We gaither in a few plans an promises for the hairst this episode.  Dave Mitchell tells us o  plans for a new Art Exhibition at the National Gallery o Scotland – we celebrate wi the young beekepers - oor National Scots Screiver gaithers  thegither his projects fae his year in the post  – Willie Johnstone spiks tae singer/songwriter Claire Hastings aboot her life in music an oor cook Claire Paterson bring the hairst fae the gairden intae the kitchen. A bumper episode for Lammas.

Scots Radio | Episode 101 | September 2023

Weel it’s the hairst time again an the leaves are beginning tae faa doon.  Bit it’s een o the busiest o times in the gairden.  Jine Frieda, Dave, Claire and Richie for anither danner doon the path tae hear mair aboot fit jobs tae tackle this season. Enjoy yir gairden.

Grow Radio | Episode 19

Hairst

It’s Lammas time an wir celebratin  the Hairst in this programme. Faan we look ower the stubble parks, wir seein the results o generations o lifetimes experience.
In this edition wir hairstin language, lore an music. Wir celebratin the Scots Language Awards wi Simon Thoumire,  an Steve Byrne taks a close look at fit the new Scottish Languages Bill micht bring tae the fore.
As weel as aa that – there’s a bumper programme o ivints at the new Scottish International Storytelling Festival.  Aa this as weel as guid company.  Jine us.

Scots Radio | Episode 102 | October 2023

It’s affa wither ootside, bit fit aboot jist bidin aside the fire wi a good book.  An wiv got a few books in this episode tae recommend.  Tae fit in wi the Scottish Book Trust’s  book week an the Saltire Society’s Literary Awards this month, wiv pit the gither a special book Episode. Willie Johnston spiks tae writers at the Wigton Book Festival – an oor team hiv sorted oot some o their favourite books for the gairdeners and cooks.  An wiv got some special music as weel.

Dinna pit aff – jine us.

Scots Radio | Episode 103 | November 2023

Wiv got a Special Christmas Cracker Edition for ye this time that includes a visit tae Monymusk Primary School in Aiberdeenshire. This wee school won the coveted Scots School o the year nae that lang ago – an boy jist listen tae fit’s being planned noo.  Wiv a special extended confab wi renowned singer songwriter Dougie Maclean faa is aboot tae celebrate his 50th anniversary as a travellin troubadour – an his new album.  Oor Special Guest, poet an writer Shane Strachan adds that special bit o sparkle wi Christmas readins – Clair Paterson tempts us wi her Festive dishes – Dave Mitchell guides us intae the gairden tae feed the birds – an ither wildlife. An Richie Werner steers us on course through the waves wi his usual sparkle an good humour.  Aa this an music.  Fae me Frieda Morrison and the team…wir nae far awa mine.  Blythe Yule.

Scots Radio | Episode 104 | December 2023 | XMAS

Tae set the year aff in style wiv got a special programme sorted oot tae celebrate the new epoch. We welcome the new Scots Screiver, Susie Briggs fa will be representin Gallowa in the next year. Renowned singer, Sheena Wellington taks us through the mony facets o Robert Burns afore her workshop on the subject, at the Storytellin Centre in Embra, on the 20th January. An the team wi Dave Michell an Richie Werner are jist in the richt mood tae add tae the celebration. Aa this an music as weel. It’s anither busy programme, so jist sit back forget the wither  an enjoy the company.  Fae me Frieda Morrison and the team, a guid new year tae ye aa.

Scots Radio | Episode 105 | January 2024 | New Year

In this episode, we hear fae teacher Dr Jamie Fairbairn an Bruce Eunson, fae Education Scotland, fit the new Scots Language course for teachers will entail.

An fit aboot a Scots Language Board – we discuss.  Poet an writer, Jim Macintosh tells us aboot his new book o poems an fit mair he’s plannin tae dae ess year. 
An Dave Mitchell ties it aa thegither wi a wanner throu his favourite Scots descriptions o mammals- legends an lore.  Aa this an music wi some o oor favourite new releases.  Jine us.

Scots Radio | Episode 107 | March 2024

New Starts

Fit wid be a better wye tae start oor new season than being in the lambin shed. The wee toots hivna hid an easy start – neither hiv the shepherds - fit heroes.  An we jine Linda Mair oot on the Cullen golf course for the start o the new golf season – on fit we think is the auldest course in Scotland.  An as fairmers trachle wi dubs an clarty parks, sae div the gairdeners. Bit Belinda Rowlands, manager at the Seedbox gairdens is nae for being pit aff.  Belinda an her team hiv jist teen oor their third gairden area. 

News fae the workin warl o Scotland an roon aboot- an music as weel.  Jine us.

Scots Radio | Episode 109 | May 2024

YALLA’S ON THE BROOM

An fit a show the broom is makin this year.  An it’s time tae tak the road.

In this programme wi journey tae meet Kathleen Anderson and hear aboot fit’s planned for the Keith Folk Festival. Wi jine pipe makar an piper, Fin Moore in his workshop near Dunkeld. An back up north again tae hear fit Aaron Gale his planned for this year at the Doric Film Festival.  And then – wi feennish aff doon in Dumfrieshire for the next in oor series wi Ronnie Graham an Willie Johnston. This time they are lookin for baby tawny owls.  Fit a journey.  An there’s music as weel.  Jine us.

Scots Radio | Episode 110 | June 2024

Scots Radio is a programme that spiks aboot the culture and the ongyans o fowk fa use Scots in their wirkin warl. Accordin tae the last census in Scotland, there are aroon 1.5 million Scots spikkers in this country. Ye dinna hae tae wanner far tae here it – jist ging as far North, Sooth, East an Wast as yir lugs’ll tak ye. I hope ye’ll enjoy rummelin aboot in the Episodes, and welcome tae the company that celebrates the Scots Language – and the fowk that jist spik it.

Scots Radio | Episode 109 | May 2024

Scots Radio

Related tracks