குறுவை நெல் சாகுபடிக்கு முன் பசுந்தாள் உரப்பயிர்கள் சாகுபடி செய்வதால் நெல்லுக்குத் தேவையான தழைச்சத்தில் சுமார் 25 சதவீதம் மிச்சமாகிறது. மண்ணின் இயற்பியல் தன்மைகள் பயிர் சாகுபடிக்குச் சாதகமான முறையில் மண்ணில் தழை, மணி, சாம்பல் சத்துக்கள் கிடைக்கப் பெறுவதால் மண்வளம் கூடுகிறது. மண்ணின் நுண்ணுயிர்கள் பெருகி மண்ணின் தன்மையை மேம்படுத்தப்படுகிறது. நெல் நடவு செய்வதற்கு சுமார் 40-45 நாட்கள் முன்னதாக பசுந்தாள் பயிர்கள் விதைக்க வேண்டும். விதைப்பதற்கு ஏக்கருக்கு சுமார் 10 கிலோ விதைகள் போதுமானது

குறுவை நெல் சாகுபடியில் பசுந்தாள் உரப்பயிர்களின் முக்கியத்துவம் பற்றிய தகவல்

குறுவை நெல் பயிருக்கு நடவு செய்த 10 நாட்கள் கழித்து உரங்கள் இடுவது நல்ல பலனை தரும். நெல் நடவு செய்ததில் இருந்து பயிர் பச்சை பிடித்து நிலத்தில் இருந்து சத்துக்களை எடுக்க 9 நாட்கள் ஆகும். எனவே நெற்பயிருக்கு அடியுரமாக ஒரு ஏக்கருக்கு ஒரு மூட்டை டிஏபி, 25 கிலோ பொட்டாஷ், 15 கிலோ யூரியா மற்றும்  நெற்பயிருக்கான நுண்ணுாட்ட கலவை 8 கிலோ ஆகியவற்றை கலந்து இட வேண்டும்.

குறுவை நெல் சாகுபடியில் அடியுரம் இடுதல் பற்றிய தகவல்

உளுந்து, பாசிபயறு, தட்டைபயறு போன்ற பயறுவகைப் பயிர்களில் ஏதேனும் ஒன்றை தேர்வு செய்து ஒரு ஏக்கருக்கு, இரண்டு கிலோ என்ற அளவில் விதைகளை நெல் வரப்பில் விதைத்து வரப்பு பயிராக சாகுபடி செய்வதன் மூலம் பூச்சி நோய்களைக் கட்டுப்படுத்தலாம்.   மேலும்,  சாகுபடிச் செலவு ஏதுமின்றிப் பயறு மகசூல் கிடைக்கிறது. தழைகள் ஆடு, மாடுகளுக்கு சிறந்த புரதச்சத்து மிகுந்த தீவனமாக பயன்படுகிறது. வரப்புப் பயிர் சாகுபடி செய்வதனால் வருமானம் அதிகரிக்கிறது. எனவே புதுக்கோட்டை மாவட்ட விவசாயிகள் சம்பா பருவத்தில் நேரடி நெல் விதைப்பில்   வரப்பு பயிர் சாகுபடி செய்து உயர் விளைச்சல் பெறலாம்.

நேரடி நெல் சாகுபடியில்  வரப்பு பயிர் சாகுபடி குறித்த தகவல்

நேரடி நெல் விதைப்பில் குறைந்தபட்சம் 50 நாட்கள் வரை களைகள் இல்லாத சூழல் அவசியம். எனவே, நேரடி நெல் விதைப்பில் களை மேலாண்மையில் கவனம் செலுத்துவது அவசியமாகும். நெல் விதைத்த 3 முதல் 5 தினங்களுக்குள் ஏக்கருக்கு பிரிடிலாக்குளோர் 450 மி.லி. அல்லது 5 முதல் 6 நாட்களுக்குள் பைரசோசல்பூரான் ஈத்தைல் களைக்கொல்லி ஏக்கருக்கு 80 கிராம் என்ற அளவில் 200 லிட்டர் நீரில் கலந்து தெளிக்க வேண்டும். வயலில் ஈரம் இருக்கும்பொழுது கைத்தெளிப்பான் கொண்டு தெளிக்கவும். களைகள் முளைத்த பின் பிஸ்பைரிபாக் சோடியம் 10 எஸ்.சி. என்ற களைக்கொல்லியினை 80 மி.லி. ஏக்கருக்கு 200 லிட்டர் நீரில் கலந்து 2 அல்லது 4 இலைகள் துளிர்த்துள்ள பருவத்தில் தெளித்துக் கட்டுப்படுத்தலாம். எனவே, விவசாயிகள் சம்பா பருவத்தில் நேரடி நெல் விதைப்பில் களைகளை கட்டுப்படுத்தி, உயர் விளைச்சல் பெறலாம்.

நேரடி நெல் சாகுபடியில் களைக் கட்டுப்பாடு குறித்த தகவல்

குறுவை நெல் சாகுபடியில் நெற்பயிரில் கதிர் வெளிவரும் நேரம் அல்லது தொண்டை பயிராக இருக்கும் பொது,  கடைசி மேலுரமாக ஒரு ஏக்கருக்கு 30 கிலோ அம்மோனியம் சல்பேட் மற்றும் 10 கிலோ பொட்டாஷ் உரத்தை கலந்து வயலில் சீராக தண்ணீர் விட்டு இட வேண்டும்.  மூன்றாவது மேலுரம் இடுவதால் நெற்பயிரின் கதிர்கள் நன்றாக வளர்ந்து அதிகபடியான நெல்மணிகள் பிடித்து  மகசூல் அதிகரிக்கும்.

குறுவை நெல் சாகுபடியில் கடைசி மேலுரம் பற்றிய தகவல்

மானாவாரி நெல் விவசாயிகள் நெல் சாகுபடியை மேற்கொள்ளும் பட்சத்தில் குறுகிய கால மற்றும் வறட்சியை தாங்கி வளரும் திரூர்குப்பம் 15, ஆடுதுறை 53, கோயம்புத்தூர் 53 மற்றும் கோயம்புத்தூர் 55 போன்ற ரகங்களை விதைத்து பயன்பெறலாம். மேலும் தொடக்க காலத்தில் நெல் வறட்சியை தாங்கி வளர ஒரு கிலோ விதையை ஒரு சதவிகித பொட்டாசியம் குளோரைடு சம விகித கரைசலில் (10 கிராம், ஒரு லிட்டர் நீர்) 16 மணி நேரம் ஊற வைத்து பின் அதன் பழைய ஈரப்பத்திற்கே திரும்பும் வரை நிழலில் உலர்த்தி விதைக்குமாறு அறிவுறுத்தப்படுகின்றனர்.

மானாவாரி நெல் சாகுபடியில் உயர் விளைச்சல் ரகங்கள் மற்றும் விதை நேர்த்தி தொழில்நுட்பம்

விவசாயிகள் விரும்பி பயிரிடும் நெல் இரகங்களின் விதைகளும் பழைய நெல் இரகங்களுக்கு மாற்றாக உயர் விளைச்சல் தரக்கூடிய பூச்சி நோய் தாக்குதலுக்கு எதிர்ப்புத்திறன் மற்றும் தாங்கும்திறன் உடைய  புதிய நெல் இரகங்களை விவசாயிகளிடையே அறிமுகம் செய்து பரவாலாக்கம் செய்யும் வகையில் ஆடுதுறை 51, ஆடுதுறை 54 ஆகிய நெல் இரகங்களின் விதைகளும் போதுமானளவு இருப்பு வைக்கப்பட்டுள்ளது.  இவற்றில் ஆடுதுறை 51 நெல் இரகமானது முன்-சம்பா பருவத்திற்கேற்ற நீண்ட கால நடுத்தர சன்ன ரகம் ஆகும். நீண்டகால நெல் ரக வரிசையில் சி.ஆர் 1009-க்கு மாற்று இரகத்திற்கான தேவையை நிறைவு செய்யும் வகையில் வெளியிடப்பட்டுள்ளது. 155 - 160 நாட்கள் வயதுடையது. ஏக்கருக்கு சராசரியாக 2640 கிலோ மகசூல் கிடைக்க கூடியது. இலைமடக்கு புழு, தண்டு துளைப்பான் மற்றும் குலைநோய்க்கு எதிர்ப்புதிறனும் புகையான், இலையுறை அழுகல் மற்றும் இலையுறை கருகல் ஆகியவற்றிற்கு மிதமான எதிர்ப்புத்திறனும் கொண்டது. நடுத்தர சன்ன இரகம். மேலும் சி.ஆர் 1009-க்கு இணையான சமையல் பண்புகளைக் கொண்டது. ஆடுதுறை 54 நெல் இரகமானது சம்பா பருவத்திற்கேற்ற மத்திய கால நடுத்தர சன்ன இரகம் ஆகும். 130 - 135 நாட்கள் வயதுடையது. ஏக்கருக்கு சராசரியாக 2550 கிலோ மகசூல் கிடைக்க கூடியது. தண்டு துளைப்பான் மற்றும் குலைநோய் நோய்க்கு மிதமான எதிர்ப்புத் திறன் கொண்டது. வெள்ளை பொன்னிக்கு இணையான சிறந்த சமையல் பண்புகளைக் கொண்டது.

சம்பா நெல் சாகுபடியில் உயர் விளைச்சல் ரகங்கள் குறித்த தகவல்

நாற்றங்கால் தயார் செய்ய  ஏக்கருக்கு 8 சென்ட் பாத்தியில் 400 கிலோ நன்கு மக்கிய தொழு உரம் அல்லது கம்போஸ்ட் கலந்து இட்டு, ஒரு சென்ட் நாற்றங்காலுக்கு  2 கிலோ டிஏபி வீதம் மேலுரம் இட வேண்டும்.  நாற்றாங்காலில் தென்படும் தீமை செய்யும் பூச்சிகளின் எண்ணிக்கையை குறைத்து நன்மை மற்றும் நடுநிலை பூச்சிகளின் எண்ணிக்கையை அதிகரிக்க வேப்பங்கொட்டைச் சாறு 5 சதம் அல்லது அசாடிராக்டின் 0.3% சதம் விதைத்த ஏழு நாளில் இருந்து 10 நாட்களுக்கு ஓட்டும் திரவமான காதி சோப் 3 கிராம் ஒரு லிட்டர் என்ற அளவில் கலந்து நாற்றங்காலில் நன்கு நனையும்படி கைத்தெளிப்பான் கொண்டு காலை அல்லது மாலை வேளைகளில் தெளிக்க வேண்டும். நெல் நாற்றங்காலில் களிமண் பாங்கான நிலங்களில் நாற்றுகளை பிடுங்குவதற்கு 10 நாள்களுக்கு முன்னர் ஒரு சென்ட்டுக்கு 4 கிலோ ஜிப்சம் இட வேண்டும். ஜிப்சம் இடுவதால் நாற்றுக்களின் வேர்களை அறுபடாமல் எளிதில் எடுத்து விடலாம்.

நெல் நாற்றாங்கால் தயாரிப்பு மற்றும் பாதுகாப்பு பற்றிய தகவல்

நெல் சாகுபடி செய்யும் விவசாயிகள் பெரும்பாலும் டிஏபி உரத்தினையே அடியுரமாக பயன்படுத்துகிறார்கள். ஒரு மூட்டை டிஏபி உரத்திற்கு மாற்றாக, அடியுரமாக ஏக்கருக்கு மூன்று மூட்டை (150 கிலோ) சூப்பர் பாஸ்பேட்டும், 20 கிலோ யூரியா உரத்தினை இடலாம். நெற்பயிரின் வளர்ச்சிக்கு அவசியம் தேவைப்படும் கந்தகச்சத்து காம்ப்ளக்ஸ் உரத்தில் 13 சதமும், சூப்பர் பாஸ்பேட் உரத்தில் 11 சதமும், மணி சத்து 16 சதமும்    உள்ளதால், பயிரின் வளர்ச்சியும், மகசூலும் அதிகரிக்கும். இதனால், டிஏபி இட்ட வயலைப் போன்றே, பயிர்வளர்ச்சி செழித்து, விளைச்சலும் அதிகரிக்கும். மேலும் இதன் விலையும் டிஏபி உரத்தைவிட குறைவாக இருப்பதால் உற்பத்தி செலவும் குறைகிறது.  சூப்பர் பாஸ்பேட் உரமானது உள்நாட்டிலேயே தயார் செய்யப் படுவதால் எளிதில் கிடைக்கிறது. எனவே விவசாயிகள் டிஏபி போன்ற தட்டுப்பாடு மிக்க உரங்களை நாடி அலைய வேண்டியதில்லை. மேலும், தகவலுக்கு ரிலையன்ஸ் அறக்கட்டளையின் கட்டணமில்லா உதவி எண் 1800 419 8800 ஐ தொடர்பு கொள்ளவும். நன்றி.

நெல் சாகுபடியில் டிஏபி உரத்திற்கு மாற்றாக சூப்பர் பாஸ்பேட்டைஅடியுரமாக இடுதல் பற்றிய தொழில்நுட்பம்

நெல் மணிகள் திரட்சியாக வர நெல் தண்டு உருண்டு கதிர் வரும்போது புளித்த மோர் 5 லிட்டர், இளநீர் 5 லிட்டர், 1 லிட்டர் தேங்காய்ப்பால் ஆகியவற்றை ஒரு பானையில் ஊற்றி துணியால் கட்டி 3 முதல் 5 நாட்கள் வைத்திருந்து அதனை கரைத்து சுத்தமான துணியால் வடிகட்டி அந்த கரைசலை கதிர் வெளிவரும் நேரத்தில் இந்த கரைசலை 200 லிட்டர் தண்ணீர் கலந்து ஒரு ஏக்கர் நிலத்தில் உள்ள பயிர்கள் முழுமையாக நனையுமாறு தெளிக்க வேண்டும். இவ்வாறு தெளிப்பதால் நெல் பயிரில் இயற்கையான முறையில் பூக்கள் அதிகரித்து மணிகள் திரட்சியாகவும், நெல் மணிகள் பொன்நிறமாகவும் வரும். மேலும் தகவலுக்கு ரிலையன்ஸ் அறக்கட்டளையின் கட்டணமில்லா உதவி எண் 1800 419 8800 ஐ தொடர்பு கொள்ளவும். நன்றி.

ரிலையன்ஸ் அறக்கட்டளை வழங்கும் நெற்கதிர் வெளிவரும் போது நெல் மணிகள் திரட்சியாக வர மோர்க்கரைசல்

Reliance Foundation, founded in 2010, is the philanthropic foundation of Reliance Industries Limited and one of the largest private foundations in India. Its objective is to promote sustainable growth in India.

Since 2013, One of the programme in Reliance Foundation “Information Services” is disseminating information on weather based livelihood (agriculture, livestock, inland / marine fisheries), Government / Bank schemes, subsidies, Insurance, disaster management, health, social, education, employment and civic services advisories and providing necessary linkages to rural communities with the technical support of Government Departments, Universities, Research Institutions, Hospitals, Banks using different communication platforms such as mobile platforms, local cable TVs, print, electronic media, multi-location audio / video conferences.

The programme is also providing ground services such as medical camps, livestock camps, plant diagnostic camps, soil testing camps, demonstrations and trainings.

Presently RFIS programme is in partnership with approximately 500 knowledge providers (departments / organizations / institutions not individuals) for providing right information to right individuals from right sources. More than 30, 00,000 individuals have been receiving personalized advisories onto their mobiles in different thematic areas. More than 25,000 villages are receiving advisories or are participating in interactions on day to day basis with various programmes or broadcast modes (local cable TV, Radio and Print Media). The entire eco-system is supported by cloud telephony based Toll Free Help Line Number (1800-419-8800) in the form of providing necessary clarifications from knowledge providers to knowledge seekers.

New tracks tagged #நெல்