا
شاف ساعتها المتْرو خوفهم 
شيء مفيد 
مد إيده لإيد دموعهم
أو جراحهم لما كِتْروا
خط  تالت بالُه فاضي
خط  تالت  
متْرو

بُعد رابع

عن ديوان : بُعد رابع
شعر : محمود عصام
توزيع : ميدو راشد
Music : Paolo Buonvino

شويّة جرايد قديمه وكتاب
ودرفة دلاوب 
فاتحها الهوا
روشتّة علاج 
وعلبة دوا

=
يا ( حازم ) بحاول حقيقي افهمَك 
بحاول نقرّب
بحاول كتير
ما جايز بَعَدنا .. يكون حاجه خير
نجرب يومين .. 
يومين مش قضيّه
واسافر بعيد
ونرتاح شويّه 
وانا ابقَى في مدينه
وتبقَى في مدينه
ما جايز نلاقي ارتياح يحتوينا 
ونقدر نرتب وداع بأتفاق 
ساعات اللي سْهل حاجات .. الفراق


*
طب اسأل سؤال .. وعايز اجابه
لو احنا ارتضينا 
وكنت في مدينه
وكنتي في مدينه
وحد ابتسمله الفراق وقتها 
هنبقي انتهينا ؟ ..
وان اللَّي مأذي بحُكم الهوى
عليه بأتباع العلاج والدوا
عليه بألتزام البعَاد والسكوت
ومش فارقه عندِك يعيش او يموت ؟؟

-
حازم مَقافلش الباب يومها 
علشان هيسيبها خلاص تمشي 
كان عامل نايم ومَنامشي 
كان نفسه تغيّر سكتّها 
كان سامع قفلةْ شنطتّها 
مع قبضه بتخنُق انفاسه 
وصداع مش ناوي يسيب راسه
مشيت من غير ما تقول حاجه 
ولا حتي بــ لمسة ( يوماً ما )
( حازم ) كان عارف ان ( حياه )
هتروح مش جايَّه
و ان الحوايت المكتوبه 
نسَّايّه الحاجه الجذريّه 
تحكيلنا ازاي هيكون هوَّ 
اول ما بتنوي تروح هيَّ

مدينه

أداء الصوت: عبدالرحمن الدسوقي

هندسة الصوت: أسماء راشد

رسائل إلى ميلينا - كافكا

أندريه ريو - سيمفونيه الحرب العالمية الثانية

شعر : محمود عصام
عن ديوان : بُعد رابع
توزيع : ميدو راشد
Music : Jorge Méndez

شاشه سوده
مع صوت خطوات إنسان عالأرض

قَلع الجوانتي 
و طلَّع إيدُه في عز البرد
علشان هيخبَّط تقريبًا 
علي باب من شقة في دور أرضي
و البرد بيتناسب طردي 
في ساعات الليل
و المشهد ثابت وقت طويل

و الليل بيخش
و أخينا ملوش تعبير عـالوش
و إيديه مش راضية تخبَّطله 
عالخشب الزان 

علشان أسباب لم تظهر بعد
و الواضح إن وراء الباب 
أمطار أو رعد 
من الأحزان 

فطبيعي إيديه خايفة تقرب
مـ الخشب الزان

إتمكّن من إيدُه وخبَّط 
و مثبّت رجله ما تهربشي 
و بيسمع صوت جواه 
إمشي

و بيتجاهلُه 

و ساعتها أنا قولت أكيد 
أهلُه
مهاجرهم من مدة كبيرة 
أو صاحب كان ضلُّه مسيرة 
و استندل هو و ما فضلوش 
أو  بنت مَاحَبِّش يبقالها 
عشمان لو تطلع ما نستهوش

أو حد مالوش أي مسمى 
غير إنه هيفتح درفة باب 
أو صوته هيطلع في الـ 
(  audio )

و سكتّ لأن الباب مَفتحش 
و أخينا بيسمع صوت واحد
قرأن شغال جوا الراديو

شاشة سوده

الكلمات :

نهاري هو ليلي و يا ليت ليلي نهاري
لا تتركوني طوال الليل وحيدا لافكاري
ما من يأبه لدمع عيني فا عنهم عيني اداري
ارجوكم .. لا تصدقوني ان ادعيت اني لا ابالي 

------------------------------------------------------------

اتخلي الكل عنه حتي شمسه عنه غابت
الوحده طول الرحله تظهر ف عيون ياما قاست
راسم علي وشه ضحكه من طفولته ف قلبه ماتت
كالعاده كل ليله اطول من اي ليله فاتت .......

مكرهش حد فيهم رغم كون الكل سابه
لو بالزمن هيرجع مش هيرجّع اللي غابوا
ازاي يقدر يسامح لو عن كل ذنب تابوا ؟؟!
امراضه اوفي منهم و اوفي صديق كان اكتئابه

ارجوك كفاياك سذاجه ورا سراب ضيعت عٌمرك
تمثيلك للسعاده عمره ما هيحييك من جوا
حبك لأي حاجه نقطة ضعف مسيرها تضرك
بتجمل ليه حقيقة ان الحقيقه دايما مٌره ؟؟

نجحت ف اختبارهم ف اختبارك كله ساقط
ليه تتمسك بحاجه لما اغلي حاجه راحت ؟؟
متستناش رجوعهم .. ارجوك متترجاش دموعهم
وجع الوحده اهون الف مره من استعطاف وجودهم

----------------------------------------------------------------

فاق علي صوت جمهوره رجع المٌهرج يلعب دوره
محدش هامه همه فا كل همه يداري همومه
كمل عرضه لنهايته و ف نهايته سقفوله
ازاي و ليه صدقتوا اي حرف م اللي بقوله ؟؟

فاق علي صوت جمهوره رجع المٌهرج يلعب دوره
محدش هامه همه فا كل همه يداري همومه
كتب بأيديه نهايته و ف نهايته سقفوله
فهموني ازاي صدقتوا اي حرف م اللي بقوله ؟؟؟

-------------------------------------------------------------------

مش هيحسوا بيه مهما يوصف اللي حاسه
بس التلميذ الفاشل المرادي اتعلم درسه
فاستني لما مشيوا و قلع كل قناع كان لابسه
ملقاش ف ملامح وشه حاجه يعرف بيها نفسه

تملي الدموع عينيه عليهم مش علي اللي وصله
تاجر السعاده كالعاده حٌزنه ملازمه زي ضله
عايش بفارغ الصبر مستني اللي ف عمره فاضله
يتمسك ليه بحياه معادش فيها شيْ يهمه ؟؟

بتوجع فيك القصه كل مره مهما اتقرت
كراسي القاعه بتفضي حتي اخر لمبه اتطفت
مش فاهم كونك لسه برضه ع النهايه مٌعترض
صدقني اسعد نهايه ان نهايته خلاص قربت

تقرب النهايه فا المزيكا تبدأ تهدي
تخلص الحكايه قبل ما حتي الليله تبدأ
فوز بطل الروايه خيال .. الواقع برضه هيكسب
تتعلق ليه بقشايه ؟؟ مانت ف الحالتين هتغرق 

--------------------------------------------------------

بطلنا مستسلمش بيحاول يغير ماضي
ارجوك متتفاجئش م البدايه المسرح فاضي
و الكراسي بتبكي ف كل مره يموت قصادي
تنقذ ليه غريق لما هو بغرقه راضي ؟؟ّ

لسه مستسلمش بيحاول يغير ماضي
ارجوك متتفاجئش م البدايه المسرح فاضي
و الكراسي بتبكي ف كل مره يموت قصادي
تنقذ ليه غريق لما هو بغرقه راضي ؟؟ّ

-------------------------------------------------------

الف مهما الف و انتهي مكان ما ببدأ
ازاي هعوم ف مٌحيط و انا لسه ع الشط بغرق ؟؟!
نهاية كل طريق دايما من بدايته اغمق
تفضل اسوأ حقيقه ان الحقيقه دايما اسوأ ..

--------------------------------------------------

El-Mohareg 2 I المُهرج

يعدّي يومين
و تفتكر ان ليك بنتين
حبيبة و صاحبة مانستهاش
و توحشك اللي حبيتها
و ياما بكيت قصاد بيتها
عشان أبوها ماستنّاش

أحمد حسن شعره طأطأ

من ألبوم - هطير من تاني
٢٠١٨

كلمات: محمود فاروق
ألحان: حمزة نمرة
توزيع: حمزة نمرة - كريم عبد الوهاب

Hateer Min Tany

Dari Ya Albi

Hamza Namira - Dari Ya Alby حمزة نمرة - داري يا قلبي

شعر : محمود عصام
عن ديوان : استراحة إبريل
توزيع : ميدو راشد


هي اختيارات 
وانتي اختارتي 
فـَ السكه تودّي يا بنت الناس 

السكه تودّي وماترجعش 

المظهر خادع احيانا
و الوش الطيّب مابينفعش

وان كانلك شئ جوه ضلوعي 
موضوعي وهوجدله حلوله 
بكتير الجرح شوية بن

ما هو الراجل .. راجل ليه 
مش برضو عشان مايقولش بحن 
ولا ينشر دمعه قصاد الناس 

فـَ ان كانلك رغبه انك تمشي 
السكه تودّي يا بنت الناس

وشك مكشوف .. عادي ياستي 
اسبابك فلصوا .. وايه يعني 
خليكي فريش

انا راضي بآسفه وكام معليش
ودموع لو فيه 
ولا بلاها

خبي التماسيح اللي معاها
الله يعفينا ويعفيكي 

من زيف الوهم اللي ماليكي
وينور ويقوي بصيرتك 

ويا ستي ان كان عالقيل والقال 
مش قيمتي اتدنى واجيب سيرتك

الناس بتمل ودي طبيعه 
في العالم اكمل مش فيكي 

فان كان احساسك متغير 
ارميلي الحمل اللي عليكي 

انا مدرك ومقدّر حالتك
مش هقولك اني اللي عملتك
ولا اني اللي بجبلك لبسك 

وبهنّي النطع عشان لبسك 
خليه يرتوّي من نفس الكاس

لو ودنك تعبانه اكتبلك 
" السكه تودّي يا بنت الناس "

ديوان استراحة إبريل

بُن - محمود عصام

عن ديوان : استراحة إبريل
شعر : محمود عصام
توزيع : ميدو راشد

أربع دقايق ورا 
ونهاية متغيّرة 
أنسبلي بعض الشيء

أنا كنت نفسي 
ألمس الجثمان 
خلْسة

بيقولوا إن الروح
بتكون في أرجاء المكان لسه

وانا كنت حاسك لسه موجود
كان لسه عندِك شيء تقولِهولي
لكني خُفت
دا لأني رافض إني أصدّقهم
ولأني لو جيت ناحيتك
هبقى شُفت

وإزاي عينيا تصدق المشهد
وإزاي أودع وشك المُبتسم
إزاي

قولت بزعيق " مش جاي "
وبدون دموع 
مابكتش

ووقفت بَرَّه بعيد 
ساكت مابتكلمش

عيّطت جوايا
بس والله العظيم 
كنتي لسه معايا
وكنتي بصَّالي 
وماسكة في إيديا

(أنا أمي لسه عايشة حواليا )
دايمًا بقول للناس كده 
مايصدقوش
بس مش فارق معايا
إنتي اللي فارقة
سايبالي ورقة صحيح 
تساعدني إنْ انسى
مافتحتهاش لسه
غطاه عفرة ريح
وبفكر أرميها

لكن سايبها عشان 
ريحتِك أكيد فيها

وحشاني نوعًا ما
وفرحت بزيارتك 
نورتي أحلامي

كلفتي ليه نفسك
طب ما انتي في الواقع 
عايشه قُدامي

عايزة الأمانة صحيح
لو جينا للمضمون
وقوفي يومها بعيد
وظهوري كالمجنون
كات حاجة تُحسَبلي

أربع دقايق ورا 
ونهاية متغيرة 
ماكانِتش أنسبلي

أربع دقايق ورا - استراحة ابريل

عن ديوان : استراحة إبريل
شعر : محمود عصام
توزيع : ميدو راشد


عندي رغبه اتمشّى لكن 
عندي فوبيا من الاماكن 
والصور 
والبلكونات

عندي رغبه بجد اجيلك
بس مش هعرف أبَات
وانت مش هَتْسبني أروح

عندي كميا مع السطوح 
عند وقت الفجر بس 
عندي جوه جبال مشاعر 
للّي مش ممكن تحس

عندي برد بقاله مده
واحتقان في الحلق 
عندي دافع مش بيهدى
في اعتزال الخلق

عندي قبضه وعندي ضمّه 
لما تظهر في المنام 
عندي حاله من التردد 
ليه بتهته في الكلام

عندي هاجس من السفر 
او مالخروج مـ الاوضه حتّى
عندي حب الصيف بيظهر 
لما يبقي الجو شتّا

عندي مج الشاي فيه شرخ 
بس بشرب فيه
عندي خوف من شئ معين
بس خايف اُدلي بيه

- ايوه يا بني فهمت قصدك
سيبني اقولك انت ليه ..

- متقاطعش كلامي تاني 
سيبني اقولك كل حاجه 
وابقي جاوب عندي ايه

عندي جوه القلب مطرح 
بس مش تمليك 
إيجار 
عندي رغبه ياريت توافق 
لو نغيّر في الحوار

اصلي لو كمّلت هوصل 
للّي عندي من البدايه

عندي اخبارها الجديده 
بس يلا سلام 
كفايا

أخبارها الجديده - محمود عصام

كلمات اغنية دايماً مع بعض
---------------------------
عشان لازم نكون مع بعض  

عشان شايلانا نفس الارض  

عشان بكره اللى مستنى  

ومش عايز يفرق حد  

...

نوبي

نوبه اوييه

اي وايتونري

بتيتوجور

اسيندوجور

ونوبه ونس انجري

 

معنى الجزء النوبي

 

انا النوبة القديمة ما احلى تجمعات

أولادي تحت ظلال النخيل

على ضفاف النيل يحلى السمر

...

التراس

صاحبى اللى كتفه فكتفى بيخلينى متطمن

عارفه هايفضل جنبى مهما لقانى بتجنن

ومش من دمى

لا اخويا ولا عمى

لكنه أختار يكون جنبي

...

سواحلي

هيله هيله يا مركب

قوم شد القلوع

وتكالنا على الله ياله ماحدش

فيناهايموت مالجوع

فمعدية

واحد ماشى مانعرفهوش

ومد اديه

سحب شبكه وخد سمكه وسلم وراح

...

فلاحي

القمح اللى فدار الجار

قمحى

والفرح اللى فجار الدار

فرحى

عمك ياد

راقد تعبان

قوم وارويله ارضه

مين غيرك هايراعى الزرعه

ويحاجى على عرضه

...

عشان لازم نكون مع بعض

عشان شايلانا نفس الارض

عشان بكره اللى مستنى

ومش عايز يفرق حد

...

راب

من جدعنه صحابى فى الوظيفه أقدمولى

اتقبلت وهما لا هنونى وقالولى

كلنا فمركب صغير من ورق والبحر ساحبه

واللى يركب النهارده يبقى يجر صاحبه

بكرة نصحى بدرى هنعدى ونخدك اصله اول يوم واحنا لازم نبقا جنبك

فرحانين بجد مالقلب بضمير ومفيش جواهم لياالا كل خير

...

صعيدى

على مدد الشوف

حكواينا

من ورث جدود

اهالينا

رجاله شداد

وهلايله ياواد

وكان ياما كان

قعدة حكاوى زما

...

شعبي

لما عم الحاج يعدى

كله يوقف لعب يهدى

البلى فجيبى

والسن التؤيبى

والسبع بلطات واللمه فى الحارت

...

بدوي

من بوى ومن قبلى جدى

عقيد القوم يراعى ارضى

والدحيا على الشفقان

وهادى عوايدنا من زمان

مانخزل يوم عشيرتنا تلاقينا رجال وفرسان

يا مقوى عشقى لخويي ولخويتى كراما العربان

 

معنى الجزء البدوي

 

من ايام ابوى وجدى وشيخ القبيله بيرعى ناسها

ودايما جلسات السمر بتجمعنا فى الغنا عن العشاق

مابنخزلش بعض ابدا لو حصلت مشكله مع راجل او ست

لان العرب دايما عايشين بقلب واحد

...

عشان لازم نكون مع بعض

عشان شايلانا نفس الارض

عشان بكره اللى مستنى

ومش عايز يفرق حد

عشان لازم نكون مع بعض

وصف كل الخلق ليا
ليه تملي عكس بعضه
وكل وصف اتقال عليه
ليه بيجي عكسه بعده
حد شايف اني خايف
غيره حاسس اني بايع
حبه فاكرين اني عارف
حبه عارفين اني ضايع
طلعوا كل الطبايع والصفات الممكنه
ورسموني بفرشه تايهه من الاراء والالسنه
تطلع الصوره الغريبه لحد اصلا مش هنا
والنتيجه كل مادا صورتي تتلخبط زياده
وانسى اصل شكلي ايه
ولا نفسي اشوفني ليه
حد زي بعد فتره ازاي يصدق غير عينيه
نفسي اوصل للحقيقه قبل ماوصل للنهايه
نفسي اشوف صورتي الدقيقه
ولو دقيقه في المرايه
والمرايه بعيده جدا
والطريق على مد شوفي
والفضول اللي في عنيه
اني اشوفني مداري خوفي

قصيدة ان تراك - مصطفى إبراهيم

أدين بـ دين الجدعنة وبـ دين رفاق الدرب ..
وبقوله احنا مش انا ف المعمعة والحرب ..

وبـ دين ما كنت مصدّقـه؛ ف المعركة الاولي ..
وبـ دين جثث ف المشرحة اساميها مجهوله ..

وادين من ساب اخواته ع الاسفلت مقتوله ..
واقول التوبة مقبولة الا في وقت الحرب !..
__ مصطفي ابراهيم 

* التسجيل من حلقة وسط البلد مع خالد تليمه 
** الموسيقي مّضافه / عود : نصير شمّه : موسيقي "روح"ـ

دين الجدعنه : مصطفي ابراهيم / شعر

قل للمليحة في الخمار الاسود .ماذا فعلت بناسك متعبد
قد كان شمر للصلاة ردائة ..حتى وقفتي له بباب المسجد
فسلبت منه دينه وبقينه وتركتيه فى حيره لا يهتدي
ردي عليه صلاته وصيامه لا تقتليه بحق دين محمد
قالوا تسلي عن المحبوب .. قلت بمن ؟؟
كيف التسلي؟؟؟ وفي الأحشاء نيرانِ..
إن التسلي حراام في مذاهبنا ... وكيف أرضي بكفر بعد إيمانِ
فشارب الخمر يصحو بعد سكرته ...وشارب الحب طول العمر سكرااان
أي شئ في العيد أهديه إليكي يا ملاكي ..
وكل شئ لديك أسوارا .. أسوارا ..
أم خمورا..!
وليس في الأرض خمرا كالتي تسكبين من عينيكي ..
أم ورودا ..!
والورد أجمله عندي الذي قد نشقت من خديكي..
أم عقيقا..!
كمهجتي يتلظي والعقيق الثمين في شفتيكي.
ليس عندي أعز من الروح ...وروحي مرهونة في يديكي
بلغوها .. 
بلغوها إذا أتيتم حماها ..أنني مت في الغرام فداها..
وأذكروني لها بكل جميل عساها أن تحن عليا عساها ..
وأصحبوها لتربتي ...فإن عظامي تشتاق ان تدوسها قدماها ....
--------------------------------------------------------------

قصة قصيدة قل للمليحة فى الخمار الأسود

في العصر الأموي الأول
عاش ( الدارمي ) وهو أحد الشعراء والمغنين الظرفاء في الحجاز
وكان يتشبب ( يتغزل ) بالنساء الجميلات، إلا أنه عندما تقدم به العمر ترك نظم الشعر والغناء وتنسك وأصبح متنقلاً بين مكة والمدينة للعبادة ..
وفى إحدى زياراته للمدينة التقى بأحد أصدقائه وهو من أهل الكوفة بالعراق يعمل تاجراً ، وكان قدومه إلى المدينة للتجارة ويحمل من ضمن تجارته (خمر عراقية)

فباع التاجر العراقي جميع الألوان من تلك الخمر ما عدى اللون الأسود،
فشكا التاجر لصديقه الشاعر ( الدارمي ) عن عدم بيعه اللون الأسود
ولعله غير مرغوب فيه عند نساء أهل المدينة فقال له: ( الدارمي ) لا تهتم بذلك فإني سأنفقها لك حتى تبيعها أجمع،
ثم نظم ( الدارمي ) بيتين من الشعر و تغنى بهما كما طلب من مغنيين بالمدينة وهما (سريح وسنان) أن يتغنوا بالبيتين الذي قال فيهما 
قل للمليحة فى الخمار الأسود ** ماذا فعـلت بـناســك مـتعبـــد
قد كان شـمر للصلاة ثــيابــه ** حتى وقفـت له بباب المسجـد
و أضاف إليها أحدهم بيتين آخرين هما:
فسـلبت منه دينــه ويقـيـنــــه ** وتركتـه فى حــيرة لايهتــدي

ردي عليه صلاتـه وصيــامــه ** لاتقـتـليـه بحـق دين محمــــد 
فشاع الخبر فى المدينة بأن الشاعر ( الدارمي ) رجع عن تنسكه و زهده
وعشق صاحبة الخمار الأسود، فلم تبق مليحة إلا اشترت من التاجر خمارا أسوداً لها. فلما تيقن ( الدارمي ) أن جميع الخمر السوداء قد نفذت من عند صديقه ترك الغناء
و رجع إلى زهده وتنسكه ولزم المسجد

قل للمليحة في الخمار الاسود & ابعتلى جواب على الهلباوي

أندريهً ريوً -  دخولً الجنةً .

قالولى زمان - مصطفى ابراهيم

دفتر أسامى - مصطفى ابراهيم

أفضي إليكَ بسريِ 
أفضي إليكَ بروحي 
وياليلُ هَل من مُداوي 
يا ليل يُشفي لي جُروحي 
وياليلُ هَل من مُداوي 
يا ليل يُشفي لي جُروحي 
يا ليل يُشفي لي جُروحي 
وفي العينِ دمع عَصّي وراءَ جفنٍ قريحِ 
وبينَ الضلوعِ أبي يَصبو إلي كُل مليحِ 
وبينَ الضلوعِ وطنٌ جريح يَصبو إلي طبيبٌ جريّح 
واهاً لقلبي واهاً لهُ من جَريح 
لَمْ يدري سهماً رماهُ أتاهُ من أي ريح 
والأرض لَمْ يبقي فيهَا موطن للصريحِ
مَنْ لمْ يُغني فيهَا لموسي , غني فيهاَ لعيسى المسيح
يا روحي من حيث ما جئت روحي
سر حياتي اليم بوحي به واستريحي


افضي إليك بسري .. الشيخ محمود ياسين التهامي



كلمات : ميدو زهير
لحن : دينا الوديدي

تدوّر وترجع وجع واعتكاف
وتطبع عليك السنين العجاف
وأول ما حُبك يقابلك يسيبك !
وأول ما حُبك يسيبك تخاف

صنعت سجنك م الهوا ودخلته بإرادتك
وإديت حبيبك نفسك، ما سألت فين حطك
وإكمن كله أذاك قررت تعشق ملاك !
يا اللي عشقت الملاك حتى الملاك صدّك


دينا الوديدي - تدوّر و ترجع

Copyright Disclaimer Under Section 107 of the Copyright Act 1976, allowance is made for "fair use" for purposes such as criticism, comment, news reporting, teaching, scholarship, and research. Fair use is a use permitted by copyright statute that might otherwise be infringing. Non-profit, educational or personal use tips the balance in favor of fair use.