بيحب كل الفصول .. 
صيف او شتاء ..
في المنطق المعقول .. 
ايامه متثبه ..

معزول عن العالم .. 
وعن نفسه ..
بيَنتصر لـ رمل الطريق .. 
وبينافسه ..

علي مين الدنيا هتطيره .. 
اسرع ..
علي مين الدوسه هتخليه .. 
افظع ..

علي مين مساحته اصغر .. 
ومتداري ..
علي مين بياخد كل يوم .. 
شكل انهياري ..

وبينكمش وبيحتمي ..
وبينتمي .. 
لـ رمل الطريق .. اكتر من التاني ..

رمل الطريق - احمد ضيف

لما بداء ينشغل بحجات مبتهموش .. 
ظهرت حجات اهتم بيها لكنها .. 
كانت الطرف اللي بايع في العلاقة .. 

ظهرت اجابة للسؤال .. 
اول ما خلص الامتحان .. 
ومعادش عنده اي فرصة ..
تجبرُه علي بذل طاقة ..

كان حب بنت مقالهاش ..
خوفاً عليها من كلام الناس .. 
بالوقت لما اتجوزت غيره .. 
المجتمع صدق وآمن بالصداقة .. 

علي قد زعيق ابوه والخلافات الطويلة ..
والحياة ما بينهم اللي كانت مستحيلة .. 
وتكاد تكون اشبة لحرب اتنين صنايعية .. 
علي مين يبوظ عدة التاني ويعطله .. 
اهو مات ابوه .. واتمني فجأه يحصله .. 

والناس بتتحايل عليه .. 
تسافر ليه ؟ .. ما بلدك اولي .. 
ولكنه مل من المحاولة .. والامل .. 
وكتر السؤال ايه العمل .. وما هيا الجدوي .. 
اليأس أصبح عندنا عدوي .. 
ولازم اهرب قبل بيه ما اتصاب .. 
سلم علي الاهل وعلي الاصحاب .. 
ويدوب بتبداء تطلع الطيارة .. 
توصل رسالة ، ومـ الغرابة اتخبل .. 
كانت وظيفة راحلها من سنة ..
ردو عليه وقالوله انه اتقبل .. 

دلوقتي بسأل ليه ..
وده اعتراض اكتر ما هوا سؤال ..
هيفيد بإيه في الدنيا طول البال .. 
وقولة اتقل ، تلقي خير قدام .. 
وانا كل ما اصبر بترمي علي ورا .. 
ليه كل حاجه بتيجي متأخرة .. ؟ 
طب دي مكافأة ولا إسمه عذاب .. 
ميصحش انافقك او اكون كداب .. 
انا مش راضي .. 
وبالنسبة لوثيقة الصالحين .. 
فـَ مش ماضي .. 
مش محبة في العناد .. 
قد رغبة في التراضي .. 
افهم ايه من كل ده .. !
الجري عـ الفاضي .. 
والوقفة عـ الفاضي ..
وانا كل ما بفتش قصادي .. 
بلقي حاجة مُجبر استحمل بعادها .. 
فَـ يادوب سؤال .. 
كل الحجات في الدنيا ايه ..
حكمة معادها .. ؟



يادوب سؤال - احمد ضيف

بين الهزيمة والتانية | إسلام حسين

قصيدة "ساقط ثانوية" _ عبدالله نبيل

قصيدة : الوِحْدَه
كلماتي و إلقائي
لو عجبتك القصيده متنساش تدعمني ب Like & Repost & Share  ♥
Facebook acc : https://www.facebook.com/AbdallahA.khidr
Instagram acc :https://www.instagram.com/abdallah.a.khidr/

الوحده - عبدالله خضر

قصيدة " آثار جانبية للفراق"_ عبدالله نبيل

مساء الخير.

بكلمك. الليلة دي بالذات لأقولك اني  كنت كويس قدام الناس النهارده، بس مكنتش انا ، ومش عارف امتي هكون كويس وأنا
... 
مرّة نوفمبر ، مرَّ نوفمبر ..
التاء مربوطة فـ رقبة مين !

وحشتيني..  مشتاقلك بشوق فاطنة ل حراجي القط 

هو انتي فين من كل ده! وانتي فين من هد حيلي؟!!

بيني وبينك بلاد مع اننا فبلد واحده

سيباني مضطرب.. سقعان
بلاعب نفسي ع الخسران... وبخسرني

الكلام مخنوق ف حَلقي 
العشم ضيقلي خُلقي

ملهوف ل لُقاك كلهفه قيس ع ليلي المهدي 


‏كانت عيونك على أكبر نصيب في الهَم

‏لا عندي دموع أعيّط
ولا عندي جناح أطير
في قلبي تُقل الجبل ورقّة العصافير

رجلي دايسه ع اللغم ، أي حركه غلط أو صح هتحول أشلاء ، كل الأحباب الغام  وكل إنفجار بفراق.

يادوب سؤال - احمد ضيف

........