عدت الدقيقة ذي مرا كثير عشان اعرف حساب ياسر.. هل ياسر قال حساب مو موجود😭؟

ضيف الحلقة [ عبدالله غازي ] 

مع دخول سنة ٢٠٢٢ حسينا انه أفضل طريقة نبدأ فيها السنة هي بحوار فلسفي نفسي سلس وعميق في نفس الوقت… وفيه شوية فضفضة كمان. وعشان كدة في حلقة اليوم أستضفنا صديقنا الدافور د. عبدالله غازي واتكلمنا عن العادات والتقاليد الشخصية والمجتمعية وتعميمها على الاخرين وكيف نقدر نتعامل معها.

The Mstdfr Show

#237: رجاء كل عقدك خليها لنفسك

في أوقات كثيرة من حياتنا نسعى اننا مثلاً نسوي شيء معين أو نقتني شيء معين… لكن ربي يصرفه عننا لأسباب خارجة عن إرادتنا. والشيء هذا يزعل… لكن لو أفترضنا انه سبب عدم تحقيقنا لمبتغانا ولو كان لفترة محددة كان يصفي مصلحتنا… حياتنا حتكون جداً أسهل! ونظرتنا للحياة حتختلف ١٨٠ درجة حسب وجهة نظر عمار اللي ناقشها في هذه الحلقة.

رابط مسلسل كوكب رقم ٣: https://www.storytel.com/sa/ar/series/91125-kokb-rkm

#278: ترا دائماً قدرك في مصلحتك

بمشاركة [ غزل أبو خشبة ]

الدخول الى سوق العمل بالنسبة للخريجين الجدد ممكن يكون مخيف شوية، وهو أكيد تغيير جذري في حياة أي إنسان. وزي ما قالت لنا اليوم صديقتنا الدافورة المبدعة غزل أبو خشبة… بداية حياتها الوظيفية ما كانت سهلة أبداً وبالذات بعد كورونا. لكن التغيير يحتاج له وقت عشان نتعود عليه ولو أعطيناه فرصة… أحياناً حنلاقي انه كان أفضل شيء ممكن يصير لنا.

#279: ماك أو كنتاكي سماجة بلاشي

بمشاركة [ خيرة بندقجي ] 

بالنسبة لنا كسعوديين اللغة العربية تعتبر لغة الحوار اللي المفترض كلنا نتقنها… لكن الواقع ممكن يكون مختلف شوية بالذات للناس اللي كبروا في بيئة كانت تستخدم لغة ثانية في الحوار زي ضيفتنا اليوم اللي لقت نفسها في بيئة تستخدم الإنجليزي كلغة رئيسية بالذات مع والدتها الأمريكية وكان مالها أي ذنب في الموضوع. ولما كبرت بدأت تاخذ دورات في اللغة العربية لكن المشكلة اللي واجهتها انها لما تحاول تتكلم عربي ”تكلج“ وبالتالي كل اللي حولها يا يضحكوا عليها أو يوبخوها… وهذا زاد الموضوع سوء ووقف تطور لغتها لأنها صارت تخاف تستخدم العربي في كلامها.

ضيفتنا اليوم هي أحد الدوافير الأصليين اللي كانت كمان أحد مقدمي البرنامج في السنوات الأولى… صديقتنا خيرة بندقجي زارتنا عشان تناقش الموضوع وتوضح معاناتها للجميع عشان نعرف كيف ردة فعلنا للناس اللي ما تتقن اللغة أحياناً تكون العائق أمامهم لإتقانها.

#280: النحو فيه كرف والكلجة ألف

من أكثر الأسئلة اللي تتكرر علينا هي ”كيف أبدأ بودكاست؟“ وبكل أمانة في كثير مواقع تشرح خطوات الصناعة من الألف للياء… بس حبينا اليوم نعطيكم شرح للخطوات الرئيسية اللي لازم تحطوها في بالكم قبل ما تخوضوا هذه الرحلة… من واقع خبرتنا الشخصية طبعاً. وفي حال ما قد فكرتوا انكم تصنعوا برنامجكم الخاص… يمكن هذه الحلقة تحمسكم تبدأوا.

#282: بهذه الخطوات إبدأ بودكاست

بمشاركة [ هاشم الزين ]

قد في مرة كنتم بتطالعوا في تصميم في مكان أو على سجادة وشفتوا شكل وجه؟ إذا إيوة فإنتم مو لوحدكم… هذه ظاهرة موجودة عند بعض الناس ولها إسم علمي. ولها علاقة بالخيال والإلهام والإبداع… وعشان كدة اليوم قعدنا مع الدكتور هاشم الزين وتناقشنا عن عالم الخيال والإبداع اللي ناقشه في أحد أحدث مقالاته.

ولا تخافوا… هذه المرة جلسنا ساعة نتكلم في الموضوع!
 
ممكن تقرأوا تلخيص الكتاب على الرابط: https://medium.com/@hashim.alzain/how-to-find-inspiration-in-lifeless-objects-17073df20818

#285: لو لقيت الإلهام فأمورك تمام

بمشاركة [ سعيد الشامسي و صابر الغامدي و أحمد حيدر و ياسر الحربي ]

لما صديقنا المبدع وأحد رواد بودكاست رووت كويست سعيد الشامسي يزور مدينة جدة… لازم نستغل الموضوع ونستضيفه في بودكاست مستدفر. بس هذه المرة ما جا لوحده وجا معاه زميلنا الرهيب أحمد حيدر من بودكاست مقهى الآنيمي وكمان عرفونا على أصدقاء دوافير جدد… الخلوق صابر الغامدي والكاتب ياسر الحربي. وحاولنا نتكلم في مواضيع ملهمة لكن كعادة سعيد قلب لنا الموضوع موت وندم. لكن في كل الأحوال الحلقة كانت متنوعة وبإذن الله حتستفيدوا منها بشكل أو آخر.

#286: بالموت والندم سعيد منصدم

بمشاركة [ حكيم جمعة و خالد يسلم ]

لما نتعود على ممثل أو ممثلة في أدوار معينة مثلاً زي الكوميديا… صعب لكثير من الناس انهم يتقبلوهم في أدوار درامية مثلاً. على سبيل المثال الممثل الأمريكي ”آدم ساندلر“ أتعرف بالأفلام والأدوار الكوميدية، وقبل كم سنة مثل دور درامي جاد في فيلم ”أن كت جيمز“. لكن ردة الفعل كانت غير متوقعة وكثير من الناس أنبهروا بأدائه وقدر يثبت عكس المفهوم المتعارف عليه. وعشان كدة قعدنا اليوم مع الممثل والمخرج حكيم جمعة والممثل خالد يسلم عشان نناقش دور آدم ساندلر الدرامي وموضوع التمثيل وبعض المعضلات اللي الممثلين بيواجهوها بشكل عام عالمياً وبشكل خاص في السعودية.

#287: الجواهر خام والتمثيل تمام

كلنا اليومين اللي راحت سمعنا عن توقيع كريستيانو رونالدو مع نادي النصر السعودي… ومع إنه فوائد هذه الصفقة على البلد له فوائد كثيرة… بعض الناس يشوفوا انه الموضوع ما يسوى الهيلمان هذا كله بالذات انه رونالدو معد صار زي أول. لكن هل احنا فعلاً نحتاج منه اليوم قدراته الرياضية؟ أو نحتاج منه خبرته العالمية أكثر؟

وهذا الكلام ينطبق بشكل كبير على كل الناس اللي وصلوا سن التقاعد في عملهم… هل تشوفوا انه خبرتهم في هذا السن أهم من قدراتهم الإنتاجية؟

#289: ما نحتاج قدراته ترا نحتاج خبرته

بمشاركة [ عمير طيبة ]

في حلقة اليوم رجع لنا الدافور الأصلي وأول ضيف في تاريخ البرنامج المهندس العبقري عمير طيبة واللي جلس وأتكلم معانا في مواضيع فلسفية وعلمية مختلفة، واللي تضمنت كلام عن الدرونز وطريقة عملها إلى الفروقات ما بين استخدام التقنيات الإلكترونية والتقليدية وعن طريقة عمل الراديو والأجهزة اللاسلكية. المواضيع أتشعبت واتشكلت وبإذن الله تعجبكم.

وكمان حابين نقول لكم انه حلقتنا اليوم برعاية الجيل الجديد من جهاز كيندل. والجماعة في آمازون حابين يعرفوكم على الجيل الجديد من جهاز كيندل واللي فيه مميزات جديدة عشان تساعدكم على القراءة بمتعة أكبر وبسعر مناسب… يحتوي أحدث جهاز Kindle على شاشة عالية الدقة حجم 6 بوصة، مع ميزة وضعية الإضاءة الداكنة، ببوصات ودقة 300 بكسل. وتتضمن أجهزة Kindle الجديدة كليا،ً الأخف والأصغر في فئتها، بطارية تدوم لفترة تصل إلى ستة أسابيع، بالإضافة إلى سعة تخزين 16 جيجابايت - ضعف سعة تخزين الجيل السابق – وهي تكفي لاستيعاب الآلاف من العناوين والكتب، وهذا الشيء حيتمكنكم من اصطحاب مكتبتهم الشخصية لأي مكان. الجهاز متوفر الآن بسعر 449 ريال سعودي بسعة 16 جيجابايت وباللون الأسود أو اللون الأزرق. وتتوفر كمان أغطية قماشية جديدة لجهاز Kindle بسعر 129 ريال سعودي بالألوان الأسود والوردي والأزرق والزمردي .

ممكن تعرفوا أكثر عن الجهاز عن طريق حسابهم في إنستجرام أو موقعهم الرسمي:

https://www.instagram.com/amazonksa/

https://www.amazon.sa/-/en/kindle-%D8%A5%D8%B5%D8%AF%D8%A7%D8%B1-2022/dp/B09SWV1FSS/ref=sr_1_6?crid=VN7WMTSXCMPK&keywords=kindle&qid=1677366858&sprefix=kindl%2Caps%2C243&sr=8-6&th=1

#298: موجة تذبذبية ولا للإلكترونية

بمشاركة [ عمير طيبة و فيصل عسيري و هاشم الزين ]

وبالسلامة وصلنا حلقة رقم ٣٠٠ من بودكاست مستدفر! صراحة ما أتخيلنا إننا نوصل للي وصلنا له خلال السبعة سنوات اللي راحت، بس الفضل بعد الله يعود لكم يا مستمعيننا الدوافير اللي صمدتوا معانا عبر السنوات ودعمتونا وصبرتوا علينا :)

وقفتكم جنبنا وحماسكم المتواصل هو اللي يدفعنا لأننا نقدم أكثر وأكثر… وعشانكم قررنا نسوي حلقة اليوم بصيغة حلقاتنا الأولى واستضفنا الدوافير الأصليين إللي بدأوا معانا المشوار في أول حلقة من البرنامج عمير طيبة و فيصل عسيري وزي الحلقة الأولى صديقنا هاشم الزين دخل علينا في وسط الحلقة وشاركنا التسجيل… الحلقة كانت عفوية واتكلمنا فيها على الأفلام والسينما في السعودية وعلى الذكاء الاصطناعي و شات جي بي تي وغيرها من المواضيع المختلفة اللي إن شاء الله تعجبكم.

#300: هل أحد عارف إيش بنسوي؟

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم

#286: بالموت والندم سعيد منصدم

بودكاست مستدفر

Recent comments

شْ.

Related tracks