ألبوم حاتم مصطفى " كله بالبوء " و يعتبر أول ألبوم بيت بوكس فى مصر و الشرق الاوسط .. كل الاصوات و الموسيقى اللى هتسمعوها هى عن طريق الفم فقط " بيت بوكس - أكابيلا " من دون أستخدام أى ألة موسيقية أو مؤثرات خارجية .. كل الموسيقى و الاصوات هى طبيعية الصنع مع المزيج من انواع الموسيقى المختلفة 


-- Hatem Moustafa's Album " Kolo BelBo2 " .. It's The First Album Beatbox in Egypt and The Middle East - All The Music & Sounds That You Hear are Made by Mouth Only " Beatboxing - Acapella " without Using Any Insturmental or External Effects .. All The Music & Sounds are Naturally Human-Made with a Mixture of Completely Different Kinds of Music .. Featuring/ Zap Tharwat-Asfalt- Dalia Omar - Rami Essam - 3afreet - Mira - Ameer Youssef and Zigzag 

Recorded , Mixed and Mastered By
Hesham Watany - Studio Eleven 11


موسيقى: هشام وطني
https://www.facebook.com/HeshamWatany
لحن: امير يوسف
كلمات ميرا : محمد إبراهيم
كلمات عفريت: عفريت

06 - Hatem Beatbox Ft 3afreet & Mira Emam - Ana ElBent

إختصارا للرغي ، كل الليلة دي من إنتاج شخص واحد.
http://www.reverbnation.com/osamarapm...
https://www.youtube.com/watch?v=j36U6leuPGw

جداريات

لا مبالاة تستمر الحياة 
جسدي الى زوال بكل محتواه 
كموالاه ببلى أو بلا 
لا مبالاة لاتعنت لا محاباة 

الزمن كبعد خارج عن التحكم 
فرضية للتهكم مصطلحات 
تحتمل الصدق انتجت الكتب المحروقة بتهمة الكفر 
تاثير سكان كوكب أزرق في الكون صفر 
من ضمن العفر 
إني أقول كلام فارغ يبقى فلسفة 
ميبانش من الصياغة إن كان ده عقل أو سفه 
تداخلات أشكال هندسية نص قطر جمجمة 
مش شايف ده جسم بشري أو دمى  

"عقرب الساعة يأمر الجلد بأن يترهل 
ثم يأمر التجاعيد بأن تولد"

اعدادات في نظام تشغيل اللحم 
من غير بنزين أو فحم 
طاقة تحرك عضمي و عضمك 
لما بتخلص مالهاش شحن 
السما فيها ألف سر أصغرهم يعمل لك هزة 
مش لازم تبص بمحن و تتأمل تفتكر المزة 
هتبقى جثه 
هكنسوك لما المقبرة متساعش 
بزيادة نعش 
عضمك اللي عشت بيه سنين طوال 
هيلموا عضمة عضمة يحطوها في شوال 

"كل الأفعال الإنسانية تنبع من واحدة أو أكثر من هذه المسببات: المصادفة، الطبيعة، الإكراه، العادة، المنطق، العاطفة، الرغبة"

شوبنهاور .. جرعة مبداية للتشاؤم تاخد  باور
تواجه الامل بذكريات من الصور 
اللسان باش صمت مستمر خامل 
خطيئة مع الفكر و النتيجة العقل حامل 
أنا بتلفت كمدار القمر الأبيض 
زي كواكب حول الشمس تلف و كل ما تبعد تبرد 
بافكتر الكتابات ع الجدران الحجرية تاكد الف مقولة 
بان تاريخنا اتكتب كلماته بامر مباشره منهم 

افرازات العقل الجمعي تخلي العقل موافق 
ع التوجيه تنبيه معدوم تنفيذ معلوم 
عبد في القطيع يقول امين لسيده 
ينفذ أي شيء يريده مهما زادت تجاعيده
مهما قل مستوى .. ضخ الدم في وريده 
يعيش و يموت مازوخي 
السرعة في التنفيذ شيء صاروخي 
انعزال .. و اداوي في شروخي جوه كوخي 
لإنه موافق ع السياط بتحقق له الانبساط 

"الجاهل يؤكد و العالم يشك و العاقل يتروى
الخوف ألم نابع من توقع الشر"

فاكرين نفسنا اسياد توقيت نسفنا ازداد 
التوافق مع الكون غصب مهما اتطورت علوم وثب 
احتفال بوهم كوم لحم الجو برد بره 
كوكبك مالوش سطوة في المجرة 
نواية حارة بعد ما دمر أرضه 
الشر بيخلق فكرة ضارة 
 احتباس زاد و الحروق في الطريق جت 
كويكبات نيزك ابتدا العد 

"علمتني الفلسفة أن أفعل دون أوامر ما يفعله الآخرون خوفا من القانون
الأمل حلم من أحلام اليقظة
البشر يُحْكَمُون بالخوف أكثر من المهابة
يختلف المتعلم عن الجاهل بقدر اختلاف الحي عن الميت
ليست الشجاعة أن تقول ما تعتقد ، إنما الشجاعة أن تعتقد كل ما تقول"


احتباس


ادينى كاسي ونسينى كل اللى فات من ايامى وسنينى لفيت اللفه  من تانى وادينى ببص لنفسي مش شايف اى طموح في عينى
ادينى فيزا ومشينى من ام البلد اللى بتقتل اجمل ايام فى سنينى
وجودي في البلدي بيقتلني مش بيحييني حاكمني بذنب معملتوش احكم عليا انفيني ابعد مكان عن هنا وديني

وقبل ما امشي مسيلى على الناس اللى استنونى ياما لكنى مجيتش الناس اللى استنوا  اغنية ولا سمعتش الناس اللى فى غيابى حسوا بحاجه مكملتش Yeah
مشكلتى مبغنيش الا لما ببقى عايز اغنى ومتنسوش اللى انتوا بتسمعوه دلواتى ده فنى فالما اعوز اقول اقول فـ متفضلش مستنى مفيش حد فاهم مصلحتى افضل منى 
                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

                                                               ***   


ضيعت وقت وفلوس وكمان مجهود على الفاضي حلمت بالمستقبل مخلصتش من الماضي عاندت ونجحت ولعبت اللعبه بفن اهملت لعبتى فا ضعفت وخيبت الظن
اللي ضاع ضاع مبحبش ابكى علي الاطلال في حياتى انا طولت نجوم كانت صعبه تنطال واللي عملته واللي بنيته كويس مش بطال حبت عناد وايا اجتهاد ونصلح الاعطال


ادينى امل وصحه و انا اعيش في اي حتا وانا اكمل حلمى اللي ادغدغ قدامى مية حتا وانا اصول واجول بالمزيكا اللي انا حبيتها وهفضل صالب عودي  لحد ما نسلم الجته
وميشغلنيش لو كل العالم مفهمنيش دي مشكلتهم هما انا بالنسبالي ميشغلنيش مبيشغلنيش كلام الناس عليا سواء مدحوا او ذموا سواء حبوني محبونيش

                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

هتكلم عن شخص مات 
من عشر سنين كان هاري نفسه اعلانات 
سطحي تافه مبتسم فاكر نفسه بوص
قال يعني هيتشهر و يبقى نجم لما يرص 
مع الوقت شغله بقى نص نص 
نص يرضي نفسه نص يرضي البهايم 
على عوم جمهوره عايم 
المهم إنه طول الوقت حضوره دايم 
فنه منتشر و عامل اسم في المجال 
حط نفسه في الطريق بغصب و احتلال 
كل همه ياخد كل شيء لا يرضى بالفتات 
علاقته حلوة بالجميع فزادت الفيتات 
و الحفلات بدأ يظهر ميت دليل دامغ 
إن الفن بدون مقابل ده كلام فارغ 
السبوبة تحكم الوسط كمادة أو علاقة 
تصاحب القديم و التمن فشخ طاقة 
النضج نعمة الفن خد و هات التزامات 
مش هدس نفسي كفاية جلد ذات 

فني عايش للأبد برغم كل يأسي 
و اللي مغطي على نقط ضعفي هو بأسي 
فني عايش للأبد برغم كل يأسي 
و اللي مغطي على نقط ضعفي هو بأسي 

مؤدو الراب القدام بيكرهوني 
مش بيطيقوني لو يطولو يكتفوني يشنقوني 
مش مهم السبب لإنه مبهم 
بس نبذهم لذاتي لسه شيء ملهم 
أحب أكون مضطهد بدون قيود علاقة 
حر في الكلام في نقدي للسفة و للإعاقة
بحكي سهل ممتنع كلامي للجميع 
بدون ما أرص تركيبات و عمق يلا راب وديع 
هتموتوا كلكو و هيموت معاكو فنكوا الوسخ 
مش مميز حد فيكو منتو كلكم نسخ 
المنطق اتفشخ مظاهر بذخ التون اتمسخ 
بين الكلمة و الحقيقة فاكس العقد اتفسخ 
فنيا كنت حشرة شكرا 2010
حددت مكاني في الخريطة فوق القشرة 
كل عبيد المستمع و الشهرة و الفلوس 
مش مهم تقول حقيقي جد المهم تبوس 
تحية لكل مستمع مبتاكلوش يسجل 
زحمة في كل حتة رابر له جمهور مبجل 
و الصراحة المطلقة بإني لا أبالي 
تقولي ليه بترص عننا أقولك دي تسالي 
هبقى أحكي لكو وحدتي الرابية فيما بعد 
أنا لوحدي و انتو لسه كتفكم في كتف بعض 
العيال بتقيم كلامي سايب البلاعة 
سايب اللي عمره في الفنون لسه ربع ساعه 


المزيكا مبتنتهيش و المستمعين مبيخلصوش 
بنبطل سنة و اتنين و تلاتة لكن ما بننتهوش 
أنا و المزيكا اصحاب لكن ساعات ما بنتفقوش
ياما ناس موجودة ع الساحة لكن ما بيتسمعوش 

كنت باسعى كانت أحلامي واسعة 
اسمي ينتشر و صورتي لكل شاشة خاضعة 
شكرا للظروف اللي لبستني في الحيط 
فوقت من خلال الدم و لولا الخبطة ما كنت صحيت 
أنا بخلق حرب النفس و بكسب لما أتعمد أسوق بالعكس 
بشوف كزا صورة لوشي في عالم وهمي عليها علامة اكس 
أحب أقول إن اختلافي مش تعمد 
هما اللي شبه بعض و التكرار شيء مؤبد 
المزيكا مبتخلصش أنا اللي أسوق المستمع 
عقلي بس اللي سايقني رغم زعيق المجتمع 
مغمورين للأبد و هنفضل خارج الوسط 
أسماء هتتعرف بعنف بعد ما يموت الجسد 
هنعيش حياتنا مجهولين ده في مصلحة الكارير 
بيتهوفن عزل نفسه عن غباء الناس سنين كتير 
هاغني للحيطان و الرمل و الهوا 
تجاهل البشر طريق زيادة المستوى 



مغمورين

https://www.youtube.com/watch?v=v3g7x-EwjcM

أوراق التاروت

BXSTVRE - FLUTTER BY SWORN.wav

1- Mahdy ( Awl El-Satr )
https://soundcloud.com/mahdy-nan-nos
2- PO LO
https://soundcloud.com/polo-emperor
3- Subzero
https://soundcloud.com/alex-devils
4- ARDevel
https://soundcloud.com/ardevel
5- Hajez
www.soundcloud.com/alhajez
6- Hossam GT 
https://soundcloud.com/welad9
7- Followed Gang
https://soundcloud.com/mrfollowed-da-fallen
8- Boshkash
https://soundcloud.com/welad9
9- Dida
https://soundcloud.com/dida-al-haram
10- Crespo
https://soundcloud.com/crespo-2
11- Five-O
https://soundcloud.com/hololosto
12- Rooney Hoodstar
https://soundcloud.com/revrecordz
13- Mohamed El Goarany
https://soundcloud.com/go3ranyofficial
14- Dinho ( Microscoop )
https://soundcloud.com/dinho-microscope
15- Link
https://soundcloud.com/m7mdlink
16- Shadow
https://soundcloud.com/shadow-elmasry
17- Kaiser ( RC )
https://soundcloud.com/rapcurse
18- Cobra
https://soundcloud.com/mrcobramusic
19- Ahmed Kamel
https://soundcloud.com/flowmakersmusic
20- Adham
Www.soundcloud.com/adhamzmuzik
21- Godzee
https://soundcloud.com/godzee-yakuza-new
22- Al-Banna Flow
https://soundcloud.com/albannaflow
23- 3afret El-kalam
https://soundcloud.com/3afreet-el-klam
24- Inzaghi
https://soundcloud.com/inzaghirapmusic

Prod. by: Five-O
Special Thanks to : El Goarany , Ahmed Hamdi , Rahal.

MAHD - CYPHER 1 ( ALLSTARZ )

Mohab-Z  خزعبلات

النجمة اللي سميناها على اسمك اختفت 
 تقريباً اتحرقت لما عرفت انك اختفيتي 
من الحيز المادي المحيط بيا 

بحب اضايقك كعقوبة انك موجودة في زمني 
لو اتاخدت فدية بيكي ماتدفعيش تمني 
عارفك بتحبي شعري و اساليبي السردية 
وحشاني بشكل ميتوصفش باللغات الارضية
كونك مشيتي فجأة بيعرضني لارتجاج
حبستيني جوه قمقم جدرانه من زجاج  
بدونك للأسف هزور البحر وحيداً 
و أما أكلمه عنك   رده لن يكون مفيداً
من فضلك اظهري ساعة أو ساعة و نص
نقص صورة من البوم قديم عقلية لص
راسك مصابة بأورام ذهنية لسه بكر
جاهز نتعرى قدام بعض كعقل و فكر 
ضايقيني كلميني عن أي حد بحتقره 
رغم إنك سارقة مني الاسلوب ده أنا اللي مبتكره 
الأمل في شوفك مات بس بتعلق في أشاية
فاكر زغللة عنيكي لحظة الفرنشاية 

مشيتي ليه ؟ 

انت السما المتدارية فوق سحاب غيوم 
نسيانك حرب صعبة بخسرها كل يوم 
لما كنتي بتغيري كنت ببتسم بضيق 
و أضحك لما تحلفي إني مجرد صديق 
كان عندك نوع من التفنن في تكسيري 
كنت تزقيني في صدري بعنف عشان أحس بتقصيري
استحملت عنفك قاومت خرابيطك 
كنت احضنك بغصب أشغل مزيكتي في عربيتك 
لو تفتكري مغامرتنا في حرب النجوم 
كنا بنحارب الكون باللمبة النيون 
احيانا كنا نطير بدفع ذاتي فوق باريس
و ركبنا آلة زمن اتفرجنا على حكاية إيزيس
سافرنا كل بقعة و احنا في نفس المكان 
حولت جسمك لبيانو و عزفت عليه الحان
تاريخ ميلادك إضافة للزمن و مزية
اصلك حالة فانتازيا و وجودك ضد الفيزيا 

مشيتي ليه ؟ 

كلمتيني كتير عن عيوبي تيك إت إيزي 
بنسى اللي بتقوليه شفايفك ضيعت تركيزي
أحلامي بيكي زحمة ألوان الفن التجريدي 
مبتعرفيش ترقصي لوحدك محتاجة ايدي 
ما بتقوليش يا سيدي بذمة بوظتي الجنة
شوهتي اوهامي الهارونية و رسومات الحنة
محتاجين بنزين فضائي لتموين الهلاوس 
ميزة كل أما تكوني عاوزه .. ببقى عاوز 
تواضع مزيف ابداع  في التمثيل
مارسنا الشيء المستحيل . سيت تري فاسيل
شعرك شلالات نياجرا عنيكي فاجرة 
مملكة أحضانك هبدأ اجراءات الهجرة 
مشهد نهاية العلاقة لحنته ع الأورج 
طيرنا كل الحمام و كسرنا البرج 
غروري ميتكسرش مهما كان جمال ملامحك 
مش مهم تسامحيني المهم أنا مسامحك 

مشيتي ليه ؟ 

Music By: Ben Maker
Youtube.com/BenMakerProducer

مشيتي ليه

مطر كتير امبارح في شارع عبد السلام عارف
في اوروبا تمطر تلج في المنصورة طين جارف 
الفرصة كانت مواتية ، اخيرا اقابل نادية 
بتفرمطلي الميموري دايما من الاشكال الواطية 

حاجات كتير اختلفت حتى لون شعر دقني 
حتى قدرة الاغراب ع التدخل في شأني 
عدوة  سلامتي النفسية النوستالجيا
عربية روبابيكيا في جمجمتي لسه ماشية

شوارع المنصورة ليها شوق غير مفسر 
اهتزازات الميكروباص ع الاسفلت المكسر 
عاوزين نعلي باحساسنا بمزيكتنا و كاسنا 
بحلاوة بنات بلدنا  اللي كلهم رافعين راسنا 

ريحة الهواء المحروق ، الكيف علاجه البتر 
فرنشات ساعة الفجرية على كوبري القطر 
ديسمبر مطر سيل ، ع المشاية بالليل 
تحية لكل رفاق الهلس في شقة توريل 

ورق و دايب كلام ممسوح 
ولد و شايب بينهم بواقي روح

ربع قرن شريط مقطع صعب يتلحم 
اللي مشافش المنصورة في التسعينات اترحم 
بسكلتات ع الكورنيش الجناين اتشالت 
سينما عدن و الهابي لاند اشياء زالت 

لسه فيه علامات انكارها غير مجدي 
مكتبة بوكس اند بينز و دكتور اشرف وجدي
كل شيء اعتبرناه غريب دلوقتي عادي 
دردشنا كتير ع الرصيف أنا و اسامه الهادي 

تجمع قهوة الفراعنة اصل الفكر الفاشي 
عناب متلج رغي كتير مع الرفيق غباشي 
الاستادج زهق من رجلينا أيام الجامعة
كنا من أجل المسرح بنتحول شمعة 

الفن في المنصورة كان فواحش متدارية 
اجتماعات سرية لفنانين في اندريا 
المستقبل مظلم  متخربأ شرور
تخيل مزة بهوت شورت في مساكن المرور 

Beat By: BEN MAKER
Video Taken By: Mohamed Abd El-Basset

https://www.facebook.com/modyrapworld
https://soundcloud.com/muhamad-osama
https://www.youtube.com/alydaly

أسفلت مكسر

ساعتين ماشي ع الاسفلت مفيش مواصلة 
محاصر بالرمال و الصحاري بلا بوصلة 
لامح شمس الشتا الغطسانة بين غيوم زرقا 
طلعت قلم رصاص بقطع من الاجندة ورقة 
هكتب عن اللي عاشوا و اللي ماتوا و اللي و اللي 
هكتب عن ضلمة كافكا و عن وساخة ميكافيللي 
يمكن اكتب عنها تاني باختلاف معاني 
اصلي عارف رغم اختفائها انها متابعاني 
هكتب رسالة لشلة المنصورة احلى عزوة
هكتب مقالة بحكي عن أطرف و أسوأ نزوة
يمكن مكتبش حاجة و ارسم شكلي في السبعين 
أو اكتب دس ع القدام بقيادة امين 
مشكلتي لما ببدأ أكتب قلمي مش بيرحم 
كل ما تمر السنين الدنيا بتبقى أزحم 
غروب النهاردة فيه شبه من غروب حياتي 
فخور بكوني في نظركم الشاب الفلاتي 

انا عن نفسي ماشي 
مرحب بالتلاشي 
الوحدة بتملى وادي 
المبهر بقى عادي 

باستخدام العدمية اكتب قصص قصيرة
لما ارزع بيرة ناس حقيرة بتظهر ع السيرة
اهلا برفاق الهلس الليلة دي السهرة عندي 
مستني كل السهرانين و خصوصا ساندي
شوفي الوقت اللي يناسب مودك الموكنة جاهزة 
وعد مني انك تخوضي تجربة جهابذة 
عاوزك في ليلة للقمر في حالة اكتمال 
عاوز دلال قبل ما نبدأ مرحلة الاهوال 
بقطع ورقة هبد الرومانسية عشان بيضحك 
بكره الحاضر كل ما افتكر الماضي بتمحك 
عجباني لسعة البرد اللي بتحاصر الحيز 
صوابع ايدي لسه مش ماسكة القلم كويس 
صور قديمة تجيب الماضي بالمشقلب 
لما كنت ادفي ايدي بمج سحلب 
بقلب في الاجندة الاقي راب قديم غير معلن 
ملوش مكان ناو بعد التغير قولاً و فعلاً


انا عن نفسي ماشي 
مرحب بالتلاشي 
الوحدة بتملى وادي 
المبهر بقى عادي 

خلصت سجايري 
شربت الشاي 
قاعد مستني يوم رحيل
ابعت رسالة الاقي سين 


Prod By: Mad House Music

Filmed  By: Subo Photography 
● Instagram : https://www.instagram.com/subophotogr...
● Facebook : https://www.facebook.com/subophotogra...

English subtitles By: Eman Seliem
Video Editing By : Muhammad Osama


● Facebook : https://www.facebook.com/modyrapworld
● SoundCloud : https://soundcloud.com/muhamad-osama

مع نفسي ماشي

Egyptian Oldschool Rapper
1999- Present
Rapper , Vocalist , Lyrical "Arabic-Egyptian Dialect"
More than 20 Years experience since 1999 in Arabic rap tracks and beats production