"ଥନହରା ରୋଗ ପହ୍ନାର ୪ଟି ଚିର ରୁ  ଏକ ବା ଏକାଧିକ ଚିରରେ ହୋଇଥାଏ । ଚିର ବା ପହ୍ନା ଫୁଲିଯାଏ, ଦରଜ ଲାଗେ, ଟାଣ ହୋଇଯାଏ ଏବଂ ନାଲିଆ ଦେଖାଯାଏ । କ୍ଷୀର ଦୁହିଁଲେ ଛିଣ୍ଡି ଛିଣ୍ଡିଆ ହୋଇ ପହ୍ନାରୁ ରକ୍ତ ଓ ପୁଜ ମିଶା କ୍ଷୀର ବାହାରେ ।  
ଏହି ରୋଗର ଚିକିତ୍ସା ବ୍ୟବସ୍ଥା ପାଇଁ  କୌଣସି ପ୍ରତିଷେଧକ ଟିକା ନାହିଁ, ତେଣୁ ପ୍ରଥମେ ପହ୍ନାକୁ ବାହ୍ୟ ଆଘାତରୁ ରକ୍ଷା କରନ୍ତୁ । ଗୁହାଳକୁ ସଦାସର୍ବଦା ସ୍ଵଚ୍ଛ, ପରିଷ୍କାର ଓ ଶୁଖିଲା କରି ରଖନ୍ତୁ । କ୍ଷୀର ଦୁହିଁଲା ବେଳେ ପରିଷ୍କାର ସ୍ଥାନରେ ଦୁହିଁବା ଉଚିତ୍ । କ୍ଷୀର ଦୁହିଁବା ପୁର୍ବରୁ ଦୁହାଁଳି ହାତକୁ ଭଲଭାବେ ସାବୁନରେ ଧୁଅନ୍ତୁ । କ୍ଷୀର ଦୁହିଁ ସାରିଲା ପରେ ପହ୍ନାକୁ କୀଟାଣୁ ନାଶକ ଔଷଧ ଯୁକ୍ତ ଦ୍ରବଣରେ ବୁଡାନ୍ତୁ କିମ୍ବା ସ୍ପ୍ରେ କରନ୍ତୁ । ଯଦି ସ୍ତନହରା ହୋଇଛି ତେବେ ପ୍ରଥମେ ସୁସ୍ଥ ଚିରରୁ କ୍ଷୀର ଦୁହିଁ ସାରିଲା ପରେ ରୋଗଗ୍ରସ୍ତ ଚିରରୁ କ୍ଷୀର ଦୁହିଁ ଫୋପାଡି ଦିଅନ୍ତୁ । ଗୋମହିଷ।ଦୀମାନଙ୍କୁ ସ୍ତନହରା ରୋଗ ଦେଖାହେଲେ ସଙ୍ଗେ ସଙ୍ଗେ ନିକଟସ୍ଥ ପ୍ରାଣୀ ଚିକିତ୍ସକଙ୍କ ସହ ପରାମର୍ଶ କରନ୍ତୁ ।

ଗାଈ ଓ ମଇଁଷି ମାନଙ୍କର ଥନହରା ରୋଗ ଓ ଏହାର ପ୍ରତିକାର

ନାଳ, ନଦୀ ଓ କେନାଲ ନିକଟବର୍ତ୍ତୀ ତଳିଘେରା ଓ ମୁଖ୍ୟ ଧାନ ଫସଲରେ ଲେଡା ପୋକର ପାଦୁର୍ଭାବ ଦେଖାଦେଲେ ଧାନ କିଆରି ଚାରିପଟେ ଆଲୋକ ଯନ୍ତା ବସାଇ ପୂର୍ଣ୍ଣାଙ୍ଗ ପୋକକୁ ନଷ୍ଟ କରି ଦିଅନ୍ତୁ ।  ବୁଦା ପ୍ରତି ଗୋଟିଏରୁ ଅଧିକ ଲେଡା ପୋକର ଶୂକ ଦେଖାଦେଲେ ସେହି କ୍ଷେତରେ ଏକର ପ୍ରତି ୪୦୦ ମିଲିଲିଟର କ୍ଲୋରୋପାଇରିଫସ ୫୦% ଇ. ସି. ସହିତ ସାଇପରମେଥ୍ରୀନ ୫% ଇ.ସି. କିମ୍ବା କୁଇନାଲଫସ୨୦% ଇ. ସି. ସହିତ ସାଇପରମେଥ୍ରୀନ ୩% ଇ.ସି. କିମ୍ବା ୩୦୦ ଗ୍ରାମ ଲାମ୍ବଡ଼ା ସାଇହାଲୋଥ୍ରୀନ କୀଟନାଶକ ୨୦୦ ଲିଟର ପାଣିରେ ମିଶାଇ ଉପରବେଳା (୪ ରୁ ୬ ଘଟିକା ମଧ୍ୟରେ) ସିଞ୍ଚନ କରନ୍ତୁ ।  ଶୂକ ମାନେ ଗୋଟିଏ କ୍ଷେତରୁ ଅନ୍ୟ କ୍ଷେତକୁ ମାଡିଯିବାର ସମ୍ଭାବନା ଥିବାରୁ ଉପରୋକ୍ତ କୀଟନାଶକ ଆକ୍ରାନ୍ତ କ୍ଷେତର ଚାରିପଟେ ହିଡରେ ଭଲଭାବରେ ସିଞ୍ଚନ କରନ୍ତୁ । ବର୍ଷା ଦିନେ ଉପରୋକ୍ତ ତରଳ କୀଟନାଶକ ବିଷ ସିଞ୍ଚନ ସମୟରେ ପ୍ରତି ୧୫ ଲିଟର କୀଟନାଶକ ମିଶ୍ରିତ ପାଣିରେ ବଜାରରେ ମିଳୁଥିବା ଅଠା ୫ ମିଲିଲିଟର ହିସାବରେ ମିଶାଇ ସିଞ୍ଚନ କରନ୍ତୁ ।

ଧାନ ଫସଲରେ ଲେଡା ପୋକ ନିୟନ୍ତ୍ରଣ

"ସୋରିଷ ଫସଲରେ ଲାଗୁଥିବା କୀଟମାନଙ୍କ ମଧ୍ୟରେ କରତିଆ ମାଛି ବା ଶ'ଫ୍ଲାଇ ମୂଖ୍ୟ କୀଟ ଅଟେ । ଏହି କରତିଆ ମାଛିର ଯେଉଁ ଲାର୍ଭା ବାହାରିଥାନ୍ତି ସେମାନେ ସବୁଜ ରଂଗରୁ ଆରମ୍ଭ କରି ଇଷତ୍ ଧୂସର ରଂଗର ହେଇଥାନ୍ତି । ଏହି ମାଛିର ଶୂକ କଅଁଳିଆ ପତ୍ର ଗୁଡିକୁ ଖାଇ ଜାଲି ପରି କରିଦିଅନ୍ତି  ।  ଗଛର କଅଁଳିଆ ଅଗକୁ କୋରି ଖାଆନ୍ତି । ଏହି କରତିଆ ମାଛିର ପରିଚାଳନା ପାଇଁ ପ୍ରାଥମିକ ଅବସ୍ଥାରେ ବିହନ ବୁଣିବାର ୩ ରୁ ୪ ସପ୍ତାହ ମଧ୍ୟରେ ଜଳ ସେଚନ କରିବା ଦ୍ଵାରା ଏହି ପୋକର ଶୂକ ଗୁଡିକ ପାଣିରେ ବୁଡି ମରିଯାଆନ୍ତି । ଏମାନଙ୍କ ନିୟନ୍ତ୍ରଣ ପାଇଁ ନିମ୍ବ ଜାତୀୟ ତେଲ ବ୍ୟବହାର କଲେ ମଧ୍ୟ ସୁଫଳ ମିଳିଥାଏ ।  ନିୟମିତ ଭାବରେ ସକାଳ ଓ ସନ୍ଧ୍ୟା ସମୟରେ ଫସଲର ପର୍ଯ୍ୟବେକ୍ଷଣ କରି ଶୂକ ଗୁଡିକୁ ହାତରେ ଧରି ନଷ୍ଟ କରିଦିଅନ୍ତୁ ।
 ପୋକ ଆକ୍ରମଣ ଅଧିକ ଦେଖାଦେଲେ ଏକର ପ୍ରତି ୨୦୦ ମିଲିଲିଟର ଈଥୋଫେନୋପ୍ରୋକ୍ସ ନାମକ କୀଟନାଶକ କିମ୍ବା ୪୦୦ ମିଲିଲିଟର କ୍ଳୋରୋପାଇରିଫସ କୀଟନାଶକ କୁ ୨୦୦ ଲିଟର ପାଣିରେ ମିଶାଇ ସିଞ୍ଚନ କରନ୍ତୁ ।

ସୋରିଷ ଫସଲରେ କରତିଆ ମାଛି ନିୟନ୍ତ୍ରଣ

ସୋରିଷ ଫସଲ ସାଧାରଣତଃ ଶୀତ ଦିନେ ଚାଷ କରାଯାଇଥାଏ । ସୋରିଷ ଫସଲରେ ପାଉଁସିଆ ରୋଗ ଦେଖାଦେଲେ ପତ୍ରର ଉପର ଭାଗରେ ଫିକା ସବୁଜ ରୁ ହଳଦିଆ ଦାଗ ଏବଂ ପତ୍ରର ତଳ ଭାଗ ପାଉଁସିଆ ଦେଖାଯାଏ । ପତ୍ର ଶୀଘ୍ର ଶୁଖି ଝଡିପଡେ । ଏହି ରୋଗର ପରିଚାଳନା ପାଇଁ ପ୍ରତି ଲିଟର ପାଣିରେ ୨ ଗ୍ରାମ ମେଟାଲାକ୍ସିଲ ଓ ମାଙ୍କୋଜେବ ର ମିଳିତ ଫିମ୍ପିନାଶକ କିମ୍ବା ୩ ଗ୍ରାମ ଫୋସେଟାଇଲ-ଏ.ଏଲ ନାମକ ଫିମ୍ପିନାଶକ କୁ ମିଶାଇ ସିଞ୍ଚନ କରନ୍ତୁ ।

ସୋରିଷ ଫସଲରେ ପାଉଁସିଆ ରୋଗ ପରିଚାଳନା

ଅଧୁନା କୋହଲା ପାଗ ସହ ଦିବା ରାତ୍ର ଉତ୍ତାପ ତାରତମ୍ୟ ପରିପ୍ରେକ୍ଷୀରେ ସୋରିଷ ଫସଲରେ ଜୋଉ ପୋକ ଓ କାଳିମୁଣ୍ଡି ପୋକର ପାଦୁର୍ଭାବ ବୃଦ୍ଧି ହୋଇପାରେ । ଏହାର ନିୟନ୍ତ୍ରଣ ପାଇଁ ନିମ୍ବ ଜାତୀୟ   କୀଟନାଶକ (୧୫୦୦ ପି. ପି. ଏମ.) କୁ ଏକର ପ୍ରତି ୬୦୦ ମିଲିଲିଟର ବା ଫ୍ଲୋନିକାମାଇଡ କୁ ଏକର ପ୍ରତି ୬୦ ଗ୍ରାମ ହିସାବରେ ପତ୍ର ସିଞ୍ଚନ କରନ୍ତୁ   । କାଳିମୁଣ୍ଡି ପୋକର ପ୍ରାରମ୍ଭିକ ଅବସ୍ଥାରେ ଲାମ୍ବଡା- ସାଇହାଲୋଥ୍ରିନ୍ କୁ ଏକର ପ୍ରତି ୨୫୦ ମିଲିଲିଟର ବା ଏମାମେକ୍ଟିନ୍ ବେନଜୋଏଟ୍ କୁ ୮୦ ଗ୍ରାମ ହିସାବରେ ସିଞ୍ଚନ କରନ୍ତୁ  । ମହୁମାଛି ମାନଙ୍କ ସୁରକ୍ଷା ଓ ଫସଲରେ ପରାଗ ସଂଗମ ପାଇଁ କୀଟନାଶକ କୁ ଉପରବେଳା ୩ ଟା ରୁ ୫ ଟା ମଧ୍ୟରେ ପ୍ରୟୋଗ କରନ୍ତୁ ।

ସୋରିଷ ଫସଲରେ ଜୋଉ ଓ କାଳିମୁଣ୍ଡି ପୋକର ନିୟନ୍ତ୍ରଣ

ଅଧୁନା କୋହଲା ପାଗ ପରିପ୍ରେକ୍ଷୀରେ ସୋରିଷ ଫସଲର ଯତ୍ନ କିପରି ନେବେ

ଏହି ରୋଗରେ ସୋରିଷ ଉଦ୍ଭିଦର କାଣ୍ଡରେ ବାଦାମୀ ଶଢା ଦାଗ ଦେଖାଯାଇଥାଏ  ଓ ପରେ ପରେ କବକ  ଦେଖା ଯାଇପାରେ ।  ଏହା ସହିତ ଉଦ୍ଭିଦ ବୃଦ୍ଧି ମନ୍ଥର ହୋଇଯାଏ ।  ପୋଡ ଭିତରେ ମଞ୍ଜି ଛୋଟ ହୋଇଥାଏ ।  ମେଘୁଆ କୋହୋଲା  ପାଗରେ ଏହି ରୋଗ ଅଧିକ ଦେଖାଯାଏ  ।  ଏହାର ପ୍ରତିକାର ବ୍ୟବସ୍ଥା ଭାବରେ, ପ୍ରଭାବିତ ଗଛ କୁ ଉପାଡ଼ି ପୋଡି ଦିଅନ୍ତୁ । ରାସାୟନିକ ପଦ୍ଧତିରେ ଆଜୋକ୍ସିଷ୍ଟ୍ରୋବିନ୍ ୧୮.୨% + ଡିଫେନକୋନାଜୋଲ ୧୧.୪% ଏସ. ସି ପ୍ରତି ଲିଟର ପାଣିରେ ୧ ମିଲିଲିଟର ହିସାବରେ ମିଶାଇ ସିଞ୍ଚନ କରନ୍ତୁ ।

ସୋରିଷ ଫସଲରେ ସୋରିଷ ଫସଲରେ କାଣ୍ଡ ସଢା ରୋଗ ନିୟନ୍ତ୍ରଣ

ପ୍ରାରମ୍ଭିକ ପର୍ଯ୍ୟାୟରେ ଏହି ଛୁଇଁ ବିନ୍ଧା ପୋକ ଛୋଟବେଳେ କୋମଳ ଛୋଟ ପତ୍ର ଗୁଡିକୁ ଖାଇଥାନ୍ତି  ଏବଂ ଯେତେବେଳେ ସୋରିଷ ଉଦ୍ଭିଦର ଫୁଲ ଏବଂ ଫଳ ଆସେ, ସେମାନେ ବହୁତ ପରିମାଣରେ ଆକ୍ରମଣ କରନ୍ତି । ସେମାନେ ସୋରିଷ ଉଦ୍ଭିଦର ଚୋପା  ଭିତରେ ଥିବା ମଞ୍ଜି ଖାଇଥାନ୍ତି  ଫଳ ସ୍ୱରୂପ, ଭଲ ଫସଲ  ଉତ୍ପାଦନ ହୁଏ  ନାହିଁ । ଚାଷିକୁ ଅନେକ କ୍ଷତିର ସମ୍ମୁଖୀନ ହେବାକୁ ପଡିଥାଏ  । ଏହାର ପ୍ରତିକାର ବ୍ୟବସ୍ଥା ଭାବରେ, ସୋରିଷ କ୍ଷେତରେ ଫେରୋମୋନ୍ ଟ୍ରାପ୍ ସ୍ଥାପନ କରାଯିବା ଉଚିତ, ଯାହା ଦ୍ଵାରା କ୍ଷେତ କୀଟପତଙ୍ଗ ଦ୍ୱାରା ଆକ୍ରମଣ ହୋଇଛି କି ନାହିଁ  ଜାଣି ପାରିବେ । ରାସାୟନିକ କୀଟନାଶକ ଲାମ୍ବଡା ସାଇହୋଲୋଥ୍ରିନ୍ ୫% ଇସି ୧.୫ ମିଲିଲିଟର ପ୍ରତି ଲିଟର ପାଣିରେ  ମିଶାଇ  ସିଞ୍ଚନ କରାଯାଇ ଏହି କୀଟନାଶକକୁ ନିୟନ୍ତ୍ରଣ କରିପାରିବ ।

ସୋରିଷ ଫସଲରେ ଛୁଇଁ ବିନ୍ଧା ପୋକ ନିୟନ୍ତ୍ରଣ

ମେଘୁଆ ଏବଂ କୋହୋଲା ପାଗ ପାଇଁ ପତ୍ର ପୋଡା ରୋଗ ଅଧିକ ଦେଖାଯାଇଥାଏ I ସୋରିଷ ଫସଲ ଯଦି ପତ୍ର ପୋଡା ରୋଗରେ ଅଧିକ ଆକ୍ରମିତ ହୁଏ, ତେବେ ସୋରିଷ ଛୁଇଁ କଳା ହୋଇଯାଏ ଏବଂ ମଞ୍ଜି ଆକାରରେ ଛୋଟ ହୋଇଯାଏ । ଫଳ ସ୍ଵରୂପ ଚାଷୀକୁ କ୍ଷତିର ସମ୍ମୁଖୀନ ହେବାକୁ ପଡିଥାଏ । ଏହାର  ପ୍ରତିକାର ବ୍ୟବସ୍ଥା ଭାବରେ ୪ ଗ୍ରାମ କପର ଅକ୍ସାଇକ୍ଲୋରାଇଡ୍ ପ୍ରତି ଲିଟର ପାଣିରେ ମିଶାଇ ସିଞ୍ଚନ କରନ୍ତୁ  କିମ୍ବା  ୨.୫ ଗ୍ରାମ ମାଙ୍କୋଜେବ୍ କିମ୍ବା ୨  ଗ୍ରାମ ମେଟଲାକ୍ସିଲ ପ୍ରତି ଲିଟର ପାଣିରେ ମିଶାଇ ସିଞ୍ଚନ କରିବା ଦ୍ୱାରା ଏହି ରୋଗରୁ ଅନେକ ସୁରକ୍ଷା ମିଳିପାରିବ ।

ସୋରିଷ ଫସଲରେ ପତ୍ର ପୋଡା  ରୋଗ ନିୟନ୍ତ୍ରଣ

ସୋରିଷ ଫସଲରେ ପତ୍ରଛନ୍ଦା ଓ ଧୂଆଁ ପତ୍ର ଗୋଟି ପୋକ ଆକ୍ରମଣ ପରିଲକ୍ଷିତ ହେଲେ ଏକର ପ୍ରତି ଏମାମେକ୍ଟିନ ବେଂଜୋଏଟ  ୦.୪ ଗ୍ରାମ ୧ ଲିଟର ପାଣିରେ ପ୍ରୟୋଗ କରନ୍ତୁ । ଜୋଉ ପୋକର ପାଦୁର୍ଭାବ ଅଧିକ ହେଲେ ୦.୩ ଗ୍ରାମ ଫ୍ଲୋନିକନିଡ ୧ ଲିଟର ପାଣିରେ ମିଶାଇ ପତ୍ର ସିଞ୍ଚନ କରନ୍ତୁ ।

ସୋରିଷ ଫସଲରେ ପତ୍ରଛନ୍ଦା ଓ ଧୂଆଁ ପତ୍ର ଗୋଟି ପୋକର ନିୟନ୍ତ୍ରଣ

Reliance Foundation, founded in 2010, is the philanthropic foundation of Reliance Industries Limited and one of the largest private foundations in India. Its objective is to promote sustainable growth in India.

Since 2013, One of the programme in Reliance Foundation “Information Services” is disseminating information on weather based livelihood (agriculture, livestock, inland / marine fisheries), Government / Bank schemes, subsidies, Insurance, disaster management, health, social, education, employment and civic services advisories and providing necessary linkages to rural communities with the technical support of Government Departments, Universities, Research Institutions, Hospitals, Banks using different communication platforms such as mobile platforms, local cable TVs, print, electronic media, multi-location audio / video conferences.

The programme is also providing ground services such as medical camps, livestock camps, plant diagnostic camps, soil testing camps, demonstrations and trainings.

Presently RFIS programme is in partnership with approximately 500 knowledge providers (departments / organizations / institutions not individuals) for providing right information to right individuals from right sources. More than 30, 00,000 individuals have been receiving personalized advisories onto their mobiles in different thematic areas. More than 25,000 villages are receiving advisories or are participating in interactions on day to day basis with various programmes or broadcast modes (local cable TV, Radio and Print Media). The entire eco-system is supported by cloud telephony based Toll Free Help Line Number (1800-419-8800) in the form of providing necessary clarifications from knowledge providers to knowledge seekers.

New tracks tagged #ନିୟନ୍ତ୍ରଣ