قصيدة هتموت - محمود صابر

Music : Soundtrack Series "Taraf Talet"
Lyrics : Ahmed Said Bukeir
‫‬Facebook Profile : ( https://www.facebook.com/ahmedsaid14 )
Performance : Samar Mohsen

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

ورق الشجر عَ الأرض ..
بيثور مع الأنفاس
معادتش باقية الناس .. معادتش باقية الناس ..

سألوا الرحيل مرّة :- "ماذا عن الإحساس ؟"
رد برحيل أكبر !

بسم البُكا ع الخَد ..
مهما اتهزَم يكتَر ..
بسم الفساد فِ الأرض ..
بسم المجال فِ العرض ..
بسم السفينة ..
والمدينة ..
والشوارع ..
والهوا ..
بسم الدوا ..
مليون عقار قبل الغياب ..
مليار عقار بعدُه ..
بسم إللى قالوا إحنا هنا ..
ومع الجميع بِعدوا ..
بسم اللا شئ ..
بسم الطريق ..
مليان حواجز مُهلِكة

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

النَص ده ..
آخر مجاز للحالمين
بالعوم فِ بحر المشكلة ..
آخر نداء للنائمين
جوّه إنفصام المسألة
النص ده ..
للّى لِعبوا الدنيا دومنة،
ومَكسبوش ..
كان معاهم كارت يلعب،
بس جَلّوا ..
النص ده ..
للّى ماتوا ومَنتهوش ..
للّى عاشوا ..
بس مَلّوا !

بكتب لكُم ..
من جوّه حُضن الإنطواء ..
كَم كانَ صعب الإحتواء ..
كَم كانَ كل المشتاقين خيفة ..
كَم كانَ فرط العشق داء ..
بلضُم بروحى فِ البواقى كأنما كل الخيوط إتيَتمِت ومعادش حىّ غير الفراق ..
برقص على السلم مزيج مِ الغربة والأوجاع ..
بفرد جناحى مُقيداً بالمُهلِكات ..
وبعتمة الليل والسكات ..
والخوف من الآتى الغريب ..
بفرد جناحى مُقيداً بـ فُتات باقيلى من الحبيب !

قال الطبيب :-
- يُعزَل عن الناس ، يُعزَل عن الأضواء ، يُعزَل عن اللمّة ..
وإن كان حبيبُه قُصاد عينيه / يُمنَع من الضمّة ..
يُحفَظ فِ لوح درجة حرارتُه أقل مِ الضَلمة ..
يُرفَع فى حال حَطّوه فِ محل مِ الإعراب ..
النور ..
يُؤدى لضيق المسافة ..
والشوق يُؤدى للإكتئاب ..
والمشنقة

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

أنا عندى عُقدة من القلوب المُرغمة بتحكُمات العقل ..
ومن الحنين لـ فُتات بشر مُسْتَنسخة ..
ومن السراب إللى فِ عيون العاشقين ..
أنا عندى عقدة من السنين ..
ومن البشر ..
ومن الآلات ..
ومن البنات ..
ومن الأمور الممكنات ..
أنا عندى عقدة من الكلام ..
ومن الحكاوى ..
أنا كرسى ثابت فِ القهاوى ..
وبسْتحرم قُعاد الناس على خشبى، فَـ يتجرحوا ..
بحُكم إنى مِلصّم روحى بالمسامير ..
ومستحمل يا دوب نفسى ..

أنا عندى عقدة وإنفصام نَفسى ..
وبكرَه توهة التفاصيل ..
وبكرَه Zoom على وشى ..
يبيّن كُفرى بالتأويل ..
وبكرَه كونى متحجّم ..
فِ جسم عويل ..
وبكرَه زحمة المترو ..
وبكرَه زَهر بيعاند ..
وبكرَه فجر بيساند فِ بِدء اليوم ..
وبيفاجئَك بـ غيب معلوم!

***
النَص ده ..
بالنسبة للّى شاف فِ ضيق الكون براح ..
مالوش لزوم ..
هيشوفُه فيض مِ الهرتلة ..
أو ما تبقى من فُتات شاعر ..
قرر رحيله إلى الخَلا..
***

باقيلى مِ الحياة صورة ..
بتلعَن مُهلِكات النور ..
وبتسلِّم على الغايبين فِ وِسع القدر ..
باقيلى من الفرَح عينها ..
وما تيسر مِ الصحاب ..
وما تيسر مِ البشر !

‫
‫#‏أحمد_سعيد‬

حضن الإنطواء - أحمد سعيد / أداء صوتي - سمر محسن

مزيج - مطلوب حبيب

مزج غريب يبدا من نهايته ناس ومواقف وشغف وحيره وغياب ...من بدايه 6-6-2017
فــ لك هذا المزج يا صغيرتي

الــتَــمَـــزُجٌ 7- Absence

الحب الكبير يولد في حياء الغموض

الــتَــمَـــزُجٌ -8 -LIPSTICK

يجوز | Maybe

بقولك إيه أغنية من كلمات : إسلام خلف
ألحان وغناء : عمر البربري

Omar El Barbary - Ba'olek Eh عمر البربري - بقولك إيه

Music & Edit : Shihab Tarek
https://push.fm/fl/sc7ezhkv 

The writer & Voice over : Rawan Slama
YouTube : https://www.youtube.com/channel/UC1M8QHttBvhQ9uAmkdDrJ5A
Facebook: https://www.facebook.com/profile.php?id=100009902717695 
Instagram: https://instagram.com/rawan_slama2?igshid=1y1ttyvhjrh7x 

الكلمات : 
رغم مرايتي اللي معنداني لسة فى خيالي بشوفني واحد تاني 
و لأن امبارح كان ذكرى و بكرة بكتيره يكون فكرة فأنا واقف فى اليوم اللي فى ايدي لا عارف أتخلص من الذكرى و لا عارف أطور من الفكرة 
الطريق طول .. و البصيص ضلم و عتمة الصورة خلت ضلي مش متشاف 
تشد ايدين كتير فيا و متشدش و إن زادوا فى اللوم مبهتمش 
وبتحسر و بترحم على صورة عيل كان راسمها زمان .. ومهما راضيته ببدايل فمبينساش 
انا عيل متعلق بأحبال أحلام إن كانت سابت فى الذكرى فأنا عمري ما اسيب و إن كانت قالت انسى و هتكمل فده تقل أحباب و أنا بردو فهيم 
أنا قلبي تملي يغني يا ليل وهبتك أملى و روحت لفين ؟ 
أنا ليلي له صبح يرد عليه و أتحامى فى أمله المتبسم و أسند على كتفه المترسم بجهود أهاليه 
فأنا ليلي و صبحي وعدوني كتير .. و شكوكي فى الآخر أخدتني أسير .

مزيجُ مِن الحُب المِثالي 🤍

طـ,ـاْرْقـ,ـ