حيطه

روائع مبدعين

Mine ♥

Boody

ببببب

دمااااااااااااغ

مزاجي

منة كردى

آخر ما حرف فى التوراه_هشام الجخ#

Zap Tharwat - E7lam 
Video Clip http://youtu.be/SeNc23byQxc
Axeer Studio | http://fb.com/AxeerStudio | http://twitter.com/AxeerStudio
Zap Tharwat | https://fb.com/zaptharwatmusic | https://twitter.com/ZAPtharwatAXEER
http://Www.Fb.Com/ZapTharwat
Mostafa Negm | http://fb.com/mosnegm

إرسم إحلم كمل دوق طعم الدم
حاول تفهم إنسى التحفيظ والصم
لو مهما قالولك غير 
حول حلمك من غير
ما تكون عايز ما تكون راضى 
عادى يمشى ف عكس السير
كل المفروض مرفوض 
ومسير العكس يسود 
بص لغيرك بص لخيرك 
كسر مقاديفك فوق 
كنت فى ماضى محبوس 
بين كره وحقد نفوذ 
فـ إخترت أدوس على أفكاركم 
وأسيب أحلامى تفوز
أنا كل معانى الحظ 
أنا كل رايات النصر 
أنا فكره بتكبر بالعافيه 
من طوبه لحيطه لقصر 
وصلوا كده من غير حصر 
صوتك يعلى يكسر 
أكبر حاجز لو كان راكز 
على أقوى جبال الصخر 
إرفع راسك وبفخر 
وإكتب إسمك للضهر 
أنا بحمد ربنا 
وذكائى فى قيد الاصل 
فاهم ولا أفسر 
إسمى ورا أرجع سطر 
إذكر إحلم واياك تندم

Zap Tharwat - E7lam / زاب ثروت - إحلم

كلمات : Abdelrahman Mohamed‎‏‏
www.facebook.com/abdelrahman.mohamed86

أداء : منّة كُردى
www.facebook.com/Kawkabmashy?ref=tn_tnmn

امي
بلاش تبصيلي البصة اياها
و متحضنينيش
حضتنك بقى كما دش ساقع
في عز البرد
وانا مبقتش حمل البرد
امي انا اصبحت زي التراب ع الارض
بتبعتره الاقدام
ومن حبة هوا بيطير
لكنه باقي كما الايام .. كما المشاوير
امي انا كاسرني السؤال
وكاسرني زيف المعاني
امي .. متغنليش
مبقتش حمل الاغاني
صوتك الدافي معادش بيلصم
امي متتضخضيش
من من صفار وشي
وشيب شعري
امي انا مكسور
كما وزن القصيدة في شعري
امي انا تعبان من الوحدة ..
من الزحمة وكتر الناس
و انا قلبي ياما انداس
وياما لم .. من صحبة و اغراب
امي .. انا بس نفسي تفهمي
فرط الحنان بيعلم القسوة
فرط الحنين بيجلب الغربة
بيخلي قلب الواحد كما التربة
بتلم ناس ياما .. وتضم ناس ياما
في حضنها .. لكن رفاة
وااااه يامي ع الوجع
لو تحضني الاموات
اموات يا امي .. يشبهوني تمام
امي .. سبيني انا عايز انام
و بلاش تبصيلي البصة اياها

البصّة إياها _عبد الرحمن محمد _ منّة كُردى

شيماء هلالي - مين بيعشق بدقيقة

تتجوزيني؟ 
من ديوان ضحكة طالبة التأشيرة 
كلمات : Mostafa Eltelwany
https://www.facebook.com/mostafa.eltelwany.5?hc_location=timeline

https://www.facebook.com/pages/%D9%85%D8%B5%D8%B7%D9%81%D9%89-%D8%A7%D9%84%D8%AA%D9%84%D9%88%D8%A7%D9%86%D9%8A/309842119043025

أداء : منّة كُردى
https://www.facebook.com/Kawkabmashy?ref=tn_tnmn

_ تتجوزيني ؟
 _خايفة تفارق زيهم 
 _طب توعديني ؟
_ الوعد للأحرار وبس
وانا قلبي مربوط بالوجع
يمكن يكون قُربَك ونَس
لكن أكيد بُعدك شقا
خايفة العشم يقلب مقَص
لأي فرصة ف اللُقا
_ لو تحضنيني!
_ مش عايزة آخد ع الدفا
مش عايزة أشرب ضحكتَك
تفضى كاساتي ف غُربتَك
أعطش وملقاش ضمِتَك.
_ لو تسأليني ..! , أصلي بحب الفضفضة, يمكن أغيَر نظرتِك, يلا أنكُشي فيا بضمير, يجوز نغيَر ما مَضى.
_ ازاي تنول ضحكة قبول من بنت خايفة من الوجع, قول لو جدع!
 ............_

تتجوزينى _ مُصطفى التلوانى _ منّة كُردى

موال المزة الصاروخ

غالية بن علي - الف ليلة و ليلة

كلمات وأداء : محمد البرّي

https://www.facebook.com/mohamed.b.elbery

الشاعر خلّص إلقاء .. والناس بتسقّف وعيونها مليانه دموع
صوت التسقيف يفضل يِعلى وفي أخر القاعة صوت واحد بيقول " الله "
البنت دي لسه بتتمشى بعيدان الفُل في كُل مكان وتقول " لله "
اتنين ماشيين عكس الأشارات .. واحد بيونّس غُربة أخوه بمُكالمة بتِختصر المسافات
بنوتة جميلة بتتمشى بتسابق في سحابة وبتشوف مين فيهم يشتي دموع أكتر
شاب الأحلام سرقت عُمره ورمته على ناصية بار يِسكر
مومس بتبيع الهوى بفلوس
كزا صورة في أيدي المُعتصمين .. وعساكر جيش وبوليس مرصوص
وهِتاف بيزلزل أي ميدان وماحدش حدِّد كام ريختر
والشاب العاشق كتب إسمه مع إسم حبيبتُه على الدفتر
إقرا الأخبار ..
إكتشفوا علاج للبني آدمين بيعالج كونهم بني آدمين
وفضيحة عضو المجلس " ميم " مقفوش مع مُزة يُقال في كمين
ومازال الصمت دا حوت بالع في حقوق الناس
والدم السايل في مدينتي بقى خمرة بنشربها في كاس
وندوّر للأيام ساقية ونعيش تاني فـ نفس الأحداث  .. ونحوّل كُل حياتنا روتين
ونتيجة كُل سنين الصبر مكتوب في ورقها " الناس مساكين "



مشهد عبثي خارج عن النص ـ محمد البرّي

تأليف : مصطفى سعيد
https://www.facebook.com/Never.Try.Never.Fail

أداء : منّة كُردى
https://www.facebook.com/Kawkabmashy?fref=photo&ref=tn_tnmn

موسيقى : فيلم الحفيد 

هابتدي الحكاية زي ما ابتديت وابتدينا كلنا حياتنا واعلننا عن وجودنا بـــ وااااااااااااااء كبيره .. 
ولحد النهارده مش مقتنعه بالتفسير الرومانسي
بتاع اننا
 بنبكي عشان خرجنا من بطون امهاتنا المريحه لعذاب الدنيا والكلام اللي بيثبتونا بيه.
وبرغم ان كلامنا عن الحب الا ان اول شعور حسيت بيه لما جيت الدنيا كان كره .. كرهت الراجل اللي مخبي
 نص وشه وضربني على خوانه 
ماهو لو كان مش خايف مني مكنش خبى وشه واتحجج انه تعقيم 
.. رحمته مني الكمامه
 وكونه دكتور ومتعلم ومعاه شهادات ده مايديهوش الحق انه يضرب بنات الناس .. يلا المسامح كريم.
وعشان انا مش زي اي حد
 انا واحده من القليلين اللي ماكملوش الـ 9 شهور حمل 
مش من العصبيين بتوع الـ 7 شهور 
انا قعدت 8 شهور بس ..
 وطبعا لزم يدخلوني حضانه 
وهناك
 كانت اول قصة حب .
لما دخلت الحضانه ابتديت احاول اعرف انا فين ومين بيسيطر على المكان ..
 لحد ماوصلت حضانتي وعملوا معايا الواجب 
وفتحولي قزازة لبن مشبره 
وكانوا ناس زوق زوق بصراحه ... 
ريحت اتعودت ع المكان وابتدينا نتعرف .
الجميل اني كنت نازله عارفه اسمي 
لانهم اختاروا لي اسم منة من وانا لسه مشروع بني أدمه 
وعرفت بعد كده من جوابات
 ماما وبابا وهما مخطوبين انهم كانوا بينادوا بعض بأبو منة وأم منة ...
وحمدت ربنا لما لقيت اطفال كتير معايا مش عارفين
 هما مين ..
وشفت اتنين تؤم ماسكين في خناق بعض 
ده يقوله انت كنت بترفص 
وده يقوله وانت كنت بتشفط الاكل كله لوحدك 
ودوشه 
وزيطه
وفجأه سمعت احلى واااااااااء في حياتي 
وااااء كلها حنيه ورجولة في نفس الوقت.
وشدني ليه اكتر اني لقيته عمال يضرب الممرضه ويرفص 
عشان بتغيرله الكافوله قدامنا 
حسيت ناحيته باعجاب من الكافوله 
الاولى 
وأول ما الممرضه خلعت ابتديت اتعرف عليه ..
 كان لسه معرفش اسمه برضه 
بس قلت مش مهم الأسم 
المهم الحشو 
اللي هو الجوهر يعني 
وعرفت انه مش من هنا 
وانه جي من مستشفى تانية عشان معندهمش حضانات كفايه وقاللي ده من حسن حظي 
وابتدى يريل عشان يلفت انتباهي 
لحد ماحصل وريلت انا كمان 
وفهمت انه معجب بيا زي ما انا معجبه بيهه 
وقررت اني اعترف له واصارحه
 بأني حبيته وأنه 
الأنسان - بأعتبار ماسيكون - اللي هابقى سعيده انه يشاركني رضعتي وغياراتي 
ولسه بقول واااااااااااا...
 جت ماما عشان تشوفني هي وصاحباتها.
ودي كانت اول فصله في حياتي 
وقتها جاتلي فكره اعمل نفسي نايمه 
كان نفسي اصحي وبالمره فرصه اعرف ماما عليه بس 
قلت بلاش تسرع 
وبالمره لما انام هارحم نفسي من التفعيص ومن اني اشوف التعبيرات الغريبه اللي بيعملها الكبار 
كفاية 
الشويه اللي شفتهم قبل ما انام ...
ونمت وروحت في النوم لانى كنت واصله الفجر حوالي الساعه اربعه ده اللي عرفته
 لما كبرت 
واكتشفت كمان ان دي المره الوحيده اللي بابا ما زعقليش فيها عشان هتأخر.
صحيت متأخر ولقيته اختفى واخدت اول صدمه في حياتي ...
بس ما طولتش فيها لان وقتها قابلت رجل احلامي ... 
بابا ♥

الحضّانة _ منّة كُردى _ مُصطفى سعيد

كلمات : عمرو أبو زيد 
https://www.facebook.com/amr.a.zeed

من ديوان : نوفمبر شهر ملائم للموت

أداء : منّة كُردى
https://www.facebook.com/Kawkabmashy?ref=tn_tnmn

موسيقى : أنين الناى جلال الدين رومى 

الكلمات : 
يقول واحد من المرضى
لا مش هرضى
ومش ميت
سيبوني لبعد رمضان
أقلّه أموت وأنا مِعيَد
و يخبَط دمعه في الشمبر
مسبب دوشة في العنبر
فيصرخ فيه مريض تاني
بصوت ناصح لكن مكتوم
مافيش ملجأ من المحتوم
صراخك ده مالوش داعي
مادام كشف السفر مختوم
واسمك وقته متقيد
فموت راجل
ده أكرملك
عشان حتى التاريخ يكتب
ده عاش مذلول
ومات سيد
وبعدين هي دي عيشة؟
بذمة أهلك الموتى..
هتخسر ايه؟
هتخسرنا؟
ياعم بلاش تحسرنا
وحق سريرك الدايب
ماهتشوف دنيا غير بالموت
لولاش بس النظام خايب
وأجِل دوري للأخر
ماكنت فضلت فيها حي
ياريت كان دوري هو الجيّ
عشان ياكل شقايا الدود
ياريت الكشف يلمحني
فيمنحني أمل منشود
قوم افرد ضهرك المحني
عشان ماتمُتش غير مشدود
ولو خايف جحيم مثلا
ماهيش فارقة
دي نار ودي نار
وفجأة النُصح صوته يضيع
في صوت عاصف لدق الزار
وييجي اتنين تمارجية
ينادوا الميت المُختار
يجروه لعزرائيل بره
وقبل ما يخرجوا يشاوروا
بإيدتينهم على الناصح
يقولوا تعالى بالمرة
زحامكم أصله مش جيد
فيصرخ لأ ده مش دوري
ومش ميت
طب ألحق حتى رمضان
أقلّه أموت وأنا مِعيّد



أكذوبة الموت والراحة_ منة كُردى_عمرو أبو زيد

مزيج العذاب مياو مياو

أغنية رواية الفيل الازرق
__
كلمات : حسين جمال
https://www.facebook.com/hussein.gamal.52
غناء و الحان : محمد علاء
https://www.facebook.com/MohamedAlaa1MG
توزيع : خالد أقبال
__
تنويه : دي اعادة نشر لان الساوند كلاود مسح لينك الاغنية السابق بعد ما وصلت لـ 85 الف Listen و اكتر من 4 الاف لايك :)
__
الكلمات :

حياته قصة متتفهمش .. و أخرها لغز ما انتهاش !
بيدور في متاهة متتوصفش ..
و في حلم أخرس ما أنحكاش !
معشش جوا منه وشم مرسوم .. و مهما يحله يطلع شخبطة !
مدفون في قلبه حب مكتوم .. و حياته بقرص قلبت لخبطة !
...
حياته قصة متتفهمش .. و أخرها لغز ما انتهاش !
بيدور في متاهة متتوصفش ..
و في حلم أخرس ما أنحكاش !
عايش علي حبة فيل أزرق .. و في كل حلم قميص المأمون !
من كتر المتاهات اللي دخلها .. أختلفوا مين عاقل مين مجنون !

الفيل الأزرق - el-Feel el-Azra'a

كلمات : رامى وفا 
https://www.facebook.com/ramy.wafa?fref=nf

أداء صوتى : منّة كُردى
https://www.facebook.com/Kawkabmashy

Background : موسيقى بنتين من مصر

الكلمات : 

واحدة زيي تحب ليه ؟
و تحب مين ؟
و إزَّاي تحِب !
و إزَّاي تسلِّم قلبَها المقفول لقَلب 
أهلي لسَّه بيضغطوا .. 
و بيبنوا سور ورا سور 
و انا لسَّه عارفة أشوف النور .. 
و عارفة أشِب 
- سنِّك كِبر 
= حاضِر 
- هتعنِّسي 
= ماشي 
- فيكي العِبَر 
= حاضِر 
- و هتتنِسي 
= ماشي
بتستَهبِلي .. 
شاوريلي على عيب بس فيه 
يخلليكي رافضة تقبلي 
و عمَّالة تجري ورا حلمِك المجنون 
مُستقبَلي !
و مقدَرش أشوف مُستَقبلي 
لمرَّة أولى ف الصالون 
شايفاه زبون .. 
جاي يعاين البضاعة أو يدوقها 
واحدة زيي .. 
عُمرها حتَّى ما خدِّت أبسط حقوقها 
واحدة زيي .. 
كل يوم مرايِتها أتعس م اللي قبله ... 
و كل يوم ببعت رسايل .. 
للي مفروض إنِّي اقابله
واحدة زيي .. 
كفَّها متحَنِّي غُربة 
قلبَها متحَنِّي غربة 
جِسمها بتكره معالمُه 
و اللي آلمُه .. 
فيه خلايق لسَّه عايزين يشتروه .. 
شايفينه حَي و أرض صالحة تبقا تُربة
واحدة زيي 
بطَّلت تسمَع أغاني .. 
بطَّلت تكتِب معاني 
بطَّلِت كل الحاجات 
إلا الأرق 
لسَّه ليها اصحاب زمان 
بس ولا شيء مُشترَك 
بطَّلت بُكا ع الريق
بطلِّت تختار طريق 
سابت الحِلم البريء
و الأهم .. 
بقالها فَترة مبطَّلة تصديق 
أي حاجة .. و كل حاجة 
زي سكران تاه عشان 
ما شرِبش حاجة 
و لسَّه ماشي وسط الناس يقول 
كلُّه ... 
كلُّه كِدب 
واحدة زيي ..
تحب ليه ؟
و تحب مين ؟ 
و إزَّاي تحب !


واحدة زيّى _ رامى وفا _ منّة كُردى

كلمات : شروق نبيل 
https://www.facebook.com/profile.php?id=100001492402355&ref=ts&fref=ts

أداء : خلود إيهاب ومنّة كردى
https://www.facebook.com/505a.koka?ref=ts&fref=ts

https://www.facebook.com/Kawkabmashy

الكلمات : 
ﺧﺎﻳﻔﺔ ﻳﺎﻣَّﻪ ..
ﺯﻱ ﺑﻴﺖ ﻭﺣﺪﺍﻧﻲ ﻭﺍﻗﻒ
ﻭﺳﻂ ﻏﻴﻂ ﺩﺧﺎﻥ ﻭﺿﻠﻤﺔ
ﻭﺳﻂ ﻏﺎﺑﺔ ﻣــِ ﺍﻷﻓﺎﻋﻲ
ﺯﻱ ﺣﻲّ ..
ﺣﻲّ ﻛﺎﻥ ﻣﻠﻴﺎﻥ ﻳﻔﺎﻋـَـﻪ 
ﻋﺠّﺰﻭﺍ ﻣـِ ﺍﻟﻮﺣﺪَﺓ ﻳﺎ ﺃﻣَّﻪ
ﺯﻱ ﺧﻮﻑ ﺍﻟﺒﻨﺖ ﻟﻤّﺎ
ﻋﺮّﻭﺍ ﺭﻭﺣﻬﻢ ﻣــِ ﺍﻟﺮﺟﻮﻟـَﺔ ﻭﺇﺳﺘﺒﺎﺣﻮﺍ ﺭﻭﺣﻬﺎ ﻟَﻤَّﺔ
ﻓﻲ ﺍﻟﻤﻴﺪﺍﻥ ﺍﻟﺰﺣﻤــﺔ ..
ﺧﺎﻳﻔﺔ
ﺯﻱ ﺃﻭﻝ ﻣﺮّﺓ ﺑﻤﺸﻲ
ﺯﻱ ﺃﻭﻝ ﺑﺼّﻪ ﻣﻨّﻪ ﺟﺖ ﻓــِ ﺭﻣﺸﻲ
ﺯﻱ ﻳﻮﻡ ﻣﺎ ﻟﻢّ ﺭﻭﺣﻪ ﻣﻦ ﺿﻠﻮﻋﻲ
ﺣَﻂ ﺃﻭﻝ ﺧﻴﻂ ﻓﻲ ﻧــَﻌﺸﻲ
ﺑﻌﺘﺮﺗﻨﻲ ﺍﻟﻮِﺣﺪﺓ ﻳﺎﻣَّﻪ
ﺯﻱ ﻣـَﻄﺮﺓ ..
ﺑﻌﺘﺮِﺗـﻬﺎ ﺳﺤﺎﺑﺔ ﺳﻤﺮﺍ ﻛﺎﺕ ﻣﺨﺎﺻﻤﺔ ﺳﺤﺎﺑﺔ ﺑﻴﻀﺎ
ﻭ ﺃﻣﺎ ﺟﺖّ ﺗﺼﺎﻟﺤﻬﺎ ﻳﺎﻣّﻪ ..
ﺑﻌﺘﺮَﺗﻨﻲ
ﺯﻱ ﺧﻮﻓﻚ ﻟﻤَﺎ ﻫـَﺪّ ﺍﻟﺤــُﺰﻥ ﻣـَـﺘﻨﻲ
ﻟﻤﺎ ﺷﻮﻓﺘﻲ ﺍﻟﻔـَـﻜﺮﺓ ﻣَﺮّﺓ ﺭﺍﻭﺩَﺗﻨﻲ
ﻋﻦ ﺟﻨﻮﺣﻲ ﻳَﻢ ﻣﻮﺗﻲ
ﻗﻴّﺪﻳﻨﻲ 
ﻗﻴّﺪﻳﻨﻲ إن ﺷﻮﻓﺘﻲ ﺻﻮﺗﻲ ﺗﺎﻧﻲ ﻏــَﻨّﻲ
ﻋﺮّﻓﻴﻨﻲ !
ﻫﻮّ ﻟﻴﻪ ﺍﻟﻠﻪ ﻧﺰﻋﻨﺎ ﻣـِ ﺍﻟﻨﻌﻴﻢ ﻟﻠﻐﺎﺑﺔ ﺩﻳّﺎ
ﺭﻏﻢ ﺇﻥ ﺍﻟﺨــُﻠﺪ ﻋُﻤــﺮﻩ ﻣﺎﻳﻮﻡ ﻏﻮﺍﻙِ
ﺣﺘﻲ ﺃﺑﻮﻳﺎ ﻣﺶ ﻣﻌﺎﻙِ
ﺷﺠﺮﺓ ﺍﻟﺘﻔﺎﺡ 
ﺑﻌﻴﺪﺓ ﻋﻦ ﺩﻳﺎﺭﻧـَﺎ
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..!
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..! ﺭُﺩّﻱ ..!
ﻟﻴﻪ ﺭﻣﺎﻧﺎ ﻭﺳﻂ ﺧــَﻠْﻖ
ﻳﺎﻛﻠﻮﺍ ﻗﻠﺐ ﺍﻟﺤـَﻲّ ﻳﺎﻣّﻪ ..!
ﺧﺎﻳﻔﺔ ﻣﻨﻬﻢ
ﻏﻤّﻲ ﻋﻴﻨﻲ ﺟﻮّﻩ ﺣﻀﻨﻚ
ﺩﺍﺭﻱ ﻛَﺴﺮﺓ ﺿﻬﺮﻱ ﺩﺍرﻱ
ﺇﺳﺘــُﺮﻳﻨﻲ
ﺧﺒّﻲ ﺭﻭﺣﻲ ﻣﻦ ﻛﻼﺑﻬﻢ
ﺩﺛّﺮﻳﻨﻲ
ﺩﺛّﺮﻳﻨﻲ
‫


خايفة يامّة _ منّة كردى _خلود ايهاب

Fajrolbeed - Official Track فجر البيد - التسجيل الرسمي
https://soundcloud.com/mostakell/fajrolbeed-tamer-abu-ghazaleh

Demo Track, Lyrics by Ramez Farag
http://www.facebook.com/tagmusic
شاغبني الضيّ فابتسمت 
ووهبته عيناي فهزج فجر البيد ورمحت خيوله 
وارتدت الشمس اللؤلؤ
ورنمت 
وانساب الحمام على نسمات الهواء العنبرية
فالتفتُّ
رأيت النساك شاخصين تجاه الأفق المتفجر
فنظرت
رأيت الله قد احتال فيها عيداً
فذبت فيه
ورقصت

Fajrol Beed (Demo Version) فجر البيد (تجريبي)

وانتظرها إلى أن يقول لك الليل: لم يبق غيركما في الوجود


انتظرها- محمود درويش - الثلاثي جبران

جوزيف عطية - تعب الشوق

شعبي-احمد عدوية عم يا

لي حبيبٌ ..
عشقه ذوبني !
شغل القلب سناه والنظر ..
رسم الحسنُ على أعطافه صوراً فتّانة تتلو صور ..
ساحرُ العينين واللحظ ..
وكم طاب لي في ضوء عينيه السفر

ولكم آنست من ضحكته ..
رنّة العود .. وأنغام الوتر ..
سل كؤوس الطيب عن مبسمه ..
فبها .. عن مبسم الحب خبر ..
وطواه الهجر عنّي ..
بعدما رضي الحب علينا .. والقدر ..

أنا مشتاق لهُ في وحشتي ..
شوق أشجار الصحاري للمطر ..
ياحبيباً أتغنّى بـ إسمه كلما هاج حنيني .. وإستعر ..
إن تعد ..
عادت لنا أيامنا ..
حلماً يسبح في ضوء القمر


لي حبيب - غادة شبير

سيد مكاوي - حلوين من يومنا والله

لساك دفا

لسّاك بـ رغم البرد ساكن ف الضلوع

و مالكش حضن يكلفتك

و بـ رغم خوف ساكن ف قلبك من زمان

قادر تكون انت الأمان"

..قادر تكون انتَ الدفا

 

لساك مصرّ ان الدموع

قنديل فرح..

..نازل على خدودك بـ يرقص فى الخفا

لساك تداوى فـ القلوب

مع ان قلبك كان يادوب

بيدوب فى احضان الشفا

!..لساك دفا

 

ازاى بتعرف تبقى بلسم للجروح

مع ان جرحك لسة حىّ

مع ان عتمة دنيتك..

! علقم

بتعرف تبقى ضىّ

لساك بـ تتشعبط فـ حبل لحلم جىّ..

...لساك بتقطع بالمودة

كل احبال الجفا

 

ياللى انت عكاز للخطاوى فى الدروب

لسة الوجع عارف يطبطب ع القلووب

لا الدنيا عن لوع الوجع ناوية تتوب

..ولا انت ناوى انك تبطل

فى العكارة...تكــون صف

----------------
كلمات: إسراء مقيدم
هندسة صوتية: رغدة أيمن
إلقاء: زينب فرحات

لساك دفا

أنت لا تعرفني. أنت لا تعرف لم أمد إليك يدي بمقص النيكل عبر هذه الشاشة.
(بروجتل وكامبل) لا تريدك أن تعرف هذا، لكني سأقوله.
اقطع علامة الصنف عن قميصك، عن الجينز، عن البوكسر، عن ظهر ربطة العنق. اقطع بحد المقص كل اسم ليس لك. دع وخز أطراف التيكت المنزوع يشكك. اخمش قفاك حتى يتخثر الدم الممزوج بلحمك تحت أظفارك. سأقص عليك تاريخ الهزائم، فقد سقطت - مثلك - من كشوف الحساب. خيبة أمل الأحبة فيك راحة لا نهائية. لا انتظار ولا جديد. مجرد هزائم هزائم هزائم.
أنت لا تعرفني. أنت لا تعرف عدد الندوب التي أتركها، واسمي المألوف لا يعنيك، لذا أغمض عينيك. انحن على نفسك.
تكور.
دع الهبش يطلق سراحك؛ ردد ورائي:
«أوبيستو بورالا؛ لوميبو تواخا»
---------------------
مقطع من الرواية الجديدة 
تأليف وقراءة | أحمد العايدي 
هندسة صوتية وموسيقى | رفيق عدلي


اليوم سأشربُ من دمك | أحمد العايدي

قلتها بالأمسِ في مَن ملكتْ عمريَ السّابح في جرزٍ ومدْ إنّ حبي للتي تملكنُــي لمْ يذقهُ أبدًا قبلي أحد. آه يا فاتنتى ما ضَرَّنا .. لو صَلَينا من هوانا ما اتَقَت آه ما كانَ علينا لو وفى حِبى الحلوُ بما كان وَعَد لو أبيتي البعدَ عنّي كلّما عاملُ الهجرانِ وافى وعَند وأنا تجتاحني الذكرى فلا طيفكِ استخفى ولا الشوقُ همد.


غاده شبير- روحان

متفوتنيش أنا وحدي - سيد مكاوي

قصيدة: عمرو شاهين
أداء صوتى: زينب فرحات
مونتاج وإخراج: رغدة أيمن
-----تفاصيل بسيطة

 

قولهم 

إن الغياب .. نُص المسافة للقا 

و أن اللقا

خط البداية للغياب 

قولهم 

طعم العتاب

يشبه التلج اللي ب يدوب ع اللسان 

بارد أوى وقت الدخول للفم 

و يدفّى ريقك لما داب 

فاكر مرورك من هنا 

صوت الجونله 

وهى ب تطبطب على سجاده الصلاة المفروشة زينه 

لسه ب يرن في عامود السرير

ريحه الدفا 

وطعم خوفك

سكر القهوة الزيادة وريحه الدخان 

كلهم

اقنعونى إن الفراق … 

محطة تانيه في العلاقة المستمرة 

مش ضروري إن البكا 

ينزل من عينك دموع 

مش ضروري إن الفراق 

يخطف م الشفة ابتسامه 

و لا هوش ضروري 

إن كل حضن أنا ها اخطفه 

ها أدفع قصاده

حسنه

في يوم القيامة 

ف اصرخي لما تجيلك الضحكة بجنونها 

الصرخة ضحكه قديمه مكبوتة 

أنا اللي عايش لحظه الحب وشجونها 

وأنا اللي بعمل م اللحظة دى ..حدوته 

الملايكه 

ضمة كفوفك للجاكت 

طعم الهوا بعد المرور بين خصلتك

كلها تفاصيل بسيطة 

بتخلق القصة .. وتديها الحياة 

الشمس أنتي 

والليل في ستره للمشاعر يبقى أنا 

ضدين ب يجروا عكس بعض 

لحظه لقاهم .. مشهدين ملهومش وصف 

مشهد شروق

" ..اقسم لذاتك بالوفاء

اقسم بكل تفاصيل الحياة .. على البقاء "

مشهد غروب 

" أوعدك أنى ها رجع من جديد

أوعدك .. مش ها أسيبك تحضني الأشواق كتير "

...

قولهم 

إن الزهور ..

قادرة حقيقي ع الغنا رغم الخريف 

وان الخريف ..رمز الشجن .. 

قادر يضيف على جَنَتَكَ .. لون احتضار 

و باختصار

ورق الشجر .. اصفر خريفي 

والسنابل .. اصفر حياه 

و عينيكي أنتي 

شماعات الحلم .. في دولاب الوجود 

قادرة تحافظ ع الفرح

ترتر ب يلمع

على بطن فستان الزفاف

و أنا قلبي يرويه الجفاف .. 

والبعد.. يَّمْ

يسقى تفاحة اللقا 

علشان نسيب الأرض عذرا

للكواكب والنجوم

تفاصيل بسيطة

لطفي بوشناق . ليلي

في الدور الأول أصحابي

وجيراني قاعدين في التاني

وأبويا وأمي في الرابع

وأنا ساكن في الدور العاشق

أنا ساكن في الماضي الغامق

أنا سافل بحب الدنيا

هربان من حكم بتأبيدة

في الدور الأول سألوني

عن اسمي وعن سر جنوني

عن شجرة تحت الشباك

عن جردل علي سور البير

ع الخطة الخمسية الجاية

عن بنت بتلمع في عينيا

عن وردة وشادية وفيروز

عن لحظة باتحول فيها

من ميكانيكي إلي أراجوز

عن قهوة سكر مضبوط

عن شلة رايحين الحفلة

وماحدش راجع مبسوط

عن جرحي اللي مابفتحوش

عن صاحب رمّة ومغشوش

نزلني ف ماطلعتوش

عن نمرة تليفون البيت

في الدور التاني سألوني

عن واحدة بتجيلي الشقة

عن أزمة حنية مفاجئة

ف شباك صالة المفتوح

عن ضحكة ما بتقولش كتير

وقميص اتعلق مجروح

وسلام متوتر مكسوف

وقالوا لي إحنا عارفينك

قلت لهم طب ما أنا معروف

في الدور الرابع ربّوني 

بالخمسة علي وشي ادوني

في الشقة لوحدي وسابوني

وقالوا لي ما تفتحش الباب

في الدور الرابع بعتوني

أتعلم وأرجع بشهادة

ما رجعتش بس اتعلمت

اتعلمت لأني آمنت

وبادفع تمن اللي اتعلمته

وغيابهم عني اتحملته

وغيابي عنهم بقي عادة

أمي قالت لي بطّل قهوة

وقهوة أبويا دايماً سادة

وأنا راجع للدور التاني

في الدور التاني يا جيراني

أنا بكرة ماشي ومش راجع

يا معادي ليلك بقي ساقع

بقي أسقع من الوحدة ونارها

أنا صاحي في ليلها ونهارها

فكرني حلوها بمرارها

وباصرخ بس ماحدش سامع

وأنا راجع للدور الأول

في الدور الأول أرشيفي

رجالة مقاسمها رغيفي

مقاسمها تنويحة خريفة

مقاسمها ورقة بعشرين

عدوية ووردة وجاهين

في الدور الأول أصحابي

وأقربهم ليا الخاينين

وأنا ساكن في الدور العاشق

أنا ساكن في الماضي الغامق

أنا سافل بيحب الدنيا

هربان من حكم بتأبيدة

وباواجه ربنا بإيماني

وباواجه نفسي بقصيدة.


عمر طاهر | عمارة3 و| Omar Taher | Emara 3W

تلحين و أداء: سيد مكاوى
كلمات: صلاح جاهين

سيد مكاوي - ليلة امبارح مجاليش نوم

قم يا صلاح الدين - أحمد مطر

نص: ماريو جابر
هندسة صوتية : عمرو شاهين
ميكساج و آداء صوتي: زينب فرحات 🎙️صوت الونس
***************************************
https://www.facebook.com/ElSayedmgaber
لو يهمه الآمر فعلاٌ

مكنش سابها

للظروف

لو يهمه الآمر فعلاٌ

مكنش بدل أمل

بخوف ..

لو يهمه الآمر فعلاٌ

كان سـئـل

و عشان يهمه

الامر فعلاٌ

كنت أنا علي طول

هجاوب

دا لو يهمه الامر فعلاٌ
……….

مش بهتان من لون

الدنيا لا بالعكس ..

دا أنا

متلون

بس اللون

كان غامق حبه ..

بس

أحيانا يظهر باهت
……

لو يهمه الآمر فعلاٌ

كان

سـئـل دا لونك أنت

ولا باهته عليك ظروفك ..

كنت

ارد و أقول ظروف ..

اللي تـ بدل أمل بخوف

و اللي تتساب للظروف ..

و اللي مفتح يبقي أعمي

مش يشوف

و الكلام يصبح سكات

من الكسوف ..

عشان مايهمه الآمر فعلاٌ ..

لو يهمه

قصة: مصطفى السيد سمير
إخراج وهندسة صوتية:عمروشاهين
أداء: زينب فرحات
************************
http://www.facebook.com/notes/%D9%85%D8%B5%D8%B7%D9%81%D9%89-%D8%A7%D9%84%D8%B3%D9%8A%D8%AF-%D8%B3%D9%85%D9%8A%D8%B1/%D8%AD%D8%AF%D9%88%D8%AA%D8%A9-%D8%A7%D9%84%D8%B4%D9%88%D8%A7%D8%B1%D8%B9/10151681644688266


حدوتة الشوارع
************************
في نهاية كل يوم بعد ما يروح آخر واحد ماشي الشوارع هي كمان بتروح عشان تستريح

بتروح مكان واسع وتقعد تمدد وتلعب برجليها في الرملة .. وفيه منها بينزل البحر عشان يريح جسمه المهدود من شيل الناس والعربيات وسند الشجر والبيوت طول اليوم

الشوارع الكبيرة أول ما بتوصل بتقلع أنوارها العالية وبتديها للشوارع الصغيرة والحواري عشان يلعبوا بيها _ وبعدين بيحطوا سماعات في ودانهم ويسمعوا مزيكا هادية عشان يستريحوا من الدوشة .. أو ياخدهم الكلام مع بعض عن اليوم كان شكله إية وعن المظاهرات الكبيرة والطوابير والخناقات وقفلة المرور لما العربيات كلها تتلخبط مع الاتجاهات والبشر في النص باصين لبعض بعجز يدل على إنهم قد إية كائنات تعيسة مش عارفة حتى تحافظ على براح عشان حاجة تعدي.

أما الشوارع الصغيرة فبيقعدوا يرغوا كتير عشان بقالهم طول اليوم مش لاقيين حد يتكلموا معاه .. حتى الناس اللي بيعدوا غالبا مش بيبصولهم ولا بيستنوا عشان يسلموا عليهم لا بيمشوا على طول

 
محدش أبدا كان يعرف الموضوع دة لحد ما في يوم جت بنت نزلت بالليل عشان تشتري شمس صغيرة من عند عمو بتاع الشمس .. عشان أخوها كان عيان ومحتاج نقل نور والدنيا ليل والشباك نايم .. نزلت عند باب العمارة واستغربت قوي .. هي كانت أول مرة تنزل فيها بالليل كدة وملقتش ولا شارع .. قعدت تبص يمين وشمال ملقيتش .. وبعيد خالص كان فيه شارع صغير خالص يادوب يعدي واحد قلبه كبير أو اتنين ماسكين إيد بعض.. شاورتله من بعيد فابتسم قوي وساب السحابة اللي كان بيقرا فيها وجه ناحيتها وقال لها ازيك اية اللي نزلك دلوقتي .. قالت له الشوارع راحت فين .. قال لها بتستريح من الشغل وبتاخد دش من التراب .. قالت له طيب انا عايزة اروح لعمو بتاع الشمس عشان اخويا عيان .. هرش الشارع في الخطوط البيضا اللي في راسه وقال هو مش من هنا .. هو لازم تعدي شارعين بس اكيد مش حيرضوا يصحوا دلوقتي .. انا ممكن اوديكي بس متقوليش لحد .. عشان انا حانتحل شخصيتهم وهما ممكن يزعلوا

البنت صقفت بإيديها وقالت له انت شارع حلو قوي وراح مسك ايدها ومشيوا..



طول الطريق كان الشارع الصغير بيحكي لها عن البيت الكبير على البحر اللي بتستريح فيه الشوارع بعد كل يوم .. وكان بيقول انه لما كان بيروح كان بيحب قوي يحط الصدفة في ودنه ويسمع وبعدين يحطها على بقه ويتكلم وكإنه بيتكلم مع البحر عالتليفون .. ويقعد يحكي هو عمل اية النهاردة .. البنت ضحكت قوي لما قال لها ان البحر رد عليه مرة " ها وبعدين "!!

البنت مشيت هي والشارع الصغير وكان كل شوية شباك أو إشارة مرور تسلم عليه وتناديه باسم الشارع اللي منتحل شخصيته فيسلم عليه جامد وكإنه يعرفه والبنت كانت بتكتم ضحكتها بصعوبة وبعد ما تمشي شوية بعيد تضحك كتير بصوت عالي ..

 

البنت جابت الشمس وروحت البيت ووقفت عند الباب وقالت للشارع الصغير انت شارع شاطر قوي .. ممكن أسألك سؤال : هو انت لية مرحتش معاهم عشان تستريح .. قال لها عشان فيه بنت في يوم عدت عليا لقيتني ساكت راحت جابت رواية وقعدت جنبي وقعدت تقرا بصوت عالي وتضحك قوي .. ساعتها فيه بياع ورد عدى اداها وردة وقعد جنبها وبعدين بياع جرايد وسحابة ويمامتين .. ومن ساعتها وانا حاسس اني دافي قوي ودايما الحاجات بيعدوا عليا ويسلموا ونقعد نفتكر القصة والبنت .. فقلت افضل مكاني يمكن تحب تخرج بالليل تلاقي حد يوصلها

الشارع سلم على البنت ورجع مكانه وسابها تفتكر براحتها

حدوتة الشوارع

يا من هواه اعزه واذلنى - لطفى بوشناق

احمد عدوية  زحمة النسخة الاصليه

هشام الجخ - ايزيس ♥♥

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


الشاعر محمد إبراهيم - علبة ألوان

Halcyon Days

Burn

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

الحضّانة _ منّة كُردى _ مُصطفى سعيد

Menna kordi